ព័ត៌មានអន្ដរជាតិ
នោះ! ផ្ទុះភ្នំភ្លើងលើកោះមួយ នាយករដ្ឋមន្រ្តីចេញបញ្ជា ឲ្យជម្លៀសតែអ្នក ចាក់វ៉ាក់សាំងកូវីដរួចហើយប៉ុណ្ណោះ
ប្រជាជនដែលកំពុងស្វែងរកទីទួលសុវត្ថិភាព បន្ទាប់ពីការផ្ទុះភ្នំភ្លើងនៅលើកោះការ៉ាប៊ីនមួយ ត្រូវបានគេប្រាប់ថា ពួកគេអាចត្រូវបានជម្លៀសទៅកាន់នាវាទេសចរណ៍ប្រសិនបើពួកគេ ជាអ្នកដែលចាក់វ៉ាក់សាំងកូវីដរួច។
មនុស្សជាង១៦,០០០នាក់នៅលើកោះ St Vincent ត្រូវបានបង្ខំឲ្យចាកចេញពីផ្ទះសម្បែងរបស់ពួកគេ បន្ទាប់ពីភ្នំភ្លើង La Soufrière បានផ្ទុះឡើងជាលើកដំបូងក្នុងរយៈពេល ៤២ឆ្នាំ។
ដំបូងឡើយ ភ្នំភ្លើងនេះ បានចាប់ផ្តើមបាញ់ផ្សែងនិងផេះចូលទៅក្នុងអាកាស កាលពីព្រឹកថ្ងៃសុក្រ។
កាសែត The Sun បានរាយការណ៍ថា តំបន់ភាគច្រើននៃកោះនេះ ត្រូវបានគ្របដណ្ដប់ទៅដោយផេះភ្នំភ្លើង ហើយគ្មានអគ្គិសនីឬទឹកស្អាតប្រើប្រាស់ទេ ដូច្នេះប្រជាជនកំពុងត្រូវបានគេជម្លៀសទៅកាន់នាវាកម្សាន្តនិងតំបន់ដែលមានសុវត្ថិភាពជាងនេះ។
ប៉ុន្តែ ថ្លែងនៅក្នុងសន្និសីទសារព័ត៌មានកាលពីថ្ងៃសុក្រ នាយករដ្ឋមន្រ្តីកោះ St Vincent លោក Ralph Gonsalves បាននិយាយថា មានតែអ្នកដែលត្រូវបានចាក់វ៉ាក់សាំងកូវីដរួចហើយប៉ុណ្ណោះ ដែលនឹងត្រូវបានអនុញ្ញាតឲ្យចូលទៅក្នុងនាវា។
លោកបាននិយាយថា “ប្រធានផ្នែកវេជ្ជសាស្ត្រ នឹងកំណត់អត្តសញ្ញាណមនុស្សដែលបានចាក់វ៉ាក់សាំងរួចហើយ ដូច្នេះយើងអាចទទួលពួកគេនៅលើនាវាបាន”។
លោក Gonsalves បានឲ្យដឹងថា មនុស្សរាប់ពាន់នាក់ដែលមិនចាក់វ៉ាក់សាំង នឹងស្ថិតនៅលើដីគោក ហើយពួកគេភាគច្រើនកំពុងស្នាក់នៅតាមសណ្ឋាគារឬជម្រក នៅក្នុងតំបន់សុវត្ថិភាព។
គួរបញ្ជាក់ថា ការផ្ទុះលើកចុងក្រោយបំផុតរបស់ភ្នំភ្លើង La Soufrière នៅលើកោះ St Vincent និង Grenadines គឺកាលពីឆ្នាំ១៩៧៩ ហើយវាបានបង្កការខូចខាតគិតជាទឹកប្រាក់ប្រមាណ១០០លានដុល្លារអាមេរិក៕
ប្រែសម្រួលដោយ៖ Vann Vann
ប្រភព៖ Daily Star
ចុចអាន៖ ភ្នំភ្លើងផ្ទុះឡើងក្បែររដ្ឋធានីរបស់ អ៊ីស្លង់ ក្រោយរញ្ជួយដីជាង៥ម៉ឺនដង ក្នុងរយៈពេលបីសប្តាហ៍
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ