ជីវិតកម្សាន្ដ

អេដ វីន សម្រេចសាងផ្នួសបន្ទាប់ពីបាននៅក្រៅឃុំ

បានផុស

៣ years មុន

នៅ

ថ្ងៃចន្ទ ៦ កញ្ញា ២០២១

ដោយ

តារាសម្តែងប្រុសដែលផ្ទុះរឿងអាស្រូវប្រើហិង្សាលើអតីតគូស្នេហ៍រហូតឈានដល់ជាប់ពន្ធនាគារជាង២ខែ លោក អេដ វីន បានសម្រេចទៅកោសក់សាងផ្នួសដើរតាមគន្លងវិន័យព្រះធម៌។

ការសាងផ្នួងជាសង្ឃពីសំណាក់តារាសម្តែង អេដ វីន នេះ បន្ទាប់ពីលោកត្រូវបានតុលាការដោះលែងឲ្យនៅក្រៅឃុំកាលពីថ្មីៗនេះ ក្រោយតុលាការសម្រេចឃុំខ្លួនលើករណីប្រើហិង្សាលើអ្នកនាង សុទ្ធ បញ្ចកា ដែលជាអតីតសង្សាបណ្តូលចិត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីមានការចែករំលែកនូវរូបភាពដែលតារាប្រុសលោក អេដ វីន ទៅកោសក់សាងផ្នួសបែបនេះក៏ពិតមែន ប៉ុន្តែមិនមានប្រភពណាមួយបញ្ជាក់ទេថា លោកបួសនៅវត្តណាឡើយ ខណ:មានមតិមួយចំនួនយល់ថា ការសាងផ្នួសរបស់ អេដ វីន គឺគោលបំណងដើម្បីសងគុណម្តាយដែលទើបស្លាប់កាលពីថ្មីៗ គ្រាដែលលោកកំពុងជាប់ទោសនៅពន្ធនាគារព្រៃ ស។

គួររម្លឹកថា តារាសម្តែងលោក អេដ វីន នៅរសៀលថ្ងៃទី២៣ ខែមិថុនា ឆ្នាំ២០២១ត្រូវបានសមត្ថកិច្ចជំនាញនៃការិយាល័យប្រឆាំងការជួញដូរមនុស្ស កងរាជអាវុធហត្ថ រាជធានីភ្នំពេញ បញ្ជូនទៅកាន់ពន្ធនាគារព្រៃស ឃុំខ្លួនបណ្តោះអាសន្ន។ ការបញ្ជូនខ្លួននេះ គឺធ្វើឡើងតាមដីកាបង្គាប់ឲ្យឃុំខ្លួនលេខ៖ ៤៤៣ ៥” ញ”ដ.ឃ.ដចុះថ្ងៃទី២៣ ខែមិថុនា ឆ្នាំ២០២១ របស់សាលាដំបូងរាជធានីភ្នំពេញ៕

អត្ថបទ៖ ចាន់រ៉ា