៣ ថ្ងៃជាប់គ្នាហើយ! ថៃ នៅតែរកឃើញអ្នកឆ្លងកូវីដថ្មីជាង ១,៥០០ ករណី និងស្លាប់ ២ នាក់
Connect with us
Helistar Cambodia - Helicopter Charter Services

ព័ត៌មានអន្ដរជាតិ

៣ ថ្ងៃជាប់គ្នាហើយ! ថៃ នៅតែរកឃើញអ្នកឆ្លងកូវីដថ្មីជាង ១,៥០០ ករណី និងស្លាប់ ២ នាក់

បានផុស

នៅ

មជ្ឈមណ្ឌលគ្រប់គ្រងស្ថានភាពជំងឺកូវីដ ១៩ ថៃ (CCSA) នៅថ្ងៃសៅរ៍នេះបានរាយការណ៍ពី ករណីឆ្លងថ្មីនៃជំងឺកូវីដ ១៩ ចំនួន ១,៥៤៧ ករណី និងមានអ្នកស្លាប់ចំនួន ២ នាក់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកស្លាប់ទាំងពីរនាក់នោះរួមមានអ្នកសរសេរកម្មវិធីកុំព្យូទ័រអាយុ ៣៨ ឆ្នាំនៅខេត្ត Tak និងបុគ្គលិកការិយាល័យម្នាក់អាយុ ៥១ ឆ្នាំនៅខេត្ត Pathum Thani ។

យោងតាមរបាយការណ៍បានឲ្យដឹងថា អ្នកជំងឺដែលមកពីខេត្ត Tak បានទៅលេងក្លឹប Krystal ដែលជាប្រភពនៃការឆ្លងជាចង្កោមនៅតំបន់ Thong Lor របស់ទីក្រុងបាងកកកាលពីថ្ងៃទី ១៩ ខែមីនា ។

លោក Ramet Wongvilairat អនុប្រធានការិយាល័យសុខភាពសាធារណៈបាននិយាយថា បុរសនោះបានស្លាប់កាលពីថ្ងៃសុក្រនៅមន្ទីរពេទ្យ Somdej Phrachao Taksin Maharat ក្នុងស្រុក Muang នៃខេត្ត Tak ។ គាត់ក៏មានជំងឺលើសឈាម ទឹកនោមផ្អែម និងធាត់ខ្លាំងផងដែរ ។

ចំណែកម្នាក់ទៀតនៅខេត្ត Pathum Thani ដែលបានស្លាប់កាលពីថ្ងៃព្រហស្បតិ៍ធ្លាប់បានឆ្លងជំងឺកូវីដ ១៩ ពីមុន ហើយមានជំងឺបេះដូង ទឹកនោមផ្អែម និងជំងឺលើសឈាម ។

គួរបញ្ជាក់ថា គិតត្រឹមថ្ងៃសៅរ៍ចំនួនករណីឆ្លងជំងឺកូវីដ ១៩ នៅក្នុងប្រទេសថៃបានកើនឡើងដល់ ៤០,៥៨៥ ករណី ហើយមានអ្នកស្លាប់សរុប ៩៩ នាក់ ខណៈមានអ្នកជាសះស្បើយចំនួន ២៨,៥៧០ នាក់ និងមានអ្នកកំពុងសម្រាកព្យាបាលចំនួន ១១,៩១៦ នាក់ ។

យោងតាមគេហទំព័រ Worldometer គិតត្រឹមម៉ោង ១១ ព្រឹកថ្ងៃសៅរ៍នេះ ប្រទេសថៃជាប់ចំណាត់ថ្នាក់ទី ១១១ ក្នុងបញ្ជីករណីឆ្លងលើពិភពលោក ខណៈប្រទេសដែលនាំមុខគេគឺនៅតែ សហរដ្ឋអាមេរិក ដោយមានករណីឆ្លងចំនួន ៣២.៣ លាននាក់ បន្ទាប់មកគឺឥណ្ឌា ១៤.៥២ លាននាក់, ប្រេស៊ីល ១៣.៨៤ លាននាក់, បារាំង ៥.២២ លាននាក់ និងរុស្ស៊ី ៤.៦៨ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ The Nation Thailand

ចុចអាន ៖ បុគ្គលិក ពេទ្យ រដ្ឋថៃ ១០០ នាក់ឆ្លងកូវីដពីអ្នកជំងឺដែលលាក់ព័ត៌មានទំនាក់ទំនងជាមួយអ្នកឆ្លងផ្សេងទៀត

ចុចអាន ៖ ឆ្លងច្រើនពេក! ថៃ រឹតត្បិតក្រុងបាងកក និងបិទខេត្តចំនួន ៤០ រយៈពេល ២ សប្ដាហ៍រហូតដល់ចប់ចូលឆ្នាំ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ប្រគល់ថវិកា ៥លាន​រៀល ជូននារី ដែលសម្រាលកូនដោយ​​ខ្លួនឯងក្នុងបន្ទប់ជួលទាំង​យប់

ព័ត៌មានជាតិ៣ ម៉ោង មុន

លោក ងួន ទ្ធិរិទ្ធ ប្រធានក្រុមការងារ​យុវជនបក្សស្រុកអន្លង់វែង បានដឹកនាំក្រុមការងា រចុះសាកសួរសុខទុក្ខប្រជាពលរដ្ឋមួយគ្រួសារដែលរងគ្រោះ ដោយ សារភ្លើងឆេះផ្ទះ

ជីវិតកម្សាន្ដ៤ ម៉ោង មុន

នាយក្រិន ធ្លាក់ខ្លួនឈឺធ្ងន់ដេក ស្តូកស្តឹងក្នុងមន្ទីពេទ្យ

ជីវិតកម្សាន្ដ៤ ម៉ោង មុន

សមាជិកក្រុមរាំ ពេជ្រ សោភា ម្នាក់ជួបគ្រោះថ្នាក់ចរាចរណ៍ស្លាប់យ៉ាងរន្ធត់

ជីវិតកម្សាន្ដ៤ ម៉ោង មុន

ពេជ្រ សោភា តក់ស្លុតខ្លាំងក្រោយ ទទួលដំណឹងដ៏រន្ធត់ចិត្ត

Sokha Hotels

ព័ត៌មានពេញនិយម

Helistar Cambodia - Helicopter Charter Services