ជីវិតកម្សាន្ដ

កំពូលតារាចម្រៀង ខេមរៈ សិរីមន្ត ត្រៀមចេញពីហង្សមាសនៅចុងឆ្នាំនេះ ?

បានផុស

២ years មុន

នៅ

ថ្ងៃពុធ ១៣ តុលា ២០២១

ដោយ

តារាចម្រៀងលំដាប់កំពូលលោក ខេមរ: សិរីមន្ត ជាថ្មីម្តងទៀតត្រូវបានប្រភពពីអ្នកជិតដិតបង្ហើបថា លោកអាចនឹងចាកចេញពីផលិតកម្មហង្សមាស ដោយហក់ចូលផលិតកម្ម Galaxyរបស់អ្នកឧកញ៉ា ឡេង ណាវ៉ាត់ត្រា ឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេនៅចាំថា កន្លងមកមានការសង្ស័យម្តងជាពីរដងរួចមកហើយ ពីអ្នកគាំទ្រដោយគិតថា កំពូលតារាចម្រៀងលោក ខេមរ: សិរីមន្ដ អាចនឹងប្តូរទ្រនំដើរចូលផលិតកម្ម Galaxy Navatra ព្រោះកន្លងមកគេសង្កេតឃើញថា លោកដូចជាបង្កើតទំនាក់ទំនងជាមួយតារានៅក្នុងផលិតកម្មនេះជាញឹកញាប់។

ប៉ុន្តែជាចម្លើយកាលនោះ ត្រូវបានលោក ខេមរ: សិរីមន្ត ឆ្លើយបដិសេធន៍ចំពោះដំណឹងនេះជាបន្តបន្ទាប់ ។ដោយឡែកក្រោយរឿងនេះត្រូវបានស្ងប់ស្ងាត់មួយសន្ទុះធំមកនោះ ក៏ស្រាប់តែពេលនេះ ឮថា ខេមរ: សិរីមន្ត អាចនឹងបោះជំហ៊ានទៅកាន់ផលិតកម្ម Galaxy ក្នុងពេលដ៏ខ្លីខាងមុខនេះ។

បើយោងតាមការបង្ហើបពីប្រភពច្បាស់ការបានឲ្យដឹងថា លោក ខេមរ: សិរីមន្ត បានសម្រេចចិត្តច្បាស់ហើយក្នុងការចាកចេញពីផលិតកម្មហង្សមាស ដើម្បីចូលទៅរួមរស់ជាមួយផលិតកម្មGalaxy របស់អ្នកឧកញ៉ា ឡេង ណាវ៉ាត់ត្រា ។ ប្រភពបានបន្ថែមថា បើតាមគម្រោងលោក ខេមរ: សិរីមន្ត អាចនឹងទៅផលិតកម្មGalaxyនាដើមឆ្នាំ២០២២ខាងមុខនេះ។

ពាក់ព័ន្ធនឹងបញ្ហានេះដែរ កម្ពុជាថ្មី នៅព្រឹកថ្ងៃទី១៣ ខែតុលា ឆ្នាំ២០២១មិនទាន់អាចទំនាក់ទំនងដើម្បីសុំការបញ្ជាក់ពីលោក ខេមរ: សិរីមន្ត បាននៅឡើយទេ ចំពោះដំណឹងចូលផលិតកម្មGalaxy។ យ៉ាងណាមិញកំពុងមានអ្នកគាំទ្រនិងមហាជនជាច្រើនកំពុងរង់ចាំតាមដានរឿងរ៉ាវនេះផងដែរ៕

អត្ថបទ៖ ចាន់រ៉ា