សាយ ប្រកាសសកម្មភាពបំផុសស្មារតីមហាជនខ្មែរឱ្យថែរក្សា និងស្រលាញ់វប្បធម៌ជាតិ
Connect with us
Helistar Cambodia - Helicopter Charter Services

ជីវិតកម្សាន្ដ

សាយ ប្រកាសសកម្មភាពបំផុសស្មារតីមហាជនខ្មែរឱ្យថែរក្សា និងស្រលាញ់វប្បធម៌ជាតិ

Published

on

ភ្នំពេញ៖ បន្ទាប់ជោគជ័យនៃសកម្មភាពស្ម័គ្រចិត្តរត់ជុំវិញប្រទេសកម្ពុជាដើម្បីរៃអង្គាសថវិកាសម្រាប់ជួយដល់មន្ទីរពេទ្យកុមារអង្គរ ថ្មីៗនេ តារាចម្រៀង Original song លោក អួន បឋម ហៅ សាយ បានបង្ហាញឆន្ទៈចូលរួមបន្តបំផុសស្មារតីដល់យុវជនខ្មែរទូទាំងប្រទេសឱ្យចេះស្រលាញ់វប្បធម៌ជាតិ បេតិកភណ្ឌជាតិ និងថែរក្សាវប្បធម៌ជាតិទាំងអស់គ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាយ បានបង្ហាញទស្សនៈរបស់ខ្លួនដោយបំផុសដូច្នេះថា៖ “ការស្រលាញ់វប្បធម៌ មិនមែនស្រលាញ់គ្រាន់តែនិយាយឱ្យរួចពីមាត់នោះទេ ការរក្សាវប្បធម៌ក៏មិនមែនគ្រាន់តែរក្សានៅតែក្នុងចិត្តនោះដែរ គឺត្រូវបង្ហាញការគោរព ការស្រលាញ់ ដោយការអនុវត្ត ការបង្ហាញការចូលរួមគាំទ្រ ការលើកតម្កើងវប្បធម៌ជាតិរបស់ខ្លួន ការជួយផ្សព្វផ្សាយ និងការថែរក្សានូវវប្បធម៌ជាតិ ឱ្យបានគង់វង្សស្គាល់ដល់យុវជនជំនាន់ក្រោយដោយមោទកភាព”។

លោក អួន បឋម ហៅ សាយ បានបញ្ជាក់បន្ថែមថា៖ “ខ្ញុំបាទ សាយ សូមលើកទឹកចិត្តដល់ប្រជាពលរដ្ឋខ្មែរគ្រប់រូបឱ្យស្រលាញ់វប្បធម៌ជាតិ បេតិកភណ្ឌជាតិ និងចូលរួមថែរក្សាវប្បធម៌ជាតិទាំងអស់គ្នា។ វប្បធម៌រលំជាតិរលាយ វប្បធម៌ពណ្ណរាយជាតិថ្កើងថ្កាន, រត់ជាមួយសាយ , រត់ដើម្បីទិវាវប្បធម៌ជាតិ, ព្រឹត្តិការណ៍សម្តែងល្ខោនខោលដ៏អស្ចារ្យ ឆាប់ៗនេះ។

ការប្រកាសឆន្ទៈរបស់ សាយ ​នេះបាននឹងកំពុងទទួលបានការចាប់អារម្មណ៍ហើយគាំទ្រពីសំណាក់មហាជនគ្រប់មជ្ឈដ្ឋានស្របពេលដែលមានការលើកឡើងថា សាយ គឺជាបុគ្គលគំរូល្អសម្រាប់សង្គមជាតិដែលយុវជនឯទៀតគួរយកតម្រាប់តាម និងត្រូវចូលរួមទាំងអស់គ្នាក្នុងការថែរក្សាវប្បធម៌ជាតិ។

មហាជនជាច្រើនបានសម្តែងការគាំទ្រហើយលើកឡើងថា នេះគឺជាការបំផុសស្មារតីដល់យុវជនខ្មែរដើម្បីចូលរួមលើកតម្កើងវប្បធម៌ជាតិរបស់ខ្លួនក្នុងការជួយផ្សព្វផ្សាយ និងការថែរក្សានូវវប្បធម៌ជាតិឱ្យបានគង់វង្ស។ ម្យ៉ាងទៀតគោលបំណងរបស់ សាយ ពេលនេះបានកាន់តែធ្វើឱ្យពិភពលោកយល់កាន់តែច្បាស់អំពីតម្លៃដ៏ថ្កើនថ្កានវប្បធម៌ជាតិខ្មែរយ៉ាងល្អផូរផង់មួយនេះ។

គួរបញ្ជាក់ថា សាយ បានប្រើពេលប្រមាណជាង៣ខែ រត់ឆ្លងកាត់ប្រមាណ២១ខេត្តក្រុងក្នុងប្រទេសកម្ពុជា បានចម្ងាយជាង ២.៤០៨គីឡូម៉ែត្រ។ ក្នុងយុទ្ធនាការ “រត់ជាមួយសាយ” បានទទួលការបរិច្ចាគជាទឹកប្រាក់ច្រើនលើសពីការរំពឹងទុករបស់តារាចម្រៀងរូបនេះមួយទ្វេជាពីរ ពោលទឹកប្រាក់ដែលលោក សាយ បានប្រគល់ជូនមន្ទីរពេទ្យកុមារអង្គរ សរុបចំនួន ២,០២៥,៦០៩,៧១០រៀល ស្មើរប្រមាណជា ៥០ម៉ឺនដុល្លារអាមេរិក ខណៈការរំពឹងរបស់លោកពេលចាប់ផ្តើមយុទ្ធនាការនេះ ត្រឹម២៥ម៉ឺនដុល្លារតែប៉ុណ្ណោះ។

កាលពីថ្ងៃទី២៦ ខែមករា ឆ្នាំ២០២១នេះ សមាគមអន្តរជាតិ និងសិស្សនិស្សិតដើម្បីសន្តិភាព បានរៀបចំកម្មវិធីប្រគល់ពានរង្វាន់ វីរយុវជន ឆ្នាំ២០២០ទៅឱ្យ សាយ៕

អត្ថបទ៖ ចាន់រ៉ា

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ7 mins ago

លោក គឹម សន្តិភាព ៖ អ្នក​ល្មើស​វិធានការ ហាមឃាត់​ការធ្វើដំណើរ ត្រូវ​ផ្ដន្ទាទោស​ពី ៣​ឆ្នាំ ទៅ​៥​ឆ្នាំ ឬ​ធ្ងន់​ជាង​នេះ

ព័ត៌មានជាតិ49 mins ago

លោកជំទាវ ម៉ែន សំអន ថ្លែងអំណរគុណ លោក ប៉ិច បូឡែន និងលោក ហុង លីម ដែលបានផ្តល់អំណោយក្នុងការចូលរួមប្រយុទ្ធប្រឆាំងនឹងកូវីដ១៩

ព័ត៌មានជាតិ2 hours ago

អតីតយុទ្ធជន​ជាង​៣​ម៉ឺន​៥​ពាន់​នាក់​ ហើយ​ទទួល​បាន​ចាក់​វ៉ាក់សាំង​ការពារ​កូ​វីដ​១៩

ព័ត៌មានជាតិ2 hours ago

អ្នកជំងឺកូវីដ១៩នៅផ្សារអូរឫស្សីបានទៅដើរផ្សារនៅផ្សារម៉ាក្រូសែនសុខ

ព័ត៌មានអន្ដរជាតិ3 hours ago

Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី

Sokha Hotels

ព័ត៌មានពេញនិយម

Helistar Cambodia - Helicopter Charter Services