ព័ត៌មានអន្ដរជាតិ
នៅជប៉ុន៖ ក្រុមហ៊ុនខ្លះ បានរៀបចំកន្លែងគេងសម្រាប់បុគ្គលិក ដើម្បីតបស្នងនៃការខិតខំធ្វើការរបស់ពួកគេ
រឿងដ៏គួរឲ្យភ្ញាក់ផ្អើលមួយនៅក្នុងប្រទេសជប៉ុនដែលគ្រប់គ្នាអាចមិនសូវបានដឹង គឺបុគ្គលិកខ្លះនៃក្រុមហ៊ុននានាបានខិតខំធ្វើការងារ ដោយពួកគេដេកនៅកន្លែងធ្វើការងារតែម្តង។ ទម្លាប់បែបនេះ គេកម្រនឹងបានឃើញណាស់នៅក្នុងបណ្តាប្រទេសនានានៅលើពិភពលោកយើងនេះ។ ប៉ុន្តែ នៅជប៉ុន មានក្រុមហ៊ុនមួយចំនួនបានរៀបចំកន្លែងគេងសម្រាកនេះរួចជាស្រេចសម្រាប់បុគ្គលិកដែលឧស្សាហ៍ព្យាយាមធ្វើការងារ។
ការងងុយគេងនៅកន្លែងធ្វើការអាចត្រូវបានគេយល់ថា ជាសញ្ញានៃភាពខ្ជិលច្រអូស ឬអាកប្បកិរិយាមិនល្អ ប៉ុន្តែនៅក្នុងប្រទេសជប៉ុន គឺមិនមែននោះទេ។ ជនជាតិជប៉ុនមានវប្បធម៌មួយឈ្មោះថា Inemuri គឺជាទម្លាប់នៃការគេងនៅកន្លែងធ្វើការរបស់ជនជាតិជប៉ុន។ កម្មករជនជាតិជប៉ុន អាចគេងពេលដំណើរសាធារណៈ នៅតុធ្វើការរបស់ពួកគេ ឬសូម្បីតែក្នុងអំឡុងពេលប្រជុំ ហើយវាត្រូវបានគេមើលឃើញជាទូទៅថា ជាសញ្ញានៃការងារលំបាក។
អ្វីជាការកត់សម្គាល់ គឺនៅក្រុមហ៊ុនមួយចំនួននៅប្រទេសជប៉ុន បានរៀបចំកន្លែងឲ្យបុគ្គលិកសម្រាក និងថែមទាំងលើកទឹកថា«ការងងុយគេង ឫគេងនៅកន្លែងធ្វើការ មិនបានធ្វើឱ្យអ្នកមានបញ្ហាបណ្តេញចេញទេ ការឆ្លៀតពេលសម្រាប់ការងងុយគេង ត្រូវបានគេមើលឃើញថា ជាកិត្តិយស និងជាសញ្ញានៃភាពឧស្សាហ៍ព្យាយាមរបស់និយោជិត»។
គួរជម្រាបជូនថា មិនមែនដូចនៅអឺរ៉ុប និងអាមេរិកទេ ការធ្វើការថែមម៉ោង គឺជាផ្នែកមួយនៃវប្បធម៌ការងារនៅក្នុងប្រទេសជប៉ុន។ កត្តានេះ បានរួមចំណែកជាច្រើនក្នុងការររីកចម្រើនសេដ្ឋកិច្ចរបស់ប្រទេសជប៉ុនយ៉ាងឆាប់រហ័ស ពោល គឺចាប់តាំងពីទសវត្សរ៍ទី ៦០ រហូតដល់បច្ចុប្បន្ននេះ។
អត្ថបទ៖នាងតូច
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត