ព័ត៌មានអន្ដរជាតិ
កូរ៉េខាងជើង នៅតែបន្តវិធានការការពារតឹងរ៉ឹងជាមួយព្រំដែនចិន ទោះគ្មានករណីឆ្លងកូវីដសូម្បីមួយ
ប្រព័ន្ធផ្សព្វផ្សាយរដ្ឋបាននិយាយនៅថ្ងៃពុធនេះថា ប្រទេសកូរ៉េខាងជើងកំពុងបន្តបង្កើនវិធានការដើម្បីបញ្ចៀសការឆ្លងជំងឺកូវីដ ១៩ នៅក្នុងទីក្រុងមួយតាមបណ្តោយព្រំដែនជាមួយប្រទេសចិន ចំពេលមានការរំពឹងទុកថា វិធានការនេះអាចជាការរៀបចំទុកជាមុនដើម្បីបន្ធូរបន្ថយការរឹតត្បិតព្រំដែន ។
ស្ថានីយ៍ទូរទស្សន៍កូរ៉េ KCBS បាននិយាយថា កូរ៉េខាងជើងកំពុងស្ថិតនៅក្នុងការប្រុងប្រយ័ត្នខ្ពស់នៅក្នុងទីក្រុងព្រំដែនភាគឦសានរបស់ខ្លួន Hoeryong ក្នុងខេត្ត North Hamgyong និងរក្សានូវវិធានការណ៍តឹងរ៉ឹងបំផុតក្នុងការបាញ់ថ្នាំសម្លាប់មេរោគលើយានយន្ត និងប្រជាជននៅតាមព្រំដែន ។
ទីក្រុងនេះមានទីតាំងស្ថិតនៅទល់មុខខេត្ត Jilin នៃប្រទេសចិន ដែលមានទន្លេ Tumen បំបែកប្រទេសទាំងពីរ ។
យោងតាម KCBS បានឲ្យដឹងទៀតថា ក្រុមមន្រ្តីក៏កំពុងធ្វើការត្រួតពិនិត្យសត្វព្រៃ សត្វស្លាប និងវត្ថុមិនស្គាល់អត្តសញ្ញាណផ្សេងទៀត ក៏ដូចជាពិនិត្យឡើងវិញនូវស្ថានភាពការធ្វើចត្តាឡីស័ក ផងដែរ ។
កាលពីដើមខែនេះ មន្រ្តីក្រសួងបង្រួបបង្រួមបាននិយាយថា កូរ៉េខាងជើងកំពុងបង្ហាញសញ្ញាកើនឡើងនៃការកាត់បន្ថយការរឹតត្បិតព្រំដែនរបស់ខ្លួនជាមួយប្រទេសចិន ។
គួរបញ្ជាក់ថា ប្រទេសកូរ៉េខាងជើងបានអះអាងគ្មានករណីឆ្លងជំងឺកូវីដ ១៩ នោះទេ ប៉ុន្តែបានចាត់វិធានការយ៉ាងរហ័ស និងតឹងរ៉ឹងបំផុតប្រឆាំងនឹងរោគរាតត្បាតជាសកលនេះ ដូចជា ការរឹតបន្តឹងការត្រួតពិនិត្យព្រំដែន ចាប់តាំងពីដើមឆ្នាំមុនមក ៕
ប្រែសម្រួលដោយ ៖ ជីវ័ន្ត
ប្រភព ៖ YONHAP
ចុចអាន ៖ អាវុធនុយក្លេអ៊ែរយុទ្ធសាស្ត្ររបស់ កូរ៉េខាងជើង កំពុងធ្វើឲ្យពិភពលោកញញើត និងហានិភ័យ
ចុចអាន ៖ ចិន អះអាងថា មានសមត្ថភាពផលិតវ៉ាក់សាំងការពារកូវីដប្រហែល ៥ ពាន់លានដូសក្នុងមួយឆ្នាំៗ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៥ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore