ជីវិតកម្សាន្ដ
ម៉ា ដូណា ទម្លាយទាំងទឹកភ្នែករឿងផុងខ្លួន ដោយសារតុងទីនអស់លុយជាង ៥០ ម៉ឺនដុល្លារ
តារាសម្តែងលោក ម៉ា ដូណា ថ្មីៗនេះបានទម្លាយយ៉ាងភ្ញាក់ផ្អើលនូវរឿងរ៉ាវ ដែលលោកបានផុងខ្លួនជាមួយការលេងតុងទីនអស់លុយជាង ៥០ ម៉ឺនដុល្លារ ខណៈលោកគឺជាជនរងគ្រោះ ដោយសារកូនតុងទីនបោកជាច្រើនអ្នក។
តារាសម្តែងលោក ម៉ា ដូណា បានរៀបរាប់ទាំងទឹក ភ្នែកតាមរយៈកិច្ចសម្ភាសន៍មួយថា ដោយសារតែបញ្ហានៃការលេងតុងទីនហើយ ត្រូវបានកូនតុងទីនមួយចំនួនបោក(រត់ចោល)ទើបធ្វើឲ្យលោកត្រូវលង់ខ្លួនអស់ប្រាក់រហូតដល់ទៅ ៥២ ៨០០០ ដុល្លារ ដែលត្រូវចេញសងគេគ្រប់គ្នា។
ម៉ា ដូណា បានបន្តថា មូលហេតុដែលធ្វើឲ្យលោកមកផុងខ្លួនរឿងលេងតុងទីននេះ ដោយសារការទុ កចិត្តមិត្តភក្តិ ការរាប់អាន ការដឹងឮដោយខ្លះមានងារជា ជំទាវ ឯកឧត្តម ឧកញ៉ា និងមិត្តភក្តិដែលជិតដិតរួមអាជីពសិល្បៈដោយគិតថាអ្នកសិល្បៈល្បីគេមិនបោកយើងទេ។ ប៉ុន្តែលទ្ធផលចុងក្រោយ យើងក្លាយជាជនរងគ្រោះ ត្រូវរកលុយដោះបំណុលជំនួសគេទៅវិញ។
លោក ម៉ា ដូណា បានបញ្ជាក់ទៀតថា តាមពិតមួយរយៈពេល ២ ឆ្នាំចុងក្រោយនេះ មិនត្រូវមកជួបការលំបាកដោយសារតុងទីននេះទេ ប៉ុន្តែបញ្ហានៅត្រង់ការបំប្លែងខ្លួនពីកូនតុងទីនទៅជាមេតុងទីនរហូតដល់គេបបួលកូនតុងទីរបស់លោក ឬកូនតុងទីនផ្សេងៗទៅលេងជាមួយទើបធ្វើឲ្យការតុងទីនឡើងថ្លៃរហូតមានការរត់គេចពីយើង ដោយទុកឲ្យលោកជាអ្នកទទួលរាប់រងជំនួសជាមួយកូនតុងទីនមួយចំនួនទៀត។
លោកបានបន្ថែមថា មួយសារនេះលុយដែលខ្ញុំត្រូវចេញសងគេមានរហូត ៥២ ៨០០០ ដុល្លារហើយកាលពីថ្ងៃទី ០៧ និងទី ០៨ ខែមករា ជាថ្ងៃដែលខ្ញុំបាក់ទឹកចិត្តបំផុតចេញទៅលេងកំពង់សោមតែម្នាក់ឯង។ ខ្ញុំអាចនិយាយថា ខ្ញុំទន់ដៃទន់ជើង ព្រោះលុយនេះវាច្រើនលើសលប់សម្រាប់ខ្ញុំពេក គឺងជាង ៥២ ម៉ឺនដុល្លារឯណោះ ច្រើនរហូតខ្ញុំយកប្លង់ដីជាង ៣ ហិតាទៅដាក់បញ្ចាំ ខ្ញុំលក់ខុនដូរអស់ ១កន្លែង ឡាន ១ គ្រឿងនិងរបស់របរលំអខ្លួនជាច្រើនទៀតដើម្បីដោះបំណុលគេ៕
អត្ថបទ៖ ចាន់រ៉ា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)