ជីវិតកម្សាន្ដ

អបអរសាទរ! អ្នកដឹកនាំហង្សមាសម្នាក់ទៀតហើយ បានជាសះស្បើយពីកូវីដ តែបន្តធ្វើចត្តាឡីស័ក១៤ថ្ងៃ

បានផុស

៣ years មុន

នៅ

ថ្ងៃពុធ ៣១ មីនា ២០២១

ដោយ

លោក អ៊ីកូ វ៉ាក់សុងហៅ ប៉ ដែលជាអ្នកដឹកនាំសម្តែងនៅហង្សមាស បន្ទាប់ពីសម្រាកព្យាបាលជំងឺកូវីដ-១៩ច្រើនថ្ងៃមកនោះ ពេលនេះបានជាសះស្បើយហើយតែបន្តធ្វើចត្តាឡីស័ក១៤ថ្ងៃទៀតនៅផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ បានបញ្ជាក់មុននេះបន្តិចថា ជម្រាបសូរពុកម៉ែបងប្អូនមិត្តភក្តិទាំងអស់ជាទីនឹករលឹកថ្ងៃនេះគ្រូ ពេទ្យបានអនុញ្ញាតឲ្យខ្ញុំបាទបានត្រលប់មកផ្ទះវិញហើយដោយធ្វើចត្តាឡីស័ក្ក១៤ថ្ងៃនៅឯផ្ទះ។ អរគុណលោកគ្រូពេទ្យនឹងអ្នកគ្រូពេទ្យនៅមណ្ឌលសុខភាពចាក់អង្រែក្រោមដែលបានយកចិត្តទុកដាក់មើលថែទាំខ្ញុំរហូតដល់ជាសះស្បើយពីជំងឺ Covid-19នេះ។

អរគុណមិត្តភក្តិទាំងអស់ ដែលបានខលនិងឆាតសួរសុខទុក្ខផ្តល់កម្លាំងចិត្តរហូតមកនិងសូមអភ័យទោសអ្នកទាំងអស់គ្នា ដែលមិនបានឆ្លើយតបអស់ព្រោះមានចំនួនច្រើនពេក។ អរគុណខ្លាំងមែនទែននូវការបារម្ភសប្បាយចិត្តដូចកើតឡើងវិញ។ ជាចុងក្រោយសូមពុកម៉ែបងប្អូនមិត្តទាំងអស់រក្សាអនាម័យការពារឲ្យបានខ្ជាប់ ៣កុំ ៣ការពារជៀសឆ្ងាយពីជំងឺកូវីដ-១៩ទាំងអស់គ្នា៕

អត្ថបទ៖ ចាន់រ៉ា

សូមចុចអាន៖ ដោយមានការយល់ច្រឡំ សុខ សីឡាលីន បញ្ជាក់ថា ខ្លួនស្ថិតនៅក្នុងការយកសំណាកទៅពិនិត្យមិនទាន់ដឹងលទ្ធផលទេ