ជីវិតកម្សាន្ដ
កម្មវិធីវង់តន្ត្រីខ្មែរ រដូវកាលទី២ ឈានមកដល់ វគ្គជម្រើសដំបូងហើយ
ជាមួយរយៈពេលនៃការចាប់ផ្ដើមបើកទទួលវីដេអូប្រកួត នាថ្ងៃទី១ ខែមិថុនា ដល់ថ្ងៃទី១៤ ខែកក្កដា ឆ្នាំ២០២១ កម្មវិធីវង់តន្ត្រីខ្មែរ រដូវកាលទី២ បានទទួលវីដេអូប្រកួតជាច្រើនក្រុម និងទោល មកពីបណ្ដាលរាជធានី-ខេត្ត ចំនួន១៣។ ក្នុងនោះ ក៏មានទម្រង់សិល្បៈបុរាណជាច្រើនផងដែរ រួមមានចាប៉ីដងវែង, អាយ៉ៃ, របាំប្រជាប្រិយ, របាំបុរាណ, ចម្រៀងភ្លេងការ, វង់ភ្លេងពិណពាណ្យ, វង់ភ្លេងប្រពៃណី, ល្ខោនយីកេ និងល្ខោនខោលជាដើម។
កាលពីថ្ងៃទី៣១ ខែកក្កដា ឆ្នាំ២០២១ ម្សិលមិញនេះ កម្មវិធីវង់តន្ត្រីខ្មែរ រដូវកាលទី២ ក៏បានឈានមកដល់ វគ្គជម្រើសដំបូងហើយ ដែលបានចាក់ផ្សាយលើកញ្ចក់ទូរទស្សន៍ BTV។ ក្នុងវគ្គជម្រើសដំបូងនេះ គណៈកម្មការទាំងបួនរូប បានធ្វើការត្រួតពិនិត្យយ៉ាងម៉ត់ចត់ទៅលើវីដេអូសម្ដែងរបស់បេក្ខជនជាក្រុម និងទោល ដែលបានផ្ញើមកចូលរួមប្រកួត ហើយជ្រើសរើសបានបេក្ខជនដែលមានសមត្ថភាព និងគោរពគ្រប់លក្ខខណ្ឌតម្រូវរបស់កម្មវិធី ចំនួន ៣០ក្រុម និងទោល ដើម្បីឆ្ពោះទៅកាន់វគ្គបន្ទាប់។
គួរបញ្ជាក់ថា កម្មវិធីវង់តន្ត្រីខ្មែរ រដូវកាលទី២នេះ ធ្វើឡើងក្រោមប្រធានបទ «សិល្បៈបុរាណចម្រុះ» ដែលត្រូវបានបង្កើត និងរៀបចំឡើងក្រោមគំនិតផ្តួចផ្តើមរបស់សហភាពសហព័ន្ធយុវជនកម្ពុជា ខេត្តស្វាយរៀង និងគាំទ្រដោយ ក្រសួងវប្បធម៌ និងវិចិត្រសិល្បៈ និងសមាគមមិត្ត តន្រ្តីករ។
កម្មវិធីប្រកួតនេះផងដែរ គឺត្រូវបានរៀបចំឡើងក្នុងគោលបំណង លើកកម្ពស់ និងផ្សព្វផ្សាយឧបករណ៍តន្រ្តីខ្មែរគ្រប់ទម្រង់ និងសិល្បៈបុរាណគ្រប់ប្រភេទ ដែលឆ្លុះបញ្ចាំងពីអត្តសញ្ញាណជាតិខ្មែរយើង។
ជាមួយគ្នានោះផងដែរ បន្ទាប់ពីបានធ្វើការត្រួតពិនិត្យវីដេអូ ដែលផ្ញើមកចូលរួមប្រកួតទាំងអស់ គណៈកម្មការទាំងបួនរូបហាក់មានក្ដីរំភើប និងសប្បាយចិត្តជាពន់ពេក ដោយឃើញសំទុះនៃការចូលរួមពីបេក្ខជនជាច្រើនស្ទើរមិនគួរឲ្យជឿ។ មិនត្រឹមតែប៉ុណ្ណោះ សមាសភាពបេក្ខជនដែលបានចូលរួម មានគ្រប់វ័យ ចាប់ពីកុមារតូចៗរហូតដល់វ័យចំណាស់ ដែលបង្ហាញអំពីទឹកចិត្តស្រឡាញ់ និងឆន្ទៈនៃការចង់ចូលរួមថែរក្សាការពារមរតកវប្បធម៌បុរាណខ្មែរផងដែរ។
គួររំឭកថា កម្មវិធីវង់តន្ត្រីខ្មែរ រដូវកាលទី២ មានការចាក់ផ្សាយលើកញ្ចក់ទូរទស្សន៍ BTV រៀងរាល់ថ្ងៃសៅរ៍ ចាប់ពីម៉ោង ៨យប់តទៅ និងផ្សាយបន្តផ្ទាល់លើផេកផ្លូវការ របស់សហភាពសហព័ន្ធយុវជនកម្ពុជាខេត្តស្វាយរៀង៕
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ