ជីវិតកម្សាន្ដ

ហួសចិត្ត ! ណុប បាយ៉ារិទ្ធ កំពុងជួបទុក្ខហើយបែរជួបរឿងបែបនេះទៀត

បានផុស

៣ years មុន

នៅ

ថ្ងៃអាទិត្យ ២១ មីនា ២០២១

ដោយ

ភ្នំពេញ ៖ តារាចម្រៀងទ្រនំហង្សមាស ខណៈពេលនេះកំពុងជួបទុក្ខដោយត្រូវសម្រាកព្យាបាលជំងឺកូវីដ-១៩ នៅមន្ទីរពេទ្យក៏ស្រាប់តែជួបរឿងដ៏គួរហួសចិត្តខ្លាំង បន្ទាប់ពីត្រូវបានជនអនាមិកមកលួចបង្កើតផេកក្លែងបន្លំដើម្បីផលប្រយោជន៍ផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ណុប បាយ៉ារិទ្ធបានថ្លែងសារអំពាវនាវដល់មហាជនថាខ្ញុំបាទ ណុប បាយ៉ារិទ្ធ (Nop Bayya reth) សូមជម្រាបថាទាំងអស់នេះគឺសុទ្ធសឹងតែជាអាខោននិងផេកក្លែងក្លាយក្លែងបន្លំជារូបខ្ញុំបាទទាំងអស់ មិនមែនជាអាខោនឬផេកពិតរបស់ខ្ញុំបាទឡើយ។

លោកបន្តថា អរគុណម្ចាស់ផេកនិងអាខោន ដែលមានទឹកចិត្តស្រលាញ់ចូលចិត្តរូបខ្ញុំបាទខ្ញុំពិតជាអរគុណណាស់តែសូមកុំយកការស្រលាញ់ចូលចិត្តរបស់បងប្អូនមកក្លែងបន្លំដូច្នេះ។ ខ្ញុំមិនមានចិត្តចង្អៀតចង្អល់ទេតែខ្ញុំមិនចង់ឃើញបញ្ហាណាមួយដែលកើតឡើងនៅថ្ងៃមុខទៅលើអាខោនឬផេកក្លែងក្លាយដែលមានឈ្មោះខ្ញុំ តែមិនមែនជាខ្ញុំបានបង្កបញ្ហាណាមួយដែលកើតឡើងជាយថាហេតុមិនអាចដឹងទុកមុន។

លោក ណុប បាយ៉ារិទ្ធបន្ថែមទៀតថា សង្ឃឹមបងប្អូនដែលក្លែងបន្លំជាខ្ញុំនឹងយល់បើបងប្អូនស្រលាញ់ចូលចិត្តមែន សូមប្រើឈ្មោះថាfans ឬfans ផេក ហើយបើស្រលាញ់ពិតមិនចាំបាច់បងប្អូនទាល់តែក្លែងបន្លំជាខ្ញុំបាទទេ សូមសម្តែងនូវភាពស្មោះត្រង់ ត្រង់ៗតែម្តងទៅជៀសវាងការភូតកុហក សង្ឃឹមថាយល់៕

ដោយ ៖ ចាន់រ៉ា