ជីវិតកម្សាន្ដ

រូបកាយឃ្លាតបាត់តែតារាប្រុស-ស្រីវ័យក្មេង៧ដួងបានបន្សល់ទុកកេរ្តិ៍ឈ្មោះល្បីសម្រាប់អ្នកគាំទ្រ

បានផុស

២ years មុន

នៅ

ថ្ងៃចន្ទ ២៧ ធ្នូ ២០២១

ដោយ

មហាជននិងអ្នកគាំទ្រជាច្រើននៅតែបង្ហាញការចងចាំ និងនឹករលឹកចំពោះសិល្បករ-សិល្បការិនីល្បីៗរបស់ខ្មែរចំនួន៧ដួងបើទោះបីជាពេលនេះពួកគេត្រូវបានបាត់បង់រូបកាយទៅឆ្ងាយហើយក្តី។

ជាការពិតរហូតមកទល់ពេលនេះ គឺអស់រយ:ពេលយូរឆ្នាំកន្លងផុតទៅហើយដែលពួកគេបានបាត់បង់ជីវិតដោយសារហេតុការណ៍ផ្សេងៗគ្នា។ លើកពីនេះគេក៏សង្កេតឃើញថា សម្រាប់តារាប្រុស-ស្រីទាំង៧រូបដែលនៅតែរក្សាបានកេរ្តិ៍ឈ្មោះនិងការនឹកអាល័យពីទស្សនិកជនក្រោយពេលបាត់បង់ជីវិតនោះរួមមាន៖

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១.តារាចម្រៀងប្រុសលោក រាជ បូរី បានស្លាប់បាត់បង់ជីវិតដោយសារគ្រោះថ្នាក់ចរាចរណ៍នៅថ្ងៃទី១៦ ខែមេសា ឆ្នាំ២០១៩ នៅក្រុងប៉ោយប៉ែតខេត្តបន្ទាយមានជ័យ បន្ទាប់ពីត្រឡប់មកដើរកម្សាន្តនៅប្រទេសថៃជាមួយមិត្តភ័ក្ដិ។

២.តារាចម្រៀងលោក វណ្ណ មករា បានទទួលមរណភាពកាលពីយប់ថ្ងៃទី០៩ ខែមករា ឆ្នាំ២០១៦ដោយសារជួបគ្រោះថ្នាក់ចរាចរក្រឡាប់រថយន្តនៅផ្លូវជាតិលេខ៤ ម្តុំលោកយាយម៉ៅ។

៣.តារាចម្រៀងស្រីផលិតកម្មហង្សមាសនិងជាអតីតបេក្ខភាពកម្មវិធី«The Voice Cambodia» រដូវកាលទី២ សាន ស្រីឡៃ ត្រូវបានប្តីបាញ់សម្លាប់គួរឲ្យរន្ធត់នៅក្នុងគ្លីនិកមួយកន្លែងក្នុងសង្កាត់បឹងកេងកងទី១ ខណ្ឌចំការមន រាជធានីភ្នំពេញកាលពីថ្ងៃទី១៦ ខែតុលា ឆ្នាំ២០១៧។

៤.អ្នកនាង តាក់ ចន្ធី ដែលជាតារាចម្រៀង Rock and Rollបានទទួលមរណៈដោយគ្រោះថ្នាក់ចរាចរណ៍កាលពីយប់ថ្ងៃទី២០ ខែមីនា ឆ្នាំ២០១៨ នៅម្ដុំភ្លើងស្តុបទន្លេបាសាក់ ក្នុងខណ្ឌចំការមនរាជធានីភ្នំពេញ។ អ្នកនាងបានស្លាប់ភ្លាមៗបន្ទាប់ពីការធ្វើដំណើរដោយរ៉ឺម៉កកង់បីហើយត្រូវរថយន្តបុកពេញទំហឹង។

៥.តារាចម្រៀងកញ្ញា ខេមរៈ ស្រីពៅ ដែលត្រូវជាប្អូ នស្រីបង្កើតលោកខេមរ: សិរីមន្តបានទទួលមរណភាពកាលពីថ្ងៃទី២៥ខែមករាឆ្នាំ២០១៩ដោយសារបញ្ហាជំងឺក្រលផននិងសួតធ្ងន់ធ្ងរបន្ទាប់ពីបានប ញ្ជូនទៅព្យាបាលនៅក្នុងប្រទេសឥណ្ឌាមួយរយ:ពេល។

៦.តារាចម្រៀងចេះពីរភាសារគឺខ្មែរ-ចិនអ្នកនាង ស៊ិ ន ឧត្តមផល្លា បានទទួលមរណភាពកាលពីថ្ងៃទី២ ៨ ខែឧសភាឆ្នាំ២០២១ដោយសារជំងឺមហារីកកូន កណ្តុរមិនអាចព្យាបាលសង្គ្រោះជីវិតបានឡើយ។

៧.តារាចម្រៀងវ័យក្មេង នាង ប្រាក់សុគន្ធ បានជួបនូវគ្រោះថ្នាក់ចរាចរណ៍កាលពីរំលងអាធ្រាត្រឈានចូលថ្ងៃទី២៥ខែធ្នូឆ្នាំ២០២១ក្រោយចេញពីច្រៀងនៅហាងសាច់អាំងហេងៗ២ក្បែរច្រមុះជ្រូកស្ទឹងមា នជ័យ។នេះបើយោងតាមប្រភពព័ត៌មាន។

សូមបញ្ជាក់ដែរថាដំណឹងមរណទុក្ខដ៏ក្រៀមក្រំនិងសោកសៅចំពោះអ្នកសិល្ប:ទាំង៧រូបនេះបានធ្វើ ឲ្យអ្នកសិល្ប:រួមអាជីពព្រមទាំងអ្នកគាំទ្រមួយចំនួ នធំបានសម្តែងការចូលរួមសោកស្តាយយ៉ាងខ្លាំងជាមួយក្រុមគ្រួសារសព។ម្យ៉ាងនេះក៏ជាការបាត់បង់ធន ធានសិល្ប:ដ៏មានតម្លៃផងដែរ៕

អត្ថបទ៖ ចាន់រ៉ា