ក្រុម​ប្រឹក្សា​ពិន័យ និងលើកសរសើរ​ នៃ​ក្រសួងវប្បធម៌ប្រកាស​ចាត់វិធានការក្រុមសម្តែង​វីដេអូ ដែលធ្វើឲ្យប៉ះពាល់តម្លៃសាសនា

ស្របពេលដែលកំពុងផ្ទះការរិះគន់បាញ់ចាក់ស្រោចយ៉ាងគំហុគលើក្រុមលក់ឡេ ដែល​បានផលិតវីដេអូបែបកំប្លែងស្ងួតតាមរយ:ការចម្លងយកស្នាដៃរឿង ទុំទាវមកសម្តែងឡើងវិញនាំឲ្យប៉ះពា ល់ដល់តម្លៃសាសនានោះពេលនេះលោក ហេង ឡុង បានបញ្ជាក់មុននេះបន្តិចថា ក្រុមនេះត្រូវតែទទួលការព្រមាន និងណែនាំពីក្រសួង។​

លោក ហេង ឡុង ប្រធានសមាគមន៍មិត្តសិល្ប:ស្ម័គ្រចិត្តជួយសង្គមបានថ្លែងប្រាប់កម្ពុជាថ្មីនៅព្រឹកថ្ងៃទី ០៤ ខែ​កុម្ភ:នេះថា ក្រុមប្រឹក្សាពិន័យ និងលើកសរសើរ របស់ក្រសួងវប្បធម៌ និងវិចិត្រសិល្បៈនឹងចាត់វិធានការចំពោះក្រុមសម្តែងវីដេអូនេះដែលគ្មានវិជ្ជាជីវៈត្រឹមត្រូវធ្វើឲ្យប៉ះពាល់ដល់សីលធម៌សង្គម និងសាសនា។

ការលើកឡើងរបស់លោក ហេង ឡុង ខាងលើនេះកំពុងធ្វើឲ្យមហាជនសម្តែងការគាំទ្រខ្លាំងនិងរង់ចាំមើលចំណាត់ការរបស់ក្រសួងលើក្រុមសម្តែងនេះ។

សូមបញ្ជាក់ថា ប្រតិកម្មបង្ហាញការមិនពេញចិត្ត និងរិះគន់របស់មហាជននេះបានធ្វើឡើង​ភ្លាមៗ ខណ:ដែលក្រុមលក់​ឡេអនឡាញ អាជីពបានបញ្ចេញផ្សព្វផ្សាយស្នារដៃផលិតវីដេអូកំប្លែងរឿងទុំទាវ ២០២១ ដែលសាច់រឿងមានចរិកខ្វះសិលធម៌នាំឲ្យប៉ះពាល់តម្លៃសាសនានិងវប្បធម៌ជាតិ៕

អត្ថបទ៖ ចាន់រ៉ា