ជីវិតកម្សាន្ដ

ដោះស្រាយគំនុំចាស់ តារាស្រីម្នាក់ត្រូវគេព្រួតវាយរងរបួសធ្ងន់

បានផុស

៣ years មុន

នៅ

ថ្ងៃសៅរ៍ ២៧ កុម្ភៈ ២០២១

ដោយ

តារាចម្រៀងស្រីវ័យក្មេងម្នាក់ឈ្មោះ កង ឧស្សា បានរងនូវអំពើហិង្សាត្រូវមនុស្សមួយក្រុមមានប្រុស មានស្រីបានព្រួតគ្នាវាយបណ្តាលឲ្យរងរបួសធ្ងន់បែកឈាមពេញផ្ទៃមុខនិងភ្នែកម្ខាង។

ប្រភពពីមិត្តភក្តិសិល្បៈស្និទ្ធស្នាលបានបញ្ជាក់ថា ហេតុការណ៍ផ្ទុះអំពើហិង្សានេះបានកើតឡើងស្ថិត នៅភោជនីយដ្ឋានមួយកន្លែងនាទឹកដីខេត្តកំពង់ស្ពឺកាលពីវេលាម៉ោងប្រមាណជាង១០យប់ថ្ងៃទី២៤ ខែកុម្ភៈឆ្នាំ២០២១ ខណៈដែលបច្ចុប្បន្នជនកំពុងដេកសម្រាកព្យាបាលដោយសង្វេគបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកបើតាមការឲ្យដឹងពីសាមីខ្លួនបានរៀបរាប់ថា នៅយប់ថ្ងៃកើតហេតុនាងនិងប្អូនស្រីរួមទាំងមិត្តភក្តិ២នាក់ផ្សេងទៀតបាននាំគ្នាចូលទៅញ៉ាំអាហារនៅហាងខាងលើដែលមានទីតាំងម្តុំផ្សារាត្រីខេត្តកំពង់ស្ពឺ លុះចូលទៅដល់ក៏មានក្រុមជនសង្ស័យខាងលើមានគ្នា៥ទៅ៦នាក់ កំពុងអង្គុយនៅទីនោះដែរ។

នាងបន្តថា ចំណោមក្រុមនោះគឺមាននារីម្នាក់ធ្លាប់មានជម្លោះជាមួយប្អូនស្រីខ្លួន ទើបក្រោយមកទៀតក៏កើតមានការផ្លែផ្កាពាក្យសម្តី រហូតឈានដល់ការបោកកែវតែម្តង។

តារាស្រីរូបនេះបន្តថា បន្ទាប់មកក្រុមបង្កខាងលើដែលមានស្រី មានប្រុសបាននាំគ្នាមកព្រួតវាយនាងនិងប្អូនស្រីបណ្តាលឲ្យមានរបួសធ្ងន់បែបនេះ។ ដូច្នេះអ្វីដែលនាងចង់បាននោះគឺយុត្តិធម៌ហើយស្នើឲ្យសុំសមត្ថកិច្ចស្រាវជ្រាវចាប់ជនបង្កមកទទួលខុសត្រូវចំពោះហិង្សានេះ។

ចំណែកមិត្តភ័ក្ដិរួមអាជីពសិល្បៈ ម្នាក់ទៀតបានរៀបរាប់ដែរថា ពិតជាខ្លោចផ្សារចិត្តអាណិតដល់ប្អូនស្រី កង ឧស្សា ខ្លាំងណាស់ណាដែលត្រូវមនុស្សប្រុសស្រីមួយក្រុមព្រួតគ្នាវាយតបនាងយ៉ាងដំណំ។ ឥឡូវនាងគ្មានលទ្ធភាពក្នុងការព្យាបាលរបួសដែលកំពុងដេកឈឺក្រហាយស្រែកទ្រហ៊ោរយំនៅផ្ទះ សូមបងប្អូនជួយនាងផង៕

អត្ថបទ ៖ ចាន់រ៉ា