ជីវិតកម្សាន្ដ

កែវ ច័ន្ទនិមល ៖ រឿងមួយចំនួនបើមិនធ្លាប់ឆ្លងកាត់ផ្ទាល់ គ្មានថ្ងៃយល់នោះឡើយ

បានផុស

៣ years មុន

នៅ

ថ្ងៃចន្ទ ១៥ មីនា ២០២១

ដោយ

ពិធីការិនីសម្តីចាក់ទឹកមិនលេចអ្នកនាង កែវ ច័ន្ទនិមល ខណៈដែលពេលនេះនាង និង គ្រួសារកំពុងសម្រាកព្យាបាលជំងឺកូវីដ-១៩នៅមន្ទីរពេទ្យ នាងបានបង្ហាញអារម្មណ៍ពិតនៃបទពិសោធន៍ផ្ទាល់ខ្លួនជាមួយការថ្លែងសារអរគុណក្រុមគ្រូពេទ្យផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង កែវ ច័ន្ទនិមល បានលើកឡើងថា រឿងមួយចំនួនបើយើងមិនធ្លាប់ឆ្លងកាត់ផ្ទាល់ យើងគ្មានថ្ងៃយល់នោះឡើយ អ្នកណាមិនខ្លាចបែកពីគ្រួសារ? អ្នកណាមិនខ្លាចឈឺ? អ្នកណាមិនខ្លាចស្លាប់?។ មិនត្រឹមតែមិនគេចវេះហើយថែមទាំងស្ម័គ្រចិត្តជួយដោយមិនខ្លាចនឿយហត់មិនខ្លាចលំបាកទៀត ពីមុនខ្ញុំក៏មិនដែលគិតថា នឹងធ្វើឲ្យពួកគាត់ពិបាកដែរ។

ពិធីការិនីរូបនេះបន្តទៀតថា តែពេលនេះខ្ញុំក៏ក្លាយ ជាបន្ទុក១ក្នុងចំនោមបន្ទុកជាច្រើនដែលក្រុមគ្រូពេទ្យកំពុងរ៉ាប់រងខ្ញុំ។ សូមអរគុណដល់ក្រុមគ្រូពេទ្យស្ម័គ្រចិត្តសម្តេចតេជោ (TYDA)ទាំងអស់សម្រាប់ការលះបង់ដ៏ធំធេងមួយនេះ។ អរគុណគ្រប់យ៉ាងរហូតមកដល់ពេលនេះ សម្តេចទាំងពីរ ទាំងថ្នាក់ ដឹកនាំទាំងក្រុមការងារ ទាំងក្រុមគ្រូពេទ្យពិតជាហត់នឿយប៉ុន្តែលោកនៅតែមិនបោះបង់យើងខ្ញុំ។

សូមជ្រាបដែរថាអ្នកនាង កែវ ច័ន្ទនិមល និងគ្រួសារក្រោយទទួលបានការព្យាបាលពីសំណាក់ក្រុមគ្រូពេទ្យច្រើនថ្ងៃមកនោះ គឺស្ថានភាពជំងឺរបស់នាងកាន់តែមានភាពប្រសើរច្រើន ខណៈពេលនេះនាងនិងក្រុមគ្រួសារកំពុងបន្តការព្យាបាលហើយតាមដានជំងឺផងនោះ៕

អត្ថបទ៖ ចាន់រ៉ា

សូមចុចអាន៖ អតីតគូស្នេហ៍ ដេននី ក្វាន់ ,លោក ចាន់ មករា ឆ្លងកូវីដ-១៩