ជីវិតកម្សាន្ដ

យ៉ែម សំអូន ត្អូញត្អែរនឹកកូនក្រមុំដែលរស់នៅឃ្លាតឆ្ងាយគ្នាយូរឆ្នាំ

បានផុស

៣ years មុន

នៅ

ថ្ងៃពុធ ២៣ មិថុនា ២០២១

ដោយ

ចំណងសេហ៍លោក យ៉ែម សំអូន និងអតីតភរិយាអ្នកនាង យ៉ាន លីនដា បានបែកគ្នាច្រើនឆ្នាំមកហើយខណៈដែលបច្ចុប្បន្នលោក យ៉ែម សំអូន កំពុងរស់នៅជាមួយអាជីពការងារសិល្បៈស្រុកខ្មែរចំណែកឯអតីតភរិយាក៏កំពុងរស់នៅឯក្រៅប្រទេសជាមួយកូនស្រីជាទីស្រលាញ់របស់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែក្តីនឹករលឹកចំពោះកូនស្រី លោក យ៉ែម សំអូន មុននេះបន្តិចបានផ្ញើពំនោលតាមបណ្ដាញសង្គមហ្វេសប៊ុកតាមរយៈការរៀបរាប់ពីក្ដីបារម្ភក្នុងនាមជាឪពុកចំពោះកូនស្រីជាទីស្រលាញ់ដែលកំពុងរស់នៅឯនាយសមុទ្ររហូតធ្វើឲ្យអ្នកគាំទ្រមួយចំនួនបានបង្ហាញការអាណិតដល់តារាប្រុសរូបនេះ ដែលបានឃ្លាតឆ្ងាយទ្រូងពីកូនស្រី។

ភ្ជាប់នឹងរូបថតអនុស្សាវរីយ៍ជាមួយកូនស្រីវ័យជំទង់ លោក យ៉ែម សំអូន បានបរិយាយសារថា “នឹក កូនក្រមុំ ប៉ាប៉ាណាស់ កែវភ្នែកទាំងគូរបស់ប៉ាប៉ា ជូនពរកូនឲ្យមានសុខភាពល្អ និងមានភាពជោគជ័យនៅក្នុងជីវិតណាកូនណាVeronic a Yem”។

ជាមួយនឹងខ្លឹមសាររៀបរាប់របស់តារាប្រុសពោះម៉ាយលោក យ៉ែម សំអូន នេះ បានធ្វើឲ្យអ្នកគាំទ្រសរសើរទឹកចិត្តក្នុងនាមឪពុក ដែលស្រលាញ់ហើយនឹករលឹកបារម្ភចំពោះសុខទុក្ខកូនស្រីដែលកំពុងឃ្លាតឆ្ងាយពីទ្រូង។ មិនតែប៉ុណ្ណោះលោក យ៉ែម សំអូន កន្លងមកក៏បានបង្ហាញរូបភាពស្ដែងអំពីកាតព្វកិច្ចជាឪពុកដ៏ល្អមកលើកូនស្រីសំណព្វ យ៉ែម វិរូនីខា ផងដែរ៕

អត្ថបទ ៖ ចាន់រ៉ា