Connect with us

ជីវិតកម្សាន្ដ

កូនខ្មែរតួឯកនៅហូលីវូដ គ្រោងផលិតភាពយន្តវាយប្រហារនៅកម្ពុជា

បានផុស

នៅ

តួឯកថ្មីក្នុងវិស័យភាពយន្តវាយប្រហារនៅហូលីវូដ ក្នុងភាពយន្តរឿង “អ្នកប្រយុទ្ធហនុមា” ឬ “Hanuman Shadow Master” ដែលធ្លាប់ឱ្យ “កម្ពុជាថ្មី” ថា លោកមានក្ដីស្រមៃចង់ផលិតភាពយន្តនៅកម្ពុជានោះ​ ពេលនេះលោកបានបង្ហាញពេលវេលានោះហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សៅ ឌី បានឱ្យ “កម្ពុជាថ្មី” ដឹងថែមទៀតថា នៅចុងឆ្នាំ២០២៣នេះ ប្រហែលខែវិច្ឆិកា ឬខែធ្នូ បើមានថវិកាផលិតភាពយន្តគ្រប់គ្រាន់ លោកនឹងមកផលិតភាពយន្តបែបក្បាច់គុនវាយប្រហារ នៅកម្ពុជា ជាប្រទេសកំណើត តាមក្ដីស្រមៃរបស់ខ្លួន។

លោក សៅ ឌី មានប្រសាសន៍បន្តថា៖ “រឿងហ្នឹង ខ្ញុំចង់យកតួសម្ដែងនៅស្រុកខ្មែរជាច្រើនដើរតួសម្ដែង និងជួយខ្ញុំ ដោយខ្ញុំនឹងនិយាយអង់គ្លេសផង ខ្មែរផង។ ខ្ញុំបានសរសេររឿងហ្នឹងហើយ ប៉ុន្តែមិនទាន់មានលុយគ្រប់ ខ្ញុំកំពុងរកលុយ”។

លោក សៅ ឌី បញ្ជាក់បន្ថែមថា៖ “ការតាក់តែងរឿងមិនស្រួលទេ ត្រូវការលុយច្រើនណាស់ សូម្បីតែរឿងតូចៗ ក៏ទាល់តែមានលុយច្រើនទើបផលិតបាន។ មានលុយតិច យើងទាល់តែថតរឿងឱ្យចប់ត្រឹម ៩ ថ្ងៃ ហើយពេលឈុតវ៉ៃគ្នា ត្រូវការចំណាយពេលច្រើនថត។ ប៉ុន្តែខ្ញុំសង្ឃឹម និងគិតថា ធ្វើបានប៉ុនណា យកប៉ុណ្ណឹង”។

លោក សៅ ឌី សង្ឃឹមថា ប្រជាពលរដ្ឋកម្ពុជានឹងសប្បាយចិត្ត នៅពេលឃើញមានកូនខ្មែរអាចដើរតួឯកនៅហូលីវូដ។ លោកផ្ដាំផ្ញើថា កូនខ្មែរដែលមានបំណងចង់ចូលហូលីវូដ ត្រូវមានទំនុកចិត្តជំនឿលើខ្លួន ហើយខំហ្វឹកហាត់ការសម្ដែងរបស់ខ្លួន និងហាត់ក្បាច់គុន ដើម្បីអាចតំណាងជាតិលើឆាកអន្តរជាតិ ដើម្បីលើកកិត្តិយសមុខមាត់ខ្មែរឡើងវិញ។

គួរបញ្ជាក់ថា លោក ឌី សៅ មានដើមកំណើតនៅខេត្តបាត់ដំបង កើតក្នុងឆ្នាំ១៩៧៩ ដោយគ្រួសាររបស់លោកបានប្ដូរទៅរស់នៅ រដ្ឋកាលីហ្វ័រញ៉ា សហរដ្ឋអាមេរិក តាំងពីលោកអាយុ ៣ឆ្នាំ។ លោកបានហាត់ក្បាច់គុនតាំងពីអាយុ ៧ឆ្នាំ ដោយធ្វើត្រាប់តាម លោក ជេត លី និង លោក ជេកគីចាំង។

លោកបានបោះជំហ៊ានចូលហូលីវូដ អស់រយៈពេល ១៥ ឆ្នាំមកហើយ ដោយធ្វើជាតួអង្គជំនួស ជាអ្នករៀបចំឈុតឆាកសម្ដែង និងជាគ្រូបង្រៀនគុនខ្មែរប្រដាល់សេរី និងកុងហ្វូ ដល់តួអង្គសំខាន់ៗ ជាពិសេសតួដែលសម្ដែងក្នុងភាពយន្តបែបវាយប្រហារ និងប្រើក្បាច់គុនជាដើម។ លោកធ្លាប់បានសម្ដែងជាតួឯក្នុងរឿង “Fast Vengeance” កាលពី ៣ឆ្នាំមុន ម្ដងរួចមកហើយ៕

អត្ថបទ៖ ច័ន្ទ វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៩ នាទី មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ១៤ នាទី មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានជាតិ៣២ នាទី មុន

សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ចុះពិនិត្យព្យាបាលជំងឺពលរដ្ឋនៅស្រុកថ្មគោល

ព័ត៌មានជាតិ៤៦ នាទី មុន

កម្មករ-និយោជិត សរសើរថា ពេលមកបើកលុយ ក្រសួងការងារ បានយកចិត្តទុកដាក់លើសពីការរំពឹងទុក

ព័ត៌មានជាតិ៤៩ នាទី មុន

សម្តេចធិបតី និងលោកជំទាវបណ្ឌិត ចាត់ឱ្យគ្រូពេទ្យព្យាបាលពូម្នាក់ដែលមានជំងឺបេះដូងរីក

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៣ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៦ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

សន្តិសុខសង្គម៥ ថ្ងៃ មុន

បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)

Sokha Hotels

ព័ត៌មានពេញនិយម