ហង្ស ម៉ារីនី ព្រួយបារម្ភ និងអំពាវនាវសូមប្រុងប្រយ័ត្នមេរោគកូវីដ-១៩ ដែលតា

ភ្នំពេញ៖ ខណៈមេរោគកូវីដ-១៩ ប្រភេទ ដែលតា (Delta) កំពុងឆ្លងរាលដាលចូលដល់កម្ពុជា តារាសម្តែង ហង្ស ម៉ារីនី បានបង្ហាញក្តីព្រួយបារម្ភ និងអំពាវនាវមហាជនបង្កើនកាប្រុងប្រយ័ត្នគ្រប់គ្នា។

ជាមួយគ្នានៃការអំពាវនាវនេះដែរ តារាស្រីអ្នកនាង ហង្ស ម៉ារីនី បានធ្វើការបន់ស្រន់ដល់ទេវតាជួយតាមថែរក្សាឃុំគ្រងប្រជាពលរដ្ឋខ្មែរនៅទូទាំងប្រទេស ដើម្បីរួចចាកផុតពីជំងឺដ៏កាចសាហាវនេះ។

អ្នកនាង ហង្ស ម៉ារីនី បានលើកឡើងថា៖ “សូមព្រះតាមជួយថែរក្សាបងប្អូនខ្មែរយើងឱ្យជៀសផុតពីជំងឺនេះផងចុះ។ បងប្អូន អាថ្មី [មេរោគកូវីដ-១៩ ប្រភេទ ដែលតា] មកទៀតហើយសូមបង្កើនកាប្រុងប្រយ័ត្នឲ្យបានកាន់តែខ្ពស់ណា៎! ជាពិសេស អ្នកមានម្តាយឪពុកចាស់ៗនិងកូនតូចៗ”។

ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ-១៩ ប្រភេទដែលតា (Delta) រាជរដ្ឋាភិបាលបានដាក់ចេញវិធានការពង្រឹងទប់ស្កាត់ជាបន្ទាន់។ ក្នុងនោះសម្តេចតេជោ ហ៊ុន សែន បានចេញសេចក្តីសម្រេចស្តីពីការបិទខ្ទប់ភូមិសាស្រ្តខេត្តមួយចំនួនដូចជា ខេត្តកោះកុង ខេត្តពោធិ៍សាត់ ខេត្តបាត់ដំបង ខេត្តប៉ៃលិន​ ខេត្តបន្ទាយមានជ័យ ខេត្តឧត្ដរមានជ័យ ខេត្តព្រះវិហារ និងខេត្តសៀមរាប៕

អត្ថបទ៖ ចាន់រ៉ា