ជីវិតកម្សាន្ដ
ខាត់ ស្រីវង ហោះពីអាមេរិកមកចូលរួមបុណ្យ៧ថ្ងៃ ខាត់ ចំរើន
អ្នកគាំទ្រ និងប្រើប្រាស់បណ្តាញសង្គមហ្វេសប៊ុកកាន់តែក្តុកក្តួលរំជួលចិត្តថែមទៀតបន្ទាប់ពីឃើញសាររបស់តារាចម្រៀងអ្នកនាង ខាត់ ស្រីវង ដែលរស់នៅលើកទឹកដីអាមេរិកបានពោលថា ទោះមិនបានជួបមុខចុងក្រោយក៏បានទៅកាន់ឆ្អឹងបងដែរ (ខាត់ ចំរើន)។
នៅក្នុងពិធីបុណ្យសពរបស់តារាកំប្លែងលោក ខាត់ ចំរើន ដែលត្រូវជាបងប្រុសបង្កើតកាលពីថ្មីៗនេះ គេមិនបានឃើញវត្តមានរបស់អ្នកនាង ខាត់ ស្រីវង ជាប្អូនស្រីចូលរួមនោះទេ ដោយហេតុថាតារាស្រីរូបនេះរស់នៅឆ្ងាយឯនាសមុទ្រពុំអាចធ្វើដំណើរមកទាន់ពេលឡើយ។ ប៉ុន្តែសម្រាប់ពិធីបុណ្យគម្រប់ខួប៧ថ្ងៃប្អូនស្រី ខាត់ ស្រីវង បានឡើងយន្តហោះដើម្បីមកចូលរួមពិធីបុណ្យដើម្បីឧទ្ទិសកុសលជូនដួងវិញ្ញាណក្ខន្ធលោក ខាត់ ចំរើន ។
ខាត់ ស្រីវង បានបញ្ជាក់ថា ប្អូនទៅហើយបងប្រុសទោះមិនបានជួបមុខចុងក្រោយក៏បានទៅកាន់ឆ្អឹងបងដែរ ប្អូនអាណិតបងណាស់សង្ខារអើយ នាងខ្ញុំធ្វើដំណើរទៅដល់ប្រទេសកំណើតនៅថ្ងៃទី២៣ ខែវិច្ឆិកា ឆ្នាំ២០២២។ ចំណែកអ្នកនាង ខាត់ សុឃីម ដែលជាបងស្រីក៏បានលើកឡើងថា មកហើយលោកអើយ ប្អូនទ្រាំនៅមិនបានត្រូវតែមកបុណ្យ៧ថ្ងៃបងប្រុស (ខាត់ ចំរើន) សូមប្អូនធ្វើដំណើរសុខសប្បាយតាមផ្លូវណា។
សូមរម្លឹកថា តារាកំប្លែង និងចម្រៀងលោក ខាត់ ចំរើន ដែលជាប្អូនប្រុសបង្កើតអ្នកនាង ខាត់ សុឃីម បានទទួលមរណភាពកាលពីព្រឹកថ្ងៃទី២០ ខែវិច្ឆិកា ឆ្នាំ២០២២ ក្នុងវ័យ៤០ឆ្នាំ ដោយសារជំងឺក្រិនថ្លើម បេះដូង និងក្រលៀន។ តាមរយ:ដំណឹងមរណភាពតារាកំប្លែងលោក ខាត់ ចំរើន នេះគេឃើញមានអ្នកគាំទ្រព្រមទាំងសិល្បករ-សិល្បការិនីជាច្រើនបានសម្តែងការសោកស្តាយចំពោះការបាត់បង់ធន់ធានសិល្បករដ៏មានប្រជាប្រិយភាព និងទេពកោសល្យផ្នែកសិល្ប:ស្ទើរគ្រប់ជំនាញ៕
អត្ថបទ៖ ចាន់រ៉ា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង