៩ឆ្នាំទៀត Chompoo ទំនងសម្រាកពីសិល្បៈ

ក្រោយវិលត្រឡប់ពីវិស្សមកាលនៅអង់គ្លេសជាមួយស្វាមី តារាសម្ដែង និងបង្ហាញម៉ូដ Chompoo Araya ទម្លាយថា ខ្លួនទំនងផ្អាកអាជីពសិល្បៈច្រើនឆ្នាំ ព្រោះត្រូវថែទាំកូនៗ ពេលបញ្ជូនពួកគេទៅរៀននៅបរទេស។

បន្ទាប់ពីនាំកូនប្រុសភ្លោះ Thunder-Pai ទៅលេងសាលានៅប្រទេសអង់គ្លេស អ្នកម៉ាក់ហាយសូរ Chompoo Araya បានប្រាប់អ្នកសារព័ត៌មានក្នុងស្រុកថា ក្រោយកូនៗចប់មធ្យមសិក្សានៅប្រទេសថៃ នាងនឹងបញ្ជូនពួកគេទៅរៀននៅទីក្រុងឡុងដ៏ ហើយនាងនឹងផ្អាកការងារសិល្បៈមួយអន្លើ ដើម្បីតាមមើលថែកូនៗទាំងពីរ។

តារាស្រីរៀមច្បងរូបនេះបញ្ជាក់ថា “ទៅមើលសាលារួចហើយ កូនៗចូលចិត្តទីនោះ។ ប៉ុន្តែក្នុងនាមជាម្តាយ ខ្ញុំមានអារម្មណ៍ថា ៨-៩ឆ្នាំទៀត ដូចជាលឿនណាស់ ខ្ញុំមិនទាន់អាចទទួលយកបានទេ” ។

យ៉ាងណាមិញ ពេលវេលានោះនៅយូរគួរសមទៀតដែរ នាងមិនទាន់ប្រាកដមួយរយភាគរយឡើយថា កូនៗទាំងពីរអាចប្រឡងជាប់ទៅសិក្សានៅទីក្រុងឡុងដ៏ដូចការគ្រោងទុកនោះទេ ប៉ុន្តែចំពោះនាងនិងស្វាមីបានត្រៀមខ្លួនបញ្ជូនពួកគេរួចហើយ៕

ប្រែសម្រួល៖ សន្យា

ចុចអាន៖ Ice Preechaya ឆ្លើយតបចំៗឱ្យអ្នកពូកែ Bully អ្នកដទៃ

ចុចអាន៖ Kimberly លើកកន្លែងរៀបការ មិនមែននៅអាល្លឺម៉ង់ដូចគ្រោងទេ