ជីវិតកម្សាន្ដ

លីម តិចម៉េង បញ្ជាក់ឆន្ទៈ មិនក្បត់ផែនដីមួយនេះជាដាច់ខាត

បានផុស

៣ years មុន

នៅ

ថ្ងៃសុក្រ ២៩ កញ្ញា ២០២៣

ដោយ

តារាចម្រៀងវ័យក្មេងលោក លីម តិចម៉េង បានចេញមុខមកបញ្ជាក់ពីគោលជំហររបស់ខ្លួនថា លោកកើតនៅលើផែនដីនេះ មិនក្បត់ផែនដីមួយនេះជាដាច់ខាត ខណ:មានអ្នកគាំទ្រមួយចំនួនសម្ដែងការព្រួយបារម្ភខ្លាចលោកធ្លាក់ប្រជាប្រិយភាពជុំវិញការស៊ែព័ត៌មាននៃការសាងសង់ប្រាសាទថ្មរបស់ថៃ ដែលមានភាពស្រដៀងនឹងប្រាសាទអង្គរវត្តរបស់ខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀង លីម តិចម៉េង បានឆ្លើយតបនិងក្តីព្រួយ បារម្ភរបស់មហាជនដូច្នេះថា «មានបងប្អូនយើងច្រើន ណាស់ដែលបារម្ភនឹងស្នើរឲ្យខ្ញុំលុបShare លុប post ដែលអាចប៉ះពាល់ ឬមានរឿងអាស្រូវមិនល្អតាមរយ:សារព័ត៌មានផ្សេងៗ តែខ្ញុំសូមជម្រាបថា ខ្ញុំមិនរត់គេច ឬខ្លាចរាល់អ្វីដែលខ្ញុំបាននិយាយ បានធ្វើនោះឡើយ ជាពិសេសវប្បធម៌ដូនតាបន្សល់ទុកមករាប់ពាន់ឆ្នាំមកនេះ»។

លោក លីម តិចម៉េង បាននិយាយបន្តថា «ក្នុងនាមជា ខ្មែរម្នាក់ខ្ញុំមិនខ្វល់ថាអ្នកណាគិតបែបណានោះឡើយ ខ្ញុំមានពាក្យជូនតែ ១ឃ្លាគត់ គឺ ខ្ញុំកើតលើផែនដីនេះខ្ញុំមិនក្បត់ផែនដីមួយនេះជាដាច់ខាត ទោះបីខ្ញុំមិនបានសងគុណដល់ផែនដីនេះក៏ដោយ យ៉ាងហោចណាស់ខ្ញុំក៏មិនក្បត់នឹងមនសិការខ្លួនឯងមួយជីវិត»។

តារាចម្រៀងលោក លីម តិចម៉េង បញ្ជាក់ទៀតថា «ហ៊ាននិយាយ ហ៊ានធ្វើ ហ៊ានទទួល នេះជាឆន្ទៈរបស់ខ្ញុំរហូតមួយជីវិត»។

សូមជម្រាបដែរថាកាលពីថ្មីៗនេះលោក លីម តិចម៉េង បានបង្ហោះខ្លឹមសារមួយបន្ទាប់ពីមហាជន និងអ្នកប្រើប្រាស់បណ្តាញសង្គមប្រតិកម្មទៅលើការសាងសង់ប្រាសាទ ថ្មរបស់ថៃដែលមានភាពស្រដៀងនឹងប្រាសាទអង្គរវត្តរបស់ខ្មែរដោយលោកលើក ឡើងថា ជាយូរណាស់ហើយមិនដែលចេះ share អ្វីទេតែ បើនេះជារឿងពិតនោះការឈឺចាប់គឺប្រាកដជាក្លាយ ជាជំងឺរ៉ាំរ៉ៃក្នុងចិត្តរបស់លោកផ្ទាល់ ពិសេសកូនខ្មែរគ្រប់រូប គ្រប់ជំនាន់៕

អត្ថបទ៖ ចាន់រ៉ា

Related Topics:ប្រសាទកោះកេរ លឹម តិចម៉េង

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា