ព័ត៌មានអន្ដរជាតិ
តាមពិត! ថៃត្រៀមប្រេងទុកប្រើដល់ទៅ៤៥ថ្ងៃសម្រាប់យោធារួចរាល់ មុនឈ្លានពានកម្ពុជា
ថៃបានបង្កើនទុនបម្រុងឥន្ធនៈតាមបណ្តោយព្រំដែនភាគខាងកើតរបស់ខ្លួនរួចស្រាប់មកហើយ មុនផ្ទុះជម្លោះជាថ្មីម្ដងទៀតជាមួយកម្ពុជា ដែលនេះបង្ហាញយ៉ាងច្បាស់ថា ប្រទេសមួយនេះពិតជាចិញ្ចឹមចិត្ត និងរៀបចំលក្ខណៈឈ្លានពានទឹកដីខ្មែរប្រាកដមែន ព្រមទាំងបំផ្លាញបទឈប់បាញ់ដែលស្ថិតក្រោមការសម្របសម្រួលពីម៉ាឡេស៊ី និងសហរដ្ឋអាមេរិក។
យោងតាមសារព័ត៍មាន The Standard លោក Attapol Rerkpiboon រដ្ឋមន្ត្រីក្រសួងថាមពលថៃ នាថ្ងៃទី៩ខែធ្នូឆ្នាំ២០២៥នេះ បានអះអាងថា ប្រទេសថៃបានបង្កើតឃ្លាំងស្តុកប្រេង«លើសពីតម្រូវការយោធា» ដោយបន្ថែមថា ការផ្គត់ផ្គង់គឺគ្រប់គ្រាន់ដើម្បីទ្រទ្រង់ប្រតិបត្តិការបន្ថែមទៀត ទោះការប្រយុទ្ធគ្នាបន្តកើនឡើង។ លោកបានបញ្ជាក់ទៀតថា ក្រសួងបានសម្របសម្រួលដោយផ្ទាល់ជាមួយកងកម្លាំងប្រដាប់អាវុធ ក្នុងការបង្កើតកន្លែងចាក់ប្រេងដែលមានសុវត្ថិភាព ខណៈទុនបម្រុងប្រេងនេះអាចប្រើប្រាស់បានយ៉ាងហោចណាស់៤៥ថ្ងៃ។
សម្ដីនេះឆ្លុះបញ្ចាំងឲ្យឃើញថា ថៃបានត្រៀមខ្លួនដើម្បីឈ្លានពានទឹកកម្ពុជា បើទោះជារដ្ឋាភិបាលក្រុងភ្នំពេញព្យាយាមរក្សាបទឈប់បាញ់ និងអនុលោមតាមច្បាប់អន្តរជាតិក៏ដោយ។
តួយ៉ាងដូចដែលសារព័ត៍មានធំៗលើពិភពលោកមាន CNN, Reuters និង Al Jazeera ជាដើម សុទ្ធតែបានចុះផ្សាយថា ថៃជាអ្នកបើកការវាយប្រហារមុនមកលើកម្ពុជា ដោយបំពានបទឈប់បាញ់ដែលធ្លាប់បានចុះហត្ថលេខាកាលពីខែតុលាកន្លងទៅ។
ទន្ទឹមគ្នានេះដែរ បើក្រឡេកមើលថ្នាក់ដឹកនាំថៃវិញ នាយករដ្ឋមន្រ្តី អានុទីន ឆានវីរៈគុន បានប្រកាសថា រដ្ឋាភិបាលខ្លួនលែងខ្វល់នឹងការគំរាមកំហែងពន្ធរបស់ប្រធានាធិបតីអាមេរិក លោក ដូណាល់ ត្រាំ ទៀតហើយ និងបានច្រានចោលពីលទ្ធភាពនៃការចរចារកដំណោះស្រាយភ្លាមៗជាមួយកម្ពុជា។
សូមជម្រាបថា ក្រោយការវាយប្រហាររបស់ថៃ កម្ពុជាបានប្រកាន់យកជំហរមិនតបត ដើម្បីគោរពដល់កិច្ចព្រមព្រៀងសន្តិភាពក្រុងកូឡាឡំពួរនៅចុងខែតុលា និងកិច្ចស្វែងរកដំណោះស្រាយដោយសន្តិវិធីផ្សេងៗ ដែលភាគីថៃ និងកម្ពុជា បានឯកភាពគ្នា។ យ៉ាងណាមិញ នៅព្រឹកថ្ងៃអង្គារនេះ សម្ដេចតេជោ ហ៊ុន សែន នាយឧត្ដមសេនីយ៍ផុតលេខផ្កាយមាស៥ បានបញ្ជាឱ្យកងទ័ពការពារជាតិកម្ពុជា ប្រើសិទ្ធិការពារខ្លួនបាញ់តបតទៅកាន់ភាគីថៃវិញ ក្រោយពីអត់ធ្មត់មិនតបតនឹងការបាញ់ប្រហាររបស់ភាគីថៃរយៈពេល១ថ្ងៃ ដើម្បីគោរពបទឈប់បាញ់ និងជម្លៀសពលរដ្ឋចេញពីទីតាំងរងគ្រោះខ្លាំងទៅកាន់ទីតាំងមានសុវត្ថិភាព៕
ប្រែសម្រួល៖ ឈាង
-
ព័ត៌មានអន្ដរជាតិ៩ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៥ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត