ជីវិតកម្សាន្ដ

កំពូលតារាចម្រៀង៣រូបធ្វើឲ្យកក្រើកថ្ងៃមង្គលការប្អូនស្រីអ្នកឧកញ៉ា ឡេង ណាវ៉ាត្រា

បានផុស

៣ years មុន

នៅ

ថ្ងៃចន្ទ ២៥ មករា ២០២១

ដោយ

ពិតជាធ្វើឲ្យមហាជនចាប់អារម្មណ៍ខ្លាំងនៅ ក្នុងថ្ងៃពិសេសនៃពិធីមង្គលការប្អូនស្រីរបស់អ្នកឧកញ៉ា ឡេង ណាវ៉ាត្រា និងភរិយា ខណៈដែលពិធីនេះបានរៀបចំធ្វើឡើងយ៉ាងពិសេសទាំងការតុបតែងលម្អរចនារោងការ និងមានការដាក់តាំងនូវរថយន្តស៊េរីទំនើបៗជាច្រើនគ្រឿងអបនៅខាងមុខរោងការជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតកាលពីថ្ងៃសៅរ៍ទី២៣ ខែមករា ឆ្នាំ២០២១កន្លងទៅនេះ អ្នកជំនួញវ័យក្មេង ដែលបច្ចុប្បន្នកំពុងក្តោបក្តាប់មុខជំនួញនិងលុយវាល់លានពេញដៃ គឺអ្នកឧកញ៉ា ឡេង ណាវ៉ាត្រា និងភរិយាបានរៀបចំពិធីអាពាហ៍ពិពាហ៍ឲ្យប្អូនស្រី(ប្អូនថ្លៃ)យ៉ាងគគ្រឹកគគ្រេងអប ដោយភាពសប្បាយរីករាយខ្លាំង។ មង្គលការប្អូនស្រីអ្នកឧកញ៉ា ឡេង ណាវ៉ាត្រា បានធ្វើឡើងនៅគេហដ្ឋានខាងស្រីភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។

តាមការកត់សម្គាល់នៅក្នុងពិធីមង្គលការប្អូនស្រីអ្នកឧកញ៉ា ឡេង ណាវ៉ាត្រា នោះដែរ គឺគេឃើញមានការបង្ហាញវត្តចូលរួមយ៉ាងច្រើនកុះករពីសំណាក់ឯកឧត្តម លោកជំទាវ លោកឧកញ៉ា អ្នកជំនួញល្បីៗព្រមទាំងតារាសម្តែងនិងចម្រៀងកំពូលៗរបស់របស់ប្រទេសកម្ពុជា ផងដែរ។

រឿងដែលធ្វើឲ្យមហាជននិងភ្ញៀវ ដែលបានចូលរួមមង្គលកាន់តែចាប់អារម្មណ៍ទៀតនោះ នៅក្នុងពិធីមង្គលការនោះមិនត្រឹមតែមានវត្តមានរបស់តារាចម្រៀង-ប្រុសស្រីល្បីៗចូលរួមច្រើននោះទេពោល គឺមានកំពូលតារាចម្រុង៣រូបលោក ព្រាប សុវត្ថិ ,លោក ខេមរ: សិរីមន្ត និងលោក ខេម បានធ្វើឲ្យកក្រើកពេញរោងការតែម្តង តាមរយៈការច្រៀងនិងដឹកដៃភរិយាឡើងរាំបទស្លូរយ៉ាងស្រស់ស្រាយទៀតផង។ មហាជនយល់ថា ការចាប់ដៃរាំស្លូររបស់លោក ព្រាប សុវត្ថិ ជាមួយភរិយា, លោក ខេមរៈ សិរីមន្ត ជាមួយភរិយា ,លោក ខេម ជាមួយនារីគូស្នេហ៍នេះ ពិតជារឿងដ៏កម្របានឃើញបំផុត។

ជាមួយគ្នានៃរឿងដ៏កម្រនេះដែរ សម្រាប់ថ្ងៃមង្គលការខាងលើនេះ អ្នកឧកញ៉ា ឡេង ណាវ៉ាត្រា ក៏បានធ្វើការពញ្ញាក់អារម្មណ៍ចំពោះលោក ព្រាប សុវត្ថិ , លោក ខេមរៈ សិរីមន្ត , លោក ខេម និងកញ្ញា តន់ ច័ន្ទសីម៉ា ដោយបានផ្តល់ជូននូវការដូរពិសេសទឹក ប្រាក់ម្នាក់ចំនួន៥ពាន់ដុល្លារផងដែរ ខណៈក្រុមភេ្លងក៏ទទួលបានកាដូរពីអ្នកឧកញ៉ាផងនោះ៕

អត្ថបទ៖ ចាន់រ៉ា

សូមចុចអាន៖ សោភាទេពី សុខចិត្តលះបង់សាច់ខ្ចីដើម្បីសម្រេចបំណងមួយនេះ

Related Topics:ពិធីអាពាហ៍ពិពាហ៍