KPT+
រឿងដ៏គួរឲ្យចាប់អារម្មណ៍ ១០ យ៉ាង ទាក់ទងនឹងខួរក្បាលរបស់មនុស្ស
អ្នកដឹងទេថា ខួរក្បាលមនុស្សនឹងពេញលេញ១០០ភាគរយនៅអាយុ២៥ឆ្នាំ? ឬខួរក្បាលរបស់យើង ជាគ្រឿងបំភ្លឺអំពូលភ្លើងបាន? អ្នកវិទ្យាសាស្ត្រនិងសាស្ត្រាចារ្យ បានសិក្សាឃើញរឿងជាច្រើនអំពីខួរក្បាលរបស់យើងដូចជា៖
១. ខួរក្បាលយើងអាចរួមតូច
ប្រហែល៦០ភាគរយនៃទម្ងន់សុទ្ធរបស់ខួរក្បាលគឺខ្លាញ់ ទោះបីជា៧៣ភាគរយនៃខួរក្បាលទាំងមូលត្រូវបង្កើតឡើងដោយទឹកក៏ដោយ។ ខួរក្បាលរបស់មនុស្សត្រូវការជាតិទឹកដូចសាច់ដុំ និងសរីរាង្គផ្សេងទៀតដែរ ហើយការបែកញើសជាប្រចាំរយៈពេល៩០នាទី អាចបណ្ដាលឱ្យខួរក្បាលរួញ។
២. ខួរក្បាលត្រូវការអុកស៊ីសែនថេរ
នៅពេលអ្នកគិតអំពីសារៈសំខាន់នៃអុកស៊ីសែន អ្នកប្រហែលជាគិតអំពីសួត និងសាច់ដុំរបស់អ្នក ប៉ុន្តែខួរក្បាលក៏ត្រូវការការផ្គត់ផ្គង់អុកស៊ីសែនថេរដែរ។ កង្វះអុកស៊ីសែនក្នុងរយៈពេលត្រឹមតែ៥នាទី អាចបណ្តាលឱ្យស្លាប់កោសិកាខួរក្បាលជាច្រើន ដែលអាចនាំឱ្យខូចខួរក្បាលធំ។
៣. ព័ត៌មានធ្វើដំណើរចេញចូលខួរក្បាលក្នុងល្បឿន៤០០គីឡូម៉ែត្រក្នុងមួយម៉ោង
ជាមួយនឹងណឺរ៉ូនរាប់ពាន់លានកំពុងធ្វើការ ព័ត៌មានអាចធ្វើដំណើរចេញចូលខួរក្បាលផ្លាស់ទីក្នុងល្បឿន៤០០គីឡូម៉ែត្រក្នុងមួយម៉ោង។
៤. ចិត្តមានកោសិការាប់ពាន់លាន
ទោះបីជាគេមិនដឹងចំនួនពិតប្រាកដនៃកោសិកាខួរក្បាលក៏ដោយ អ្នកស្រាវជ្រាវដឹងថាខួរក្បាលមានកោសិការាប់ពាន់លាន។ កោសិកាទាំងអស់នេះគឺខំធ្វើការ បញ្ជូនសញ្ញាទៅផ្នែកផ្សេងៗនៃរាងកាយ និងដំណើរការការបញ្ចូលអារម្មណ៍។
៥. ខួរក្បាលធំឡើងគុណនឹងពីរពេលយើងអាយុមួយឆ្នាំ
នៅពេលទារកកើតមក ទំហំខួរក្បាលរបស់ពួកគេគឺប្រហែលតិចជាងមួយភាគបួននៃទំហំខួរក្បាលមនុស្សពេញវ័យជាមធ្យម។ ដល់ឆ្នាំដំបូងវាកើនឡើងទ្វេដង ហើយបន្តលូតលាស់ក្នុងល្បឿនយ៉ាងលឿន។ នៅអាយុ៥ឆ្នាំខួរក្បាលរបស់កុមារឈានដល់ប្រហែល៩០ភាគរយ នៃទំហំមនុស្សពេញវ័យ។
៦. ខួរក្បាលមិនអាចធ្វើការពីរមុខក្នុងពេលតែមួយបានទេ
ផលិតភាពគឺជាកត្តាសំខាន់សម្រាប់មនុស្សជាច្រើនដែលព្យាយាមបំពេញកិច្ចការជាច្រើនក្នុងពេលតែមួយ។ ទោះជាយ៉ាងណាក៏ដោយ ខួរក្បាលរបស់មនុស្សមិនអាចផ្តោតទៅលើរឿងពីរក្នុងពេលតែមួយនោះទេ ហើយក៏មិនអាចរៀនលើសពីមួយរឿងក្នុងពេលតែមួយដែរ។
៧. មនុស្សភាគច្រើនមិនប្រើប្រាស់ខួរក្បាល១០ភាគរយទៀត
តើអ្នកធ្លាប់លឺពាក្យចចាមអារ៉ាមថា មនុស្សប្រើត្រឹមតែ១០ភាគរយនៃសមត្ថភាពខួរក្បាលរបស់យើងទេ? អ្នកស្រាវជ្រាវបានរកឃើញថាវាមិនពិត យើងប្រើសមត្ថភាពខួរក្បាលរបស់យើងច្រើនសូម្បីតែពេលគេង។
៨. ខួរក្បាលគ្មានការឈឺចាប់
ទោះបីជាការឈឺចាប់ត្រូវបានដំណើរការតាមរយៈខួរក្បាលក៏ដោយ ប៉ុន្តែវាមិនមានអារម្មណ៍ឈឺចាប់ទេ។ អ្នកប្រហែលជាគិតថាការត្រជាក់ខួរក្បាលពេលញ៉ាំការ៉េម ជាការឈឺចាប់ដែលបានកើតឡើងដោយខួរក្បាល ការពិតការឈឺចាប់នោះចេញពីមាត់របស់អ្នកទៅវិញទេ។
៩. មនុស្សរួសរាយ និងមនុស្សអៀនខ្មាស់មានភាពខុសគ្នាខាងរាងកាយ
លទ្ធផល MRI បានបង្ហាញពីភាពខុសគ្នារវាងខួរក្បាលនៃ introverts និង extroverts ។ នៅក្នុងខួរក្បាលរបស់ extrovert បណ្តាញរង្វាន់ដូប៉ាមីនសកម្មជាង introvert។ នៅក្នុងខួរក្បាលរបស់ introvert មានសារធាតុពណ៌ប្រផេះច្រើន៕
ប្រែសម្រួល៖ វារី
ចុចអាន៖Mary Ann Bevan ពីស្ត្រីស្រស់ស្អាតបំផុត ក្លាយជានារីសាច់ដុំមុខអាក្រក់
ចុចអាន៖កន្លែងទេសចរណ៍ ១០ កន្លែងលើពិភពលោក ល្បីព្រឺព្រួច និងរន្ធត់
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង