ជីវិតកម្សាន្ដ

តារាល្បីៗ៥រូបសម្តែងការសោកស្តាយនិងរំលែកទុក្ខចំពោះមរណភាពអ្នកគ្រូពេទ្យស្លាប់ដោយជំងឺកូវីដ

បានផុស

៣ years មុន

នៅ

ថ្ងៃអង្គារ ៣១ សីហា ២០២១

ដោយ

ដំណឹងនៃការស្លាប់របស់អ្នកគ្រូពេទ្យព្យាបាលជំងឺកូវីដ-១៩នៅខេត្តព្រះសីហនុម្នាក់ ដោយសារជំងឺកូវីដ-១៩បានធ្វើឲ្យមហាជននិងមិត្តភ័ក្ដិរួមការងារព្រមទាំងក្រុមគ្រួសារសម្តែងក្តីរន្ធត់ចិត្តខ្លាំង។

ដោយឡែកងាកចាប់អារម្មណ៍មកមើលតារាសិល្ប:ល្បីៗរបស់ខ្មែរចំនួន៥រូបឯណេះវិញ ក៏មិនខុសគ្នាពីមហាជនដែរ គឺពួកគេសុទ្ធតែសម្តែងការសោកស្តាយ និងរំលែកទុក្ខចំពោះមរណភាពអ្នកគ្រូពេទ្យដែលស្លាប់ដោយសាជំងឺកូវីដ-១៩ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាប្រុស-ស្រីរបស់ខ្មែរទាំង៥ដួងដែលផ្ញើសាររំលែកទុក្ខដ៏ក្រៀមក្រំនិងសោកសៅជាមួយក្រុមគ្រួសារអ្នកគ្រូពេទ្យនោះរួមមាន៖

១.តារាចម្រៀងសំនៀងផ្អែមកញ្ញា សុខ ពិសី បានសម្តែងការរំលែកទុក្ខនិងសោកស្តាយខ្លាំងចំពោះការបាត់បង់នូវវីរៈជនអាវសអ្នកគ្រូពេទ្យ អ៊ឹម ស្រីនិ ដែលបានលះបង់គ្រប់បែបយ៉ាង និងចូលរួមយ៉ាងសកម្មនៅក្នុងបុព្វហេតុប្រយុទ្ធប្រឆាំងនឹងជំងឺកូវីដ-១៩ ។

២.តារាចម្រៀងនិងក៏ជាគ្រូពេទ្យស្ម័គ្រចិត្តប្រយុទ្ធប្រឆាំងនឹងជំងឺកូវីដ-១៩លោក ជ័យ សុវ៉ាត ក៏បានផ្ញើរំលែកទុក្ខដ៏ក្រៀមក្រំនិងសោកសៅនេះផងដែរ។

៣.តារាសម្តែងទឹកភ្នែក នី មុន្នីនាថ ក៏បានផ្ញើសាររំលែកទុក្ខដែរថា នាងខ្ញុំសូមសម្ដែងនូវការសោកស្ដាយនិងការគោរពចំពោះការលះបង់ដ៏ធំធេងទាំងកម្លាំងកាយនិងកម្លាំងចិត្តដើម្បីប្រយុទ្ធប្រឆាំងCO VID-19 របស់វីរ:នារីកងទ័ពអាវសជួរមុខ ។

៤.ពិធីករលោក សុខ រ៉ាស៊ី បានបង្ហាញការសោកស្តាយដូច្នេះថា សូមចូលរួមរំលែកទុក្ខគ្រូពេទ្យស្ម័គ្រចិត្តទីមួយដែលបានស្លាប់ដោយសារជំងឺកូវីដ-១៩ សូមអោយប្អូនទៅបានសុគតិភព។

៥.តារាចម្រៀងនិងក៏ជាគ្រូពេទ្យស្ម័គ្រចិត្តប្រយុទ្ធប្រឆាំងនឹងជំងឺកូវីដ-១៩លោក ឌឿ វិសាល បានផ្ញើសាររំលែកទុក្ខដែរថា ខ្ញុំសូមចូលរួមរំលែកទុក្ខដ៏ក្រៀមក្រំមួយនេះផង ទោះពួកយើងមិនដែលស្គាល់គ្នា តែពួកយើងជាមិត្តរួមអាជីពយើងធ្វើដើម្បីជាតិខ្មែរដូចគ្នា។

សូមបញ្ជាក់ថា អ្នកគ្រូពេទ្យដែលស្លាប់មានឈ្មោះ អ៊ឹម ស្រីនិ ជាគិលានុបដ្ឋាយិកាបម្រើការងារនៅមន្ទីរពេទ្យបង្អែកខេត្តព្រះសីហនុ។ អ្នកគ្រូពេទ្យបានទទួលមរណភាពកាលពីយប់ថ្ងៃទី២៩ ខែសីហា ឆ្នាំ២០២១បន្ទាប់ពីបញ្ចូនមកព្យាបាលនៅភ្នំពេញ៕

អត្ថបទ៖ ចាន់រ៉ា