ជីវិតកម្សាន្ដ
ព្រឹទ្ធាចារ្យ ហេ ជុនសិក បានបន្សល់ទុកមរតកស្នាដៃអ្វីខ្លះក្នុងវិស័យសិល្បៈចម្រៀងខ្មែរ
លោកព្រឹទ្ធាចារ្យ ហេ ជុនសិក បានទទួលមរណភាពកាលពីវេលាម៉ោង១២និង៤៥នាទីថ្ងៃទី១០ ខែតុលា ឆ្នាំ២០២១ នៅមណ្ឌលព្យាបាលជំងឺកូវីដ-១៩ស្តាតអូឡាំពិកដោយជំងឺប្រចាំកាយផង និងការវាយលុកយ៉ាងសាហាវពីជំងឺកូវីដ-១៩ផង។
ព្រឹទ្ធាចារ្យ ហេ ជុនសិក គឺជាអតីតតន្ត្រីករវីយូឡុងជើងចាស់ និងជាជំនួយការដ៏ជិតស្និទ្ធបំផុតរបស់អធិរាជសំឡេងមាស ស៊ីន ស៊ីសាមុត កាលពីទសវត្ស៧០។
លោកគ្រូ ហេ ជុនសិក បានទទួលមរណភាពក្នុងអាយុ៨២ឆ្នាំ វីរភាពនិងមរតកស្នាដៃរបស់លោកព្រឹទ្ធាចារ្យក្នុងវិស័យសិល្បៈចម្រៀងខ្មែរប្រជាជាតិខ្មែរទាំងមូលនៅចងចាំជានិច្ចគ្មានថ្ងៃបំភ្លេចបានឡើយ។
ផ្អែកតាមការបញ្ជាក់របស់ក្រុមព្រះសូរិយាលើកឡើងថា លោកគ្រូ ហេ ជុនសិក ជាតន្ត្រីករដ៏ជំនាញផ្នែកវីយូឡុងតាំងពីទសវត្ស៦០ និងជាអ្នកនិពន្ធបទភ្លេងជាអ្នកសម្រួលតន្ត្រី និងជាអ្នកដឹកនាំភ្លេងប្រគំដ៏ពូកែមួយរូបផងដែរស្នាដៃសំខាន់ៗដែលលោកបានកសាងរួមមាន៖
បទ វាលស្រែមួយរយ ,បទ សោភិនីមាសស្នេហ៍,បទ ចន្ទពេញបូរមី,បទ សម្រែកស្នេហ៍កម្មលោកិយ៍ ,បទ តាមកម្មផល ,បទ ស្តាយអើយសែនស្តាយ,បទ ជួយបង ,បទ បេះដូងកំព្រា ,បទ ស្នេហ៍យើង,បទ ថ្ងៃស្អែកបែកគ្នាជាដើម។ ទន្ទឹមនិងនេះក្នុងសម័យសាធារណរដ្ឋខ្មែរ លោកក៏បានក្លាយជាជំនួយការផ្ទាល់របស់អធិរាជសំឡេងមាស ស៊ីន ស៊ីសាមុត និ ងជារត់ការថតថាសចម្រៀងសម្រាប់ផលិតកម្មធំៗទៀតផង។
ក្នុងវិស័យសិល្បៈចម្រៀងខ្មែរលោកព្រឹទ្ធាចារ្យ ហេ ជុនសិក គឺជាសាក្សីរស់ដំសំខាន់ដែលនៅចងចាំរឿង រ៉ាវជាច្រើនទាំងរឿងរ៉ាវសិល្បៈនិងរឿងរ៉ាវឯក ជនរបស់សិល្បករល្បីៗជាច្រើន។កន្លងមមលោកក៏បានស្ម័គ្រចិត្តធ្វើជាសាក្សីមួយរូបក្នុងការបំពេញលក្ខខណ្ឌទទួលកម្មសិទ្ធិបញ្ញាស្នាដៃចម្រៀងរបស់កវីម្ចាស់ស្ទឹងសង្កែ គង្គ ប៊ុនឈឿនចំនួន៤១បទ។
សូមជម្រាបដែរថាលោក ហេ ជុនសិក មានជំងឺលើសឈាម ទឹកនោមល្អែម និងកៀបសរសៃចង្កេះរ៉ាំ រ៉ៃមានរយ:ពេលជាច្រើនឆ្នាំមកហើយ។ កាលពីសប្ដាហ៍មុនលោកព្រឹទ្ធាចារ្យចាប់ផ្តើមទទួលទានអ្វីលែងបានក្រុមគ្រួសារក៏បានបញ្ជូនលោកទៅមន្ទីរពេទ្យ ជោរ៉ៃ (ច្បារអំពៅ) តែគេធ្វើរ៉ាប៉ីតតេស្តរកឃើញមានវិជ្ជមានកូវីដ-១៩គេក៏បញ្ជូនមកមណ្ឌលព្យាបាលកូវីដ នៅស្តាតអូឡាំពិក ។
ក្រុមគ្រួសារពេទ្យនៅទីនោះព្យាយាមសង្គ្រោះអាយុ ជីវិតលោកយ៉ាងយកចិត្តទុកដាក់បំផុតតែអកុសលស្ថានភាពជំងឺរបស់លោកមានអាការៈធ្ងន់ធ្ងរពេកពុំអាចទប់ទល់បាន។តាមរយ:ដំណឹងមរណ:ទុក្ខដ៏សោកសៅនិងក្រៀមក្រំបំផុតសម្រាប់ក្រុមគ្រួសារលោកព្រឹទ្ធាចារ្យ ហេ ជុនសិកនេះដែរគេសង្កេតឃើ ញមហាជននិងអ្នកសិល្ប:ជាច្រើនបានសម្តែងការសោកស្តាយជាពន់ពេកព្រមជាមួយការផ្ញើសារចូលរួ មរំលែកទុក្ខនេះផងដែរ៕
អត្ថបទ៖ ចាន់រ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៣ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល