ជីវិតកម្សាន្ដ

ផលិតករទម្លាយថា «Wedding 93» វីដេអូដើមសាហាវជាង Trailer ទៅទៀត

បានផុស

២ years មុន

នៅ

ថ្ងៃអង្គារ ៩ វិច្ឆិកា ២០២១

ដោយ

បើតាមព័ត៌មានដែលទទួលបានទាក់ទងនឹងហេតុការណ៍ “អាពាហ៍ពិពាហ៍ ៩៣” ពីផលិតករលោក Paul Zagaris បានឱ្យដឹងថា កាលពីឆ្នាំ ២០១៨ លោកបានធ្វើដំណើរមកប្រទេសកម្ពុជា ដើម្បីទិញយកខ្សែអាត់វីដេអូមួយ និងបានចំណាយពេល២ឆ្នាំ សម្រាប់មកែកុនវីដេអូនេះ រហូតចេញជាវីដេអូរឿងពេញដែលមានរយៈពេល ១ ម៉ោង និង ១១ នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលគួរឱ្យចាប់អារម្មណ៍ពីរឿង “អាពាហ៍ពិពាហ៍ ៩៣” ឬ «Wedding 93» ត្រូវបានផលិតករទម្លាយថា វីដេអូដើមគួរឱ្យព្រឺព្រួចជាង Trailer ដែលយើងបានឃើញទៅទៀត ខណៈហ្វេននិយមភាពយន្តភ័យរន្ធត់លើកឡើងដែរថា រឿងនេះគួរឱ្យព្រឺខ្លាចនិងរន្ធត់មិនចាញ់ស៊េរីរឿង The Conjuring របស់អាមេរិកឡើយ។

តាមរយៈវីដេអូ Trailer និងតាមការរៀបរាប់របស់លោក Paul Zagaris បានឱ្យដឹងថា «Wedding 93» គឺជាខ្សែភាពយន្តបែបឯកសារដ៏រន្ធត់ព្រឺព្រួច រៀបរាប់ពីព្រឹត្តិការណ៍នៃអាពាហ៍ពិពាហ៍នៅទីជនបទមួយក្នុងប្រទេសកម្ពុជា នាឆ្នាំ ១៩៩៣ ដែលមានកូនកំលោះឈ្មោះ បុល និងកូនក្រមុំឈ្មោះ រ៉ា ។ ខណៈកំពុងធ្វើពិធីសំពះផ្ទឹម កូនក្រមុំមានអាកប្បកិរិយាប្លែក ខុសប្រក្រតី រហូតដល់ប្រកាច់ ដែលពេលនោះគេជឿថា មានព្រលឹងចូលសណ្ឋិតក្នុងខ្លួននាង។

បន្ទាប់មក នាងបានរត់ចេញចោលរោងការ រួចឡើងដើមឈើធំមួយ អង្រួនសឹងបាក់ដើម និងសម្លក់សំឡឹងមកក្រោមជាមួយកែវភ្នែកគួរឱ្យខ្លាច។ ក្រុមគ្រួសារទាំងសងខាង ក៏ដូចជាអ្នកផង បាននាំគ្នាតាមចាប់នាងត្រឡប់ទៅផ្ទះ ប៉ុន្តែចុងបញ្ចប់មិនទាន់ដឹងទៅជាយ៉ាងណានៅឡើយ។

ប្រិយមិត្តកម្ពុជាសង្ឃឹមថានឹងបានទស្សនាខ្សែភាពយន្តនេះពេញ ប្រសិនផលិតកម្មណាមួយរបស់អន្តរជាតិទិញសិទ្ធិផលិត ស្របពេលដែលថ្ងៃចាក់បញ្ចាំងនៅឯមហោស្រពភាពយន្ត (Film Festivals) មិនទាន់បញ្ជាក់នៅឡើយ៕

ទស្សនាវីដេអូ Trailer