ជីវិតកម្សាន្ដ

អ្នកគ្រាំទ្រសរសើរមិនដាច់ពីមាត់ពេល ទៀង មុំសុធាវី គ្រងឈុតទម្រង់សំពត់អប្សរា

បានផុស

២ years មុន

នៅ

ថ្ងៃអង្គារ ៣០ វិច្ឆិកា ២០២១

ដោយ

តារាចម្រៀង ទៀង មុំសុធាវី ថ្មីៗនេះបានធ្វើឲ្យមហាជនចាប់អារម្មណ៍ និងផ្ទុះការសរសើរហើយគាំទ្រគ្រប់គ្នា បន្ទាប់ពីឃើញតារាស្រីរូបនេះ គ្រងឈុតសំលៀកបំពាក់ទម្រង់សំពត់អប្សរា មានឌិនរំលេចក្បាច់រចនាយ៉ាងស្រស់ស្អាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងតាមរយៈរូបភាពជាច្រើនសន្លឹក ដែលត្រូវបានបង្ហោះគ្រាឡើងសម្តែងនៅលើឆាកក្នុងកម្មវិធីខួបលើកទី ១៦ ឆ្នាំ នៃការដាក់ល្ខោនស្រមោលស្បែកធំ ក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូនោះ តារាចម្រៀងអ្នកនាង ទៀង មុំសុធាវី ត្រូវបានអ្នកគាំទ្រសរសើរនិងចែករំលែកជាបន្តបន្ទាប់នៅលើបណ្តាញសង្គម។

ដោយឡែកសម្រាប់សាមីខ្លួនអ្នកនាង ទៀង មុំសុធាវី បានបញ្ចេញរូបភាពភ្ជាប់ខ្លឹមសារថា ស្រស់ស្អាតទេបងប្អូន?ស្រលាញ់សំលៀកបំពាក់ខ្មែរយើងណាស់។ ជាមួយគ្នានេះដែរ ក៏មានការលើកឡើងថា ស្រស់ស្អាតណាស់បែបខ្មែរ ខាងលើបែបស្បៃនិងខាងក្រោមបែបសំពត់អប្សរាមានឌិនស្អាតគ្មានទាស់។

យ៉ាងណាមិញ គេក៏ចាប់អារម្មណ៍ដែរថា ឈុតសំលៀកបំពាក់ពណ៌ទឹកមាសបាក់ឌិនបំភ្លឺយ៉ាងស្រស់ស្អាត ដែលមានទម្រង់ម៉ូដស្រដៀងនឹងសំពត់អប្សរាខ្មែរ ហើយច្នៃប្រឌិតក្បូរក្បាច់រចនាយ៉ាងប្រណិតផងដែរ៕

អត្ថបទ៖ ចាន់រ៉ា

Related Topics:តារាចម្រៀងខ្មែរ