ព័ត៌មានអន្ដរជាតិ
ប្រទេសម៉ាឡេស៊ីត្រៀមចាក់វ៉ាក់សាំងចិន Sinovac ដល់ប្រជាជនអាយុចាប់ពី ៦០ ឆ្នាំឡើងទៅ
រដ្ឋមន្រ្តីវិទ្យាសាស្ត្រ បច្ចេកវិទ្យា និងច្នៃប្រឌិតលោក Khairy Jamaluddin បាននិយាយកាលពីថ្ងៃចន្ទថា ប្រជាជនដែលមានអាយុ ៦០ ឆ្នាំឡើងទៅនឹងទទួលការចាក់វ៉ាក់សាំង Sinovac ក្រោមដំណាក់កាលទី ២ នៃយុទ្ធនាការចាក់វ៉ាក់សាំងថ្នាក់ជាតិរបស់ប្រទេសម៉ាឡេស៊ី ដែលចាប់ផ្តើមពីថ្ងៃទី ១៩ ខែមេសា ។
លោក Khairy បាននិយាយថា គណៈកម្មាធិពិសេសធានាការចាក់វ៉ាក់សាំងការពារជំងឺកូវីដ ១៩ បានធ្វើការសម្រេចចិត្តបែបនេះ បន្ទាប់ពីបានពិចារណាលើទិន្នន័យចុងក្រោយពីប្រទេសដទៃទៀត ដែលបង្ហាញថា វ៉ាក់សាំង Sinovac មានសុវត្ថិភាព ប្រសិទ្ធភាព និងល្អប្រសើរសម្រាប់អ្នកដែលមានអាយុ ៦០ ឆ្នាំឡើងទៅ ។
លោក Khairy ក៏បានកត់សម្គាល់ផងដែរថា បណ្តាប្រទេសដែលបានចាប់ផ្តើមចាក់វ៉ាក់សាំង Sinovac ដល់អ្នកដែលមានអាយុ ៦០ ឆ្នាំឡើងទៅរួមមាន ប្រទេសទួរគីដែលមានមនុស្សចាស់ចំនួន ១១ លាននាក់ ។ ប្រទេសប្រេស៊ីល មានអ្នកចាក់ច្រើនជាង ៧ លាននាក់ និងឈីលី ជាង ៣ លាននាក់ ។
លោកបាននិយាយថា ការសាកល្បងព្យាបាល និងឯកសារដែលកំពុងត្រូវបានពិនិត្យឡើងវិញបានបង្ហាញថា ប្រសិទ្ធភាពវ៉ាក់សាំង Sinovac ប្រឆាំងនឹងជំងឺកូវីដ ១៩ គឺ ៨៣.៧ ភាគរយសម្រាប់ករណីមធ្យម និង ១០០ ភាគរយចំពោះករណីធ្ងន់ធ្ងរ ។
លោក Khairy បានបន្ថែមថា រហូតមកដល់ពេលនេះប្រជាជនចំនួន ៨.៥ លាននាក់បានចុះឈ្មោះសម្រាប់ការចាក់វ៉ាក់សាំងកូវីដ ។
គួរបញ្ជាក់ថា គិតត្រឹមពេលនេះប្រទេសម៉ាឡេស៊ីមានករណីឆ្លងជំងឺកូវីដ ១៩ សរុប ៣៦២,១៧៣ ករណី និងមានអ្នកស្លាប់ចំនួន ១,៣៣៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ វ៉ាក់សាំង Sinovac ដែល កម្ពុជា បើកយុទ្ធនាការចាក់ កំពុងបង្កើនសមត្ថភាពផលិតប្រចាំឆ្នាំទ្វេដង
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ