ព័ត៌មានអន្ដរជាតិ
Breaking News! លោកស្រី អ៊ុងសាន ស៊ូជី រងការចោទប្រកាន់បទឧក្រិដ្ឋថ្មីមួយទៀត សរុបឡើងដល់ ៦ ករណី
មេធាវីរបស់លោកស្រី អ៊ុងសាន ស៊ូជី បាននិយាយថា មេដឹកនាំស៊ីវិលដែលត្រូវបានបណ្តេញចេញពីតំណែងរបស់ប្រទេសមីយ៉ាន់ម៉ារូបនេះត្រូវបានរងការចោទប្រកាន់ពីបទឧក្រិដ្ឋថ្មីមួយទៀតនៅថ្ងៃចន្ទ ទី១២ ខែមេសា នេះ ។
លោក Min Min Soe បានប្រាប់ AFP ថា “លោកស្រីត្រូវបានចោទប្រកាន់ករណីទី ៦ រួមទាំងការចោទប្រកាន់ ៥ ករណីកាលពីពេលកន្លងមកនៅទីក្រុងណៃពិដោ និងមួយករណីនៅទីក្រុងយ៉ាំងហ្គោន ។ ការចោទប្រកាន់ចុងក្រោយនេះគឺស្ថិតនៅក្រោមច្បាប់គ្រប់គ្រងគ្រោះមហន្តរាយធម្មជាតិរបស់ប្រទេស” ។
លោក Min Min Soe បាននិយាយថា លោកស្រី អ៊ុងសាន ស៊ូជី បានស្នើទៅតុលាការនៅថ្ងៃចន្ទនេះដើម្បីអនុញ្ញាតឲ្យជួបមេធាវីរបស់លោកស្រីដោយផ្ទាល់ នៅពេលដែលលោកស្រីប្រឈមមុខនឹងការចោទប្រកាន់ដែលបានប្តឹងនាពេលកន្លងមក ចាប់តាំងពីលោកស្រីត្រូវបានផ្តួលរំលំនៅក្នុងរដ្ឋប្រហារថ្ងៃទី ១ ខែកុម្ភៈ ។
លោក Min Min Soe បានបន្តថា លោកស្រី អ៊ុងសាន ស៊ូជី ដែលកំពុងជាប់ឃុំឃាំងក្នុងផ្ទះនៅក្នុងទីក្រុងណៃពិដោ ហាក់ដូចជាមានសុខភាពល្អ ប៉ុន្តែវាមិនច្បាស់ទេថា តើលោកស្រីមានគំនិតណាមួយអំពីភាពវឹកវរដែលបានកើតឡើងនៅក្នុងប្រទេសមីយ៉ាន់ម៉ាក្នុងរយៈពេលពីរខែកន្លងមកនេះ ។
ការចោទប្រកាន់មួយផ្សេងទៀតដែលលោកស្រីប្រឈមមុខគឺការរំលោភលើការសម្ងាត់ផ្លូវការនៃសម័យអាណានិគម ។ ការផ្តន្ទាទោសអាចមានទោសជាប់ពន្ធនាគាររហូតដល់ ១៤ ឆ្នាំ ។
គួរបញ្ជាក់ថា ករណីផ្សេងទៀតដែលលោកស្រីត្រូវបានចោទប្រកាន់រួមមានពីបទរំលោភលើពិធីសារការពារជំងឺកូវីដ ១៩ នាំចេញ នាំចូលវិទ្យុទំនាក់ទំនង (អាយកូម) ដោយខុសច្បាប់ និងត្រូវបានក្រុមប្រឹក្សាយោធាដែលកំពុងកាន់អំណាចចោទប្រកាន់ពីបទអំពើពុករលួយ និងទទួលសំណូកជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ឡើងតុលាការម្សិលមិញរួច លោកស្រី អ៊ុងសាន ស៊ូជី រងការចោទប្រកាន់ករណីទី ៥
ចុចអាន ៖ មេធាវីបញ្ជាក់ពីស្ថានភាព និងទីតាំងរបស់លោកស្រី អ៊ុងសាន ស៊ូជី ខណៈឡើងតុលាការថ្ងៃនេះ
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ