ជីវិតកម្សាន្ដ
តារាចម្រៀងនិងសម្តែងម៉ិកស៊ិកម្នាក់ត្រូវគេបាញ់សម្លាប់ពេលកំពុងចាំកូន
តារាសម្តែង និងចម្រៀងស្រីម៉ិកស៊ិកម្នាក់ត្រូវបានគេបាញ់ស្លាប់នៅពេលនាងកំពុងរង់ចាំយកកូនប្រុសអាយុ១១ឆ្នាំដែលលេងបាល់ទាត់ឲ្យក្រុមយុជននៅរដ្ឋ Morelos។
នាង Tania Mendoza បានស្ថិតនៅខាងក្រៅបរិវេណកីឡាក្នុងទីក្រុង Cuernavaca ជាមួយឪពុកម្តាយដទៃទៀត ហើយក៏មានបុរសជិះម៉ូតូមានអាវុធពីរនាក់មកដល់កាលពីថ្ងៃអង្គារ៍។ នៅពេលនោះ បុរសម្នាក់បានបាញ់សំដៅលើនាងជាច្រើនគ្រាប់បណ្តាលឲ្យស្លាប់ ហើយក៏ជិះម៉ូតូគេចចេញទៅបាត់។
យ៉ាងហោចណាស់ ស្ត្រី១០នាក់ត្រូវបានគេសម្លាប់នៅក្នុងប្រទេសម៉ិកស៊ិកជារៀងរាល់ថ្ងៃកាលពីឆ្នាំមុន។ នេះបើយោងតាមទិន្នន័យ។
អង្គការលើកលែងទោសអន្តរជាតិ Amnesty International បាននិយាយថា មួយភាគបីនៃជនរង់គ្រោះ ៩៤០នាក់គឺជាករណីឃាតកម្ម ឬធ្វើឃាតដោយចេតនាលើស្ត្រីដោយសារភេទរបស់ពួកគេដោយហៅថាជា ជំងឺរាតត្បាតដ៏រន្ធត់។
តារាចម្រៀង និងសម្តែង Mendoza មានកេរ្តិ៍ឈ្មោះល្បីល្បាញខ្លាំងនៅក្នុងឆ្នាំ២០០៥ បន្ទាប់ពីបានសម្តែងជាតួឯកក្នុងរឿង La Mera Reyna del Sur។ នាងក៏បានចេញបទចម្រៀងជោគជ័យជាច្រើន។
នៅឆ្នាំ២០១០ នាងត្រូវបានគេចាប់ជំរិតជាមួយប្តី និងកូនប្រុសដែលពេលនោះអាយុទើប៦ខែពីកន្លែងអាជីវកម្មលាងរថយន្តរបស់នាង។ ចាប់តាំងពីពេលនោះមក នាងបានរាយការណ៍ទៅការិយាល័យអគ្គមេធាវីរដ្ឋ Morelos ពីការគំរាមសម្លាប់។
រហូតដល់ពេលនេះមិនទាន់ច្បាស់ទេថា ករណីឃាតកម្មលើរូបនាងដោយសារអ្វី ខណៈប៉ូលិសកំពុងដំណើរការស៊ើបអង្កេត៕
ប្រែសម្រួល៖ វីរបុត្រ
ប្រភព៖ BBC
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង