ព័ត៌មានអន្ដរជាតិ
កូរ៉េខាងជើង បញ្ចប់ការសាងសង់នាវាមុជទឹកថ្មីទម្ងន់ ៣ ពាន់តោន និងសមត្ថភាពផ្ទុកមីស៊ីលផ្លោង ៣ គ្រាប់
ប្រព័ន្ធផ្សព្វផ្សាយកូរ៉េខាងត្បូងបាននិយាយថា កូរ៉េខាងជើងទំនងជាបានបញ្ចប់ការសាងសង់នាវាមុជទឹកថ្មីទម្ងន់ ៣,០០០ តោនដែលអាចផ្ទុកគ្រាប់មីស៊ីលផ្លោង Ballistic បាញ់ចេញពីនាវាមុជទឹក ឬហៅថា SLBMs ។
ដកស្រង់សម្ដីមន្ត្រីរដ្ឋាភិបាលកូរ៉េខាងត្បូង ទីភ្នាក់ងារសារព័ត៌មាន យ៉ុនហាប់ បានរាយការណ៍ថា កូរ៉េខាងជើងបានសាងសង់នាវាមុជទឹកនេះរួចហើយ នៅឯកន្លែងផលិតនាវាមួយនៅភាគខាងកើតនៃទីក្រុង Sinpo ហើយកំពុងរង់ចាំពេលវេលាត្រឹមត្រូវដើម្បីដំណើរការវា ។
នាវាមុជទឹកនេះត្រូវបានគេជឿថាមានទទឹង ៧ ម៉ែត្រ បណ្តោយ ៨០ ម៉ែត្រ និងមានសមត្ថភាពដឹកគ្រាប់ SLBM ចំនួន ៣ គ្រាប់ ។
មន្ត្រីទាំងនោះក៏បាននិយាយដែរថា ប្រទេសកូរ៉េខាងជើងកំពុងពិនិត្យឡើងវិញនូវពេលវេលាដ៏ត្រឹមត្រូវដើម្បីប្រើប្រាស់នាវាមុជទឹកនេះឲ្យមានប្រសិទ្ធិភាពជាយុទ្ធសាស្ត្រ រួមទាំងការដាក់សម្ពាធជាអតិបរិមាប្រឆាំងនឹងសហរដ្ឋអាមេរិក ។
ប្រភពដដែលបានបន្ថែមទៀតថា កូរ៉េខាងជើងអាចនឹងបើកដំណើរការ SLBM នាពេលឆាប់ៗខាងមុខនេះ ។
ទន្ទឹមនោះមន្រ្តីក្រសួងការពារជាតិកូរ៉េខាងត្បូងបានប្រាប់អ្នកយកព័ត៌មាននៅថ្ងៃចន្ទនេះថា ពួកគេក៏កំពុងឃ្លាំមើលស្ថានការណ៍យ៉ាងជិតស្និទ្ធជាមួយសមភាគីអាមេរិករបស់ពួកគេលើស្ថានភាពនៅកូរ៉េខាងជើង ។
ពួកគេបាននិយាយថា កូរ៉េខាងត្បូង និងអាមេរិកកំពុងធ្វើការរៀបចំ ដោយផ្អែកលើសេណារីយ៉ូដែលអាចកើតមានទាំងនោះ ។
បន្ថែមពីនេះប្រព័ន្ធផ្សព្វផ្សាយរដ្ឋកូរ៉េខាងជើងបានរាយការណ៍ថា មេដឹកនាំប្រទេសលោក គីម ជុងអ៊ុន បានត្រួតពិនិត្យនាវាមុជទឹកដែលទើបសាងសង់ថ្មីមួយនៅក្នុងខែកក្កដា ឆ្នាំ ២០១៩ ខណៈរបាយការណ៍បាននិយាយថា នាវាមុជទឹកនេះនឹងត្រូវដាក់ពង្រាយនៅសមុទ្រជប៉ុន ។
គួរបញ្ជាក់ថា របាយការណ៍ជាច្រើនបានលើកឡើងបែបនេះ បន្ទាប់ពីទីក្រុងព្យុងយ៉ាងបានធ្វើព្យុហយាត្រាយោធាមួយនៅក្នុងខែមករា ដែលរួមមានទាំងគ្រាប់ SLBM ប្រភេទថ្មីនេះជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ កូរ៉េខាងជើង ព្រមានបាញ់មីស៊ីលបន្ថែម មុនកិច្ចប្រជុំក្រុមប្រឹក្សាសន្តិសុខ UN
ចុចអាន ៖ អាវុធនុយក្លេអ៊ែរយុទ្ធសាស្ត្ររបស់ កូរ៉េខាងជើង កំពុងធ្វើឲ្យពិភពលោកញញើត និងហានិភ័យ
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ