ព័ត៌មានអន្ដរជាតិ
កូវីដនៅឥណ្ឌាភ័យខ្លាចទាំងនាយករដ្ឋមន្ត្រីអង់គ្លេសមិនហ៊ានមក ទោះចាក់វ៉ាក់សាំងហើយក៏ដោយ
នាយករដ្ឋមន្រ្តីអង់គ្លេសលោក Boris Johnson នៅថ្ងៃចន្ទនេះបានលុបចោលដំណើរទៅកាន់ប្រទេសឥណ្ឌា ដែលគ្រោងនឹងធ្វើឡើងនៅសប្តាហ៍ក្រោយ ដោយសារតែស្ថានភាពជំងឺកូវីដ ១៩ នៅឥណ្ឌានាពេលបច្ចុប្បន្ននេះ ។
លោក Boris Johnson បានពន្យារពេលការធ្វើដំណើរម្តងរួចមកហើយចាប់ពីខែមករាមក នៅពេលដែលការឆ្លងជំងឺកូវីដ ១៩ នៅអង់គ្លេសក៏មានអត្រាខ្ពស់ ។ ការឆ្លងនៅក្នុងប្រទេសឥណ្ឌាបច្ចុប្បន្នកំពុងតែហក់ឡើងខ្លាំង ខណៈប្រទេសនេះបានរងនូវរលកទីពីរដ៏កាចសាហាវនៃវីរុស ។
សេចក្តីថ្លែងការណ៍រួមពីរដ្ឋាភិបាលអង់គ្លេស និងឥណ្ឌាដែលចេញផ្សាយដោយការិយាល័យលោក Boris Johnson បាននិយាយថា “ដោយមើលឃើញពីស្ថានភាពជំងឺកូវីដ ១៩ នាពេលបច្ចុប្បន្ននេះ លោកនាយករដ្ឋមន្រ្តី Boris Johnson នឹងមិនអាចធ្វើដំណើរទៅកាន់ប្រទេសឥណ្ឌានាសប្តាហ៍ក្រោយបាននោះទេ” ។
សេចក្តីថ្លែងការណ៍បន្តថា “ផ្ទុយទៅវិញលោកនាយករដ្ឋមន្រ្តី Modi និងលោក Johnson នឹងថ្លែងរួមគ្នានៅចុងខែនេះ ដើម្បីយល់ព្រម និងដាក់ចេញនូវផែនការប្រកបដោយមហិច្ឆតាសម្រាប់ភាពជាដៃគូអនាគតរវាងចក្រភពអង់គ្លេស និងឥណ្ឌា” ។
ទំនាក់ទំនងជាមួយឥណ្ឌាត្រូវបានគេមើលឃើញថាជាធាតុផ្សំសំខាន់នៃមហិច្ឆតាក្រោយ Brexit របស់អង់គ្លេសក្នុងការធ្វើពាណិជ្ជកម្មឡើងវិញជាមួយបណ្តាប្រទេសនៅខាងក្រៅសហភាពអឺរ៉ុប និងការជំរុញការទូតដើម្បីទទួលបានឥទ្ធិពលបន្ថែមទៀតនៅក្នុងតំបន់ឥណ្ឌូ-ប៉ាស៊ីហ្វិក ។
ទន្ទឹមនោះប្រទេសអង់គ្លេសក៏បានអញ្ជើញប្រទេសឥណ្ឌាឲ្យចូលរួមក្នុងកិច្ចប្រជុំកំពូលនៃក្រុមប្រទេស G7 ដែលខ្លួននឹងធ្វើជាម្ចាស់ផ្ទះនៅខែមិថុនា ។
មន្រ្តីសុខាភិបាលអង់គ្លេសបាននិយាយកាលពីថ្ងៃអាទិត្យថា ពួកគេកំពុងស៊ើបអង្កេតលើជំងឺកូវីដ ១៩ បំប្លែងខ្លួនប្រភេទថ្មីដែលមានដើមកំណើតនៅប្រទេសឥណ្ឌា ប៉ុន្តែរហូតមកដល់ពេលនេះពួកគេមិនមានភស្តុតាងគ្រប់គ្រាន់ដើម្បីចាត់ថ្នាក់វាជាការព្រួយបារម្ភនៅឡើយទេ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ឥណ្ឌា បន្ថែមការបិទខ្ទប់ទីក្រុងពាណិជ្ជកម្មធំបំផុត ក្រោយករណីឆ្លងមិនថយចុះសោះ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ