ជីវិតកម្សាន្ដ
តារាខ្មែរ៣រូបគាំទ្រឱ្យម្ចាស់បានចិញ្ចឹមសត្វតោវិញ
ភ្នំពេញ៖ បើតាមការសង្កេតឃើញព័ត៌មាននៃសត្វតោឈ្មោលមួយក្បាលដែលត្រូវបានអាជ្ញាធររឹបអូសពីម្ចាស់ជាជនជាតិចិនចិញ្ចឹមខុសច្បាប់កាលពីប៉ុន្មានថ្ងៃមុននេះបានក្លាយជាប្រធានបទក្តៅ និងល្បីរន្ធឺនៅលើបណ្ដាញសង្គម។
ទន្ទឹមគ្នានោះក៏មានការបញ្ចេញមតិជាច្រើនជុំវិញរឿងរ៉ាវមួយនេះ ខណៈមហាជនមួយចំនួនធំក៏បានទទូចសុំឱ្យអាជ្ញាធរយោគយល់ជុំវិញបញ្ហានេះ ដោយព្រមប្រគល់ឱ្យសត្វតោនេះត្រលប់ទៅម្ចាស់ដើម បន្ទាប់យកទៅដាក់សួនសត្វភ្នំតាម៉ៅអស់រយៈពេល៣ថ្ងៃមកនេះ។
ដោយឡែកមិនខុសគ្នាពីមហាជននោះទេ គេក៏ឃើញមានអ្នកសិល្ប:ប្រុស-ស្រី៣រូបបានបញ្ចេញមតិដោយគាំទ្រឱ្យម្ចាស់បានចិញ្ចឹមសត្វតោវិញផងដែរ។ ចំពោះតារាល្បីៗទាំង៣រូបនោះរួមមាន៖
១. តារាចម្រៀងសម្លេងផ្អែម សុខ ពិសី បានលើកឡើងថា សូមមេត្តាអនុញ្ញាតឱ្យតោបានវិលត្រឡប់មកផ្ទះវិញផង ព្រោះគេបានកាច់ចង្កូម និងក្រចកអស់ហើយ បើខុសឆ្គងសូមអនុគ្រោះ។
២. តារាសម្តែង អ៊ុន សិទ្ធា បានលើកឡើងដែរថា បងប្អូនទាំងអស់គ្នាគាំទ្រឱ្យសត្វតោទៅម្ចាស់គេវិញអត់? សម្រាប់ខ្ញុំគាំទ្រ ព្រោះសត្វអត់សុីអាហារទេ ព្រោះវានឹកម្ចាស់វា។ ទោះឱ្យគ្នាទៅរស់នៅភ្នំតាម៉ៅពិតមែន តែវាមិនអាចផ្តល់សេចក្តីសុខដូចនៅជាមួយម្ចាស់វាទេ។
៣. តារាចម្រៀងលោក ម៉ា ច័ន្ទបញ្ញា គឺមិនខុសគ្នាពីតារាប្រុស-ស្រីទាំងពីររូបខាងលើនោះទេ លោកក៏បានបញ្ចេញមតិគាំទ្រឱ្យម្ចាស់បានចិញ្ចឹមសត្វតោវិញផងដែរ។
សូមបញ្ជាក់ថាកាលពីព្រឹថ្ងៃទី២៩ ខែមិថុនា ឆ្នាំ២០២១ បុរសជនជាតិចិនដែលជាម្ចាស់របស់សត្វតោ បានទៅមើលតោចិញ្ចឹមរបស់ខ្លួនបន្ទាប់ពីត្រូវបានគេនាំយកទៅកាលពីប៉ុន្មានថ្ងៃមុននេះ។
តាមរយៈរូបភាព និងវីដេអូដែលបានបង្ហោះនៅក្នុង Story របស់បុរសជនជាតិចិនរូបនោះបានបង្ហាញពីការនឹករឭក មនោសញ្ចេតនា ក្តីស្រលាញ់ ដែលម្ចាស់មានចំពោះសត្វតោឈ្មោលនោះ ហើយអ្វីដែលកាន់តែក្តុកក្តួលទៀតនោះគឺឃើញសកម្មភាពសត្វតោនោះស្ទុះមកឱបម្ចាស់របស់ខ្លួន៕
អត្ថបទ៖ ចាន់រ៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ