ជីវិតកម្សាន្ដ
មិនដល់១ឆ្នាំផង ហង្សមាសរបូតតារាចម្រៀងល្បីដល់ទៅ២រូបពីចេញទ្រនំខ្លួន
ភ្នំពេញ ៖ ពិតជារឿងមួយដែលគួរមិននឹកស្មានដល់ចំពោះមហាជននិងអ្នកគាំទ្រខណៈដែលផលិតកម្មល្បីឈ្មោះហង្សមាសត្រឹមរយៈពេលខ្លីប៉ុណ្ណោះត្រូវរបូតតារាប្រុសល្បីៗពីររូបចេញពីទ្រនំរបស់ខ្លួនបង្កឲ្យមានការភ្ញាក់ផ្អើលដល់អ្នកគាំទ្រគ្រប់គ្នា។
ជាការពិតកាលពីអំឡុងចុងឆ្នាំ២០២០ហង្សមានត្រូវបានរបូតចេញពីដៃកំពូលតារាចម្រៀងល្បីឈ្មោះ នៅទូទាំងប្រទសគឺលោក ព្រាប សុវត្ថិ។ ការចាកចេញរបស់លោក ព្រាប សុវត្ថិ កាលនោះបានធ្វើឲ្យមហាជនមានការភ្ញាក់ផ្អើលនិងចាប់អារម្មណ៍ខ្លាំងចំពោះមូលហេតុនេះ។
គេចាំបានថាលោក ព្រាប សុវត្ថិ ក្រោយពេលចាក ចេញពីហង្សមាសក៏បានធ្វើកិច្ចសន្យា(កុងត្រា)រយៈ ពេល៥ឆ្នាំជាមួយផលិតកម្មថ្មីGalaxy navatra កាលពីថ្ងៃទី២៥ ខែសីហា ឆ្នាំ២០២០។ កាលនោះលោក ព្រាប សុវត្ថិ បានបញ្ជាក់អំពីគោលជំហរនិងស្រាយនូវមន្ទិលរបស់មហាជនចំពោះការសម្រេចចិត្តចាក់ចេញពីផលិតកម្មហង្សមាសហក់ចូលមករួមរស់ជាមួយគ្រួសារGalaxy navatraថាការចាកចេញនេះគឺជាជម្រើសដ៏ល្អប្រសើរមួយរបស់លោក ដោយគ្មានការបង្ខិតបង្ខំឬមានបញ្ហាទំនាស់អាក់អន់ស្រពន់ចិត្តជាមួយទ្រនំចាស់ហង្សមាសនោះឡើយ គឺធ្វើឡើងដោយពេញចិត្ត។
ដោយឡែកងាកមកតារាចម្រៀងសំនៀងមនោសញ្ចេតនា ដួង វីរៈសិទ្ធ កាលពីថ្ងៃម្សិលមិញក៏បានធ្វើឲ្យអ្នកគាំទ្រភ្ញាក់ផ្អើលហើយស្រឡាំងកាំងផងដែរ ខណៈដែលតារាប្រុសរូបនេះបានបង្ហាញខ្លួននៅក្នុងកម្មវិធីសម្ពោធផលិតកម្ម រាម។ ការបង្ហាញខ្លួនរបស់លោក ដួង វីរៈសិទ្ធ នេះមិនមែនត្រឹមជាតារាចម្រៀងកិត្តិយសនោះទេ គឺលោកបានប្រកាសកុងត្រាផ្លូវការនិងពេញសិទ្ធិនៅក្នុងផលិតកម្ម រាម ទៀតផង។
ឆ្លើយទៅនឹងសំណួរអ្នកគាំទ្រលោកដួង វីរៈសិ ទ្ធ បានបញ្ជាក់ពីមូលហេតុនៃការឈានជើងចូលផលិតកម្មរាមនេះថា ដោយសារលោកចង់ផ្លាស់ប្ដូរបទពិសោធន៍ក្នុងអាជីពជាអ្នកសិល្បៈហើយក៏ដោយសារផលិតកម្ម រាម មានឆន្ទៈក្នុងការលើកស្ទូយវិស័យសិល្បៈ។
លោកបន្ថែមថា ការចូលមកផលិតកម្មរាមនេះ តាមរយៈការចុះកុងត្រារយៈពេលខ្លីក្នុងនាមជាតារាចម្រៀងប្រចាំផលិតកម្មនេះផង ហើយក៏ជាអ្នកនិពន្ធបទភ្លេងផងដែរ។
ចំពោះវត្តមាននៃការចាកចេញរបស់តារាចម្រៀងរៀមច្បង ព្រាប សុវត្ថិ និង ដួង វីរៈសិទ្ធ នេះហើយទើបធ្វើឲ្យមហាជនមើលឃើញថា ហង្សមាសដែលជាផលិតកម្មល្បីឈ្មោះនិងមានចរិតចាស់ទុំមិនដល់មួយឆ្នាំផងក៏ត្រូវរបូតចេញតារាគ្រាប់ពូជ២រូបទៅហើយ ចុះនៅថ្ងៃខាងមុខនិងមានតារាណាទៀតទេដែលត្រូវចាកចេញបន្ត។ នេះជាសំណួរអ្នកគាំទ្រ៕
ដោយ ៖ ចាន់រ៉ា
-
ជីវិតកម្សាន្ដ៧ ថ្ងៃ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
ចរាចរណ៍៣ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ព័ត៌មានអន្ដរជាតិ៦ ថ្ងៃ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ១៥ ម៉ោង ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
ព័ត៌មានអន្ដរជាតិ៥ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៥ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស
-
ព័ត៌មានអន្ដរជាតិ៥ ថ្ងៃ ago
តើទីក្រុងណា ស្ទះចរាចរណ៍ខ្លាំងជាងគេ នៅអាស៊ីអាគ្នេយ៍?
-
ព័ត៌មានជាតិ៤ ថ្ងៃ ago
ព្រឹកនេះ នាវា Westerdam ចូលចតនៅកំពង់ផែក្រុងព្រះសីហនុ ជាថ្មីម្ដងទៀត