ជីវិតកម្សាន្ដ

រំភើបពេក ! ទេព បូព្រឹក្ស និយាយអួលដើមកខណៈទទួលបានការយកចិត្តទុកដាក់ពីឪពុកនិងម្តាយក្មេក

បានផុស

៣ years មុន

នៅ

ថ្ងៃពុធ ២៣ ធ្នូ ២០២០

ដោយ

ភ្នំពេញ ៖ តារាចម្រៀងស្រីកញ្ញា ទេព បូព្រឹក្ស បានបង្ហាញពីអារម្មណ៍រំភើបស្ទើរតែទប់អារម្មណ៍ទឹកភ្នែកពុំបានខណៈដែលតារាចម្រៀងស្រីធ្មេញជំពើសរូបនេះទទួលបានការស្រលាញ់និងយកចិត្តទុកដាក់យ៉ាងកក់ក្តៅពីសំណាក់ឪពុកហើយនឹងម្តាយក្មេកខាងអនាគត់ស្វាមីគឺលោក G-Devith។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងនៅឱកាសថ្ងៃខួបកំណើតគម្រប់ខួប២៧ឆ្នាំរបស់តារាចម្រៀងកញ្ញា ទេព បូព្រឹក្ស ត្រូវបានគេសង្កេតឃើញថា ក្រៅតែទទួលបានការជូនពរពីសំណាក់មហាជននិងគូស្នេហ៍លោកG-Devith យ៉ាងពិសេសនោះគឺនាងក៏ទទួលបានភាពកក់ក្តៅផងដែរពីសំណាក់លោកឪពុកនិងម្តាយក្មេកដែលយកចិត្តទុកដាក់និងផ្តល់កម្លាំងចិត្តសម្រាប់ខ្លួន។

ចាប់អារម្មណ៍ទៅមើលនៅលើខ្លឹមសារនៃសំណេរជូនពរម្តាយក្មេងរបស់តារាចម្រៀងទេពបូព្រឹក្ស បានលើកឡើងថា សម្រាប់ម៉ាក់ក្មេកម្នាក់នេះ បើជាពាក្យជូនពរវិញគឺថាប៉ិនមេឃធំជាងធរណី ជ្រៅជាងមហាសមុទ្រ គឺប្រាថ្នាឲ្យតែកូនបានសុខ,សំណាងល្អ,រកស៊ីមានបាន,លុយចូលច្រើនៗផ្ទះធំទ្រនំខ្ពស់,ជាពិសេសសុខភាពល្អអាយុវែង១០០ឆ្នាំ?។ HBD, Queenរបស់ម៉ាក់តែមួយ?អគុណដែលកូនចូលមកក្នុងគ្រួសាររបស់ម៉ាក់។

ទន្ទឹមគ្នានេះដែរលោកឪពុករបស់លោក G-Devith និងត្រូវជាឪពុកក្មេកកញ្ញា ទេព បូព្រឹក្ស ក៏បានថ្លែងសារមកកាន់កូនប្រសារថារីករាយថ្ងៃកំណើត សូមអោយកូនមានសុខភាពល្អ កើតគំនិតច្នៃប្រឌិតខ្ពស់ បើអន្ទិតធ្វើអោយពិបាកចិត្តត្រូវទូរស័ព្ទមកប្រាប់ឪ។បន្ទាប់ពីឃើញការជូនពរយ៉ាងកក់ក្តៅនេះមិនត្រឹមតែសាមីខ្លួន ទេព បូព្រឹក្ស នោះទេដែលសម្តែងអារម្មណ៍រំភើបខ្លាំងសូម្បីតែអ្នកគាំទ្រមួយចំនួនទៀតក៏សរសើរនិងខ្លះទៀតច្រណែនផងដែរ ដែល បូព្រឹក្ស មានឪពុក-មា្តយក្មេកស្រលាញ់កូនប្រសារបែបនេះ៕
ដោយ ៖ ចាន់រ៉ា