ជីវិតកម្សាន្ដ

ព្រឹទ្ធាចារ្យក្បាច់គុនល្បុក្កតោ លោកគ្រូ រស់ សេរី បានទទួលមរណភាព

បានផុស

៣ years មុន

នៅ

ថ្ងៃសុក្រ ១៣ សីហា ២០២១

ដោយ

នេះជាដំណឹងដ៏សោកសៅនិងក្រៀមក្រំបំផុតសម្រាប់ក្រុមគ្រួសារនិងមហាជនអ្នកគាំទ្រដែលនិយមស្នេហាលើវិស័យក្បាច់គុណល្បុក្កតោខ្មែរ ក្រោយមានព័ត៌មានថា លោកគ្រូ រស់ សេរី ព្រឹទ្ធាចារ្យក្បាច់គុណល្បុក្កតោខ្មែរទទួលមរណភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ:ដំណឹងនេះបានធ្វើឲ្យមហាជនជាច្រើនរួមទាំងសិស្សរបស់លោកគ្រូ រស់ សេរី សម្តែងការរន្ធត់ចិត្តជាមួយការផ្ញើសារចូលរួមរំលែកទុក្ខដ៏ក្រៀមក្រំនេះផងដែរ។ លោកគ្រូ រស់ សេរី ស្លាប់ដោយសារជំងឺរោគគាពាធស្ថិតនៅមន្ទីរពេទ្យខេត្តសៀមរាប។

ដោយឡែកនៅលើគណនីហ្វេសប៊ុកលោក អូន វណ្ណសាក់ បានរៀបរាប់ថា ក្រុមគ្រួសារខ្ញុំមានទុក្ខជាទម្ងន់ដោយស្វាមីអ្នកម្ដាយខ្ញុំទទួលមរណភាពនៅក្នុងមន្ទីរពេទ្យខេត្តសៀមរាប ដោយសារជំងឺរោគាពាធ។ លោកឪពុកជាចាស់ព្រឹទ្ធាចារ្យក្បាច់គុណល្បុក្កតោប្រចាំខេត្តសៀមរាប ជាអ្នកអភិរក្សនិងការពារវប្បធម៌ស្មើជីវិតដល់ដង្ហើមចុងក្រោយ។

លោកបន្ថែមថា ការបាត់បង់លោកគ្រូព្រឹទ្ធាចារ្យ គឺជាការបាត់បង់លោកឪពុកបាត់បង់មរតមនុស្សរស់ និងធនធានដ៏កម្រសម្រាប់ក្រុមគ្រួសារនិងកូនខ្មែរជំនាន់ក្រោយ។ សូមបួងសួងវិញ្ញាណក្ខន្ធលោកឪ ពុកទៅកាន់ឋានបរមសុខ៕

អត្ថបទ ៖ ចាន់រ៉ា