ជីវិតកម្សាន្ដ

តារាចម្រៀងរ៉េបប្រកាសចាប់ដៃតារាជើងចាស់ផ្នែកអាយ៉ៃចេញបទថ្មី

បានផុស

៣ years មុន

នៅ

ថ្ងៃព្រហស្បតិ៍ ១៨ កុម្ភៈ ២០២១

ដោយ

កាន់តែពិសេសថែមទៀតស្របពេលដែលសុខៗស្រាប់តែតារាចម្រៀងរ៉េប នេនទុំ បានប្រកាសយ៉ាងភ្ញាក់ផ្អើលថា នៅអំឡុងពិធីបុណ្យចូលឆ្នាំខ្មែរខាងមុខនេះខ្លួនត្រៀមបង្ហាញស្នាដៃបទចម្រៀងថ្មីដែលចាប់ដៃគូជាមួយតារាអាយ៉ៃជើងចាស់លោកតា ព្រហ្ម ម៉ាញ ។

តាមរយៈដំណឹងនេះ កាន់តែធ្វើឲ្យមហាជនចាប់អារម្មណ៍និងភ្ញាក់ផ្អើលខ្លាំងបន្ទាប់ពីស្ងាត់ៗក៏តារារ៉េប នេនទុំ បានប្រកាសរួមដៃជាមួយតារាអាយ៉ៃជើង ចាស់លោកតា ព្រហ្ម ម៉ាញ ចេញបទស្វាគមន៍ពិធីចូលឆ្នាំខ្មែរយ៉ាងដូច្នេះ។ មានអ្នកគាំទ្រជាច្រើនយល់ថា បទថ្មីរវាង នេនទុំ និងលោកតាស្មៀន ម៉ាញ ច្បាស់ជាផ្ទុះការគាំទ្រខ្លាំងជាមិនខាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងខ្លឹមសារនិងរូបភាពដែលត្រូវបាន នេន ទុំ បង្ហើបនៅលើហ្វេសប៊ុកផ្លូវការរបស់ខ្លួន បានលើកឡើងដោយខ្លីថា បទថ្មីសម្រាប់ចូលឆ្នាំ ពិតជាអស្ចារ្យខ្លាំងណាស់សម្រាប់ខ្ញុំដែលលោកពូ ព្រហ្ម ម៉ាញ គាត់បានផ្តល់កិត្តិយស បើខ្ញុំមិនប្រាប់តើបងប្អូនដឹងថាបទអីទេ?។

ទោះបីជាមានការបង្ហោះនិងបង្ហើបបែបនេះពីសំណាក់តារាចម្រៀង នេនទុំ ក៏ពិតមែនប៉ុន្តែរហូតមកទល់ពេលនេះនៅមិនទាន់មានការបញ្ជាក់ច្បាស់ពីសំណាក់ នេនទុំ ថាបទចម្រៀងនេះជាចង្វាក់អ្វីឡើយ ខណៈមានអ្នកគាំទ្រជាច្រើនកំពុងអន្ទះសារបទនោះផងដែរ៕

អត្ថបទ ៖ ចាន់រ៉ា