ព័ត៌មានអន្ដរជាតិ

ស្លាប់មនុស្ស៣០នាក់នៅក្នុងការប៉ះទង្គិចគ្នាក្បែរព្រំដែនអាហ្វហ្គានីស្ថាន

បានផុស

៧ ខែ មុន

នៅ

ថ្ងៃចន្ទ ២៧ តុលា ២០២៥

ដោយ

Chheang

យោធាប៉ាគីស្ថានបានប្រកាសនៅក្នុងសេចក្តីថ្លែងការណ៍មួយកាលពីថ្ងៃអាទិត្យទី២៦ខែតុលាឆ្នាំ២០២៥ថា យ៉ាងហោចណាស់ទាហានប៉ាគីស្ថានចំនួន៥នាក់ និងក្រុមសកម្មប្រយុទ្ធ២៥នាក់ត្រូវបានសម្លាប់ ក្នុងអំឡុងពេលការប៉ះទង្គិចគ្នាយ៉ាងធ្ងន់ធ្ងរនៅក្នុងខេត្ត Khyber Pakhtunkhwa ភាគពាយ័ព្យនៃប្រទេសប៉ាគីស្ថាន ជិតព្រំដែនជាមួយអាហ្វហ្គានីស្ថាន។

ព្រំដែនប៉ាគីស្ថាន-អាហ្វហ្គានីស្ថាន (រូបថត៖ Reuters)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីថ្លែងការណ៍ កងកម្លាំងសន្តិសុខបានប្រយុទ្ធជាមួយក្រុមសកម្មប្រយុទ្ធពីរក្រុមធំៗនៅក្នុងស្រុក Waziristan ភាគខាងជើង និងស្រុក Kurram កាលពីថ្ងៃសុក្រ និងថ្ងៃសៅរ៍។

សេចក្តីថ្លែងការណ៍ដដែលបានបន្ថែមថា ក្រុមសកម្មប្រយុទ្ធ១៥នាក់ ក្នុងនោះមានអ្នកបំផ្ទុះគ្រាប់បែកអត្តឃាត៤នាក់ត្រូវបានសម្លាប់នៅស្រុក Waziristan ខណៈដែល១០នាក់ផ្សេងទៀតត្រូវបានសម្លាប់នៅស្រុក Kurram ក្នុងអំឡុងពេលដែលពួកគេប៉ុនប៉ងជ្រៀតចូលព្រំដែន។

ទាហានប៉ាគីស្ថាន៥នាក់ក៏ត្រូវបានសម្លាប់នៅក្នុងការប្រយុទ្ធគ្នានេះដែរ ហើយអាវុធ គ្រាប់រំសេវ និងគ្រឿងផ្ទុះជាច្រើនត្រូវរកឃើញនៅលើសាកសពក្រុមសកម្មប្រយុទ្ធដែលបានស្លាប់។

ការប៉ះទង្គិចគ្នានេះ បានកើតឡើងចំពេលមានការកើនឡើងនៃសកម្មភាពសកម្មប្រយុទ្ធនៅក្នុងតំបន់ព្រំដែនរបស់ប្រទេសប៉ាគីស្ថាន ជាកន្លែងដែលកងកម្លាំងសន្តិសុខបានបង្កើនប្រតិបត្តិការបន្ទាប់ពីការវាយប្រហារជាបន្តបន្ទាប់ទៅលើបុគ្គលិកយោធា និងប៉ូលិស។ ការវាយប្រហារជាច្រើនត្រូវបានអះអាងដោយក្រុម Tehreek-e-Taliban Pakistan (TTP) ដែលបានបង្កើនយុទ្ធនាការរបស់ខ្លួនក្នុងរយៈពេលប៉ុន្មានខែថ្មីៗនេះ៕

ដោយ៖ ឈាង

ប៉ាគីស្ថាន ព្រមានពី «សង្គ្រាមបើកចំហ» ជាមួយអាហ្វហ្គានីស្ថាន ប្រសិនបើការចរចាសន្តិភាពបរាជ័យ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា