ព័ត៌មានអន្ដរជាតិ
បុគ្គលិក ពេទ្យ រដ្ឋថៃ ១០០ នាក់ឆ្លងកូវីដពីអ្នកជំងឺដែលលាក់ព័ត៌មានទំនាក់ទំនងជាមួយអ្នកឆ្លងផ្សេងទៀត
បុគ្គលិកពេទ្យជាង ១០០ នាក់នៅមន្ទីរពេទ្យរដ្ឋជាច្រើនរបស់ប្រទេសថៃឆ្លងជំងឺកូវីដ ១៩ ហើយត្រូវបានបង្ខំឲ្យធ្វើចត្តាឡីស័ក បន្ទាប់ពីអ្នកជំងឺខកខានមិនបានបង្ហាញថា ពួកគេបានទាក់ទងជាមួយអ្នកឆ្លងជំងឺកូវីដ ១៩ ។
មន្ទីរពេទ្យ Khon Kaen កាលពីថ្ងៃសុក្របានបញ្ជាឲ្យបុគ្គលិកពេទ្យចំនួន ១០៥ នាក់ត្រូវធ្វើចត្តាឡីស័កជាបន្ទាន់ ។
លោកស្រីវេជ្ជបណ្ឌិត Nataya Mills ប្រធានមន្ទីរពេទ្យ Khon Kaen បាននិយាយថា “បុគ្គលិកទាំងនេះបានទាក់ទងជាមួយអ្នកជំងឺកូវីដ ១៩ ដូច្នេះបច្ចុប្បន្នពួកគេត្រូវបានគេព្យាបាលក្នុងនាមជាក្រុមដែលមានហានិភ័យខ្ពស់ ហើយត្រូវការធ្វើចត្តាឡីស័ករយៈពេល ១៤ ថ្ងៃ” ។
ទន្ទឹមនោះមន្ទីរពេទ្យ Bhumibol Adulyadej ដែលមានទីតាំងស្ថិតនៅក្នុងមូលដ្ឋានកងទ័ពអាកាសថៃក្នុងទីក្រុងបាងកកបានប្រកាសថា ខ្លួននឹងឈប់ទទួលករណីជំងឺកូវីដ ១៩ ថ្មីណាមួយចាប់ពីថ្ងៃនេះរហូតដល់ថ្ងៃទី ៣០ ខែមេសា បន្ទាប់ពីបុគ្គលិកពេទ្យបានទាក់ទងជាមួយអ្នកជំងឺកូវីដ ១៩ ។ ទោះយ៉ាងណាមន្ទីរពេទ្យមិនបាននិយាយថា តើមានបុគ្គលិកប៉ុន្មាននាក់កំពុងប្រឈមនឹងគ្រោះថ្នាក់នោះទេ ។
ចំណែកមន្ទីរពេទ្យ Samut Prakan បាននិយាយនៅលើហ្វេសប៊ុកថា វេជ្ជបណ្ឌិត ២ នាក់ គិលានុប្បដ្ឋាយិកា ៩ នាក់ និងបុគ្គលិក ៦ នាក់ផ្សេងទៀតត្រូវបានបង្ខំឲ្យធ្វើចត្តាឡីស័ក បន្ទាប់ពីអ្នកជំងឺមិនបានផ្តល់ព័ត៌មានអំពីការទាក់ទងជាមួយអ្នកជំងឺដែលឆ្លង ។
អ្នកនាំពាក្យម្នាក់បាននិយាយថា ស្ថានភាពនេះបានជះឥទ្ធិពលយ៉ាងធ្ងន់ធ្ងរដល់សេវាកម្មវេជ្ជសាស្រ្ត ហើយបានព្រមានអ្នកជំងឺកុំឲ្យលាក់ព័ត៌មានដែលមានប្រយោជន៍សម្រាប់ការព្យាបាល និងជាការការពារដល់អ្នកដទៃ ។
មន្ទីរពេទ្យក៏បានព្រមានផងដែរថា នឹងចាត់វិធានការតាមផ្លូវច្បាប់ចំពោះអ្នកជំងឺណាម្នាក់ដែលបានបដិសេធមិនផ្តល់ព័ត៌មានលំអិតនៃទំនាក់ទំនងរបស់ពួកគេជាមួយអ្នកឆ្លងមេរោគកូវីដ ១៩ ដែលជាបទល្មើសមួយពិន័យជាទឹកប្រាក់ចំនួន ២ ម៉ឺនបាត ។
បន្ថែមពីនេះនៅខេត្ត Narathiwat មន្ទីរពេទ្យ Naradhiwas Rajanagarindra បានរាយការណ៍ថា បុគ្គលិកពេទ្យចំនួន ៦ នាក់បានឆ្លងជំងឺកូវីដ ១៩ ពីអ្នកជំងឺដែលមិនបានផ្តល់ព័ត៌មានច្បាស់លាស់អំពីទំនាក់ទំនងពីមុនរបស់ពួកគេ ហើយបច្ចុប្បន្នពួកគេកំពុងត្រូវបានធ្វើចត្តាឡីស័កផងដែរ ។
រីឯនៅខេត្ត Ratchaburi មន្ទីរពេទ្យ Photharam ក៏បានធ្វើការសម្អាតយ៉ាងហ្មត់ចត់ និងបានប្រកាសបិទជាបន្ទាន់នូវផ្នែកសង្គ្រោះបន្ទាន់របស់ខ្លួនដោយគ្មានកំណត់ បន្ទាប់ពីរកឃើញថា បុគ្គលិកពេទ្យចំនួន ៦ នាក់បានឆ្លងជំងឺកូវីដ ១៩ ។
គួរបញ្ជាក់ថា គិតត្រឹមពេលនេះប្រទេសថៃមានករណីឆ្លងជំងឺកូវីដ ១៩ សរុប ៣៩,០៣៨ ករណី និងមានអ្នកស្លាប់ចំនួន ៩៧ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Bangkok Post
ចុចអាន ៖ ឆ្លងច្រើនពេក! ថៃ រឹតត្បិតក្រុងបាងកក និងបិទខេត្តចំនួន ៤០ រយៈពេល ២ សប្ដាហ៍រហូតដល់ចប់ចូលឆ្នាំ
ចុចអាន ៖ ថ្លៃចំណាយព្យាបាលអ្នកជំងឺកូវីដ ក្នុងម្នាក់ នៅថៃក៏មិនធម្មតា
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore