ព័ត៌មានអន្ដរជាតិ
អ្នកជំនាញថា កូវីដមិនងាយបញ្ចប់ឡើយ បើប្រជាជនទូទាំងពិភពលោកនៅតែខ្លាចពីផលប៉ះពាល់របស់វ៉ាក់សាំង
ក្រុមអ្នកស្រាវជ្រាវសុខភាពសាធារណៈបាននិយាយថា វ៉ាក់សាំងកូវីដកំពុងផ្ដល់ពន្លឺដល់មនុស្សនៅចុងបញ្ចប់នៃវិបត្តិ មេរោគរាតត្បាត។ ប៉ុន្តែការគំរាមកំហែងដែលបង្កឡើងដោយវីរុសនេះ នឹងមិនងាយបញ្ចប់ឡើយ បើប្រជាជនទូទាំងពិភពលោកនៅតែខ្លាចរអារ និងមិនទុកចិត្តលើវ៉ាក់សាំងដែលកំពុងប្រើប្រាស់នាពេលបច្ចុប្បន្ននេះ ។
អ្នកជំនាញវ៉ាក់សាំងលោក Naor Bar-Zeev នាយករងមជ្ឈមណ្ឌលទទួលថ្នាំបង្ការអន្តរជាតិនៅសាលាសុខភាពសាធារណៈ Johns Hopkins បានគូសបញ្ជាក់ថា ទោះបីសហរដ្ឋអាមេរិកបានចាក់វ៉ាក់សាំងលើមនុស្សជាង ១៣៤,៤ លាននាក់ឬ ៤១ ភាគរយនៃចំនួនប្រជាជនរបស់ខ្លួន ហើយប្រទេសនានាដូចជាចក្រភពអង់គ្លេសនិងអ៊ីស្រាអែលបានទទួលការចាក់ថ្នាំបង្ការបានយ៉ាងល្អក្ដី ប៉ុន្តែជាងពាក់កណ្ដាលប្រទេសផ្សេងទៀតកំពុងមានការយឺតយ៉ាវនៃភាពមិនទុកចិត្តលើវ៉ាក់សាំងនិងនៅតែខ្លាចពីផលប៉ះពាល់របស់វា។
ឧទាហរណ៍ប្រទេសនានាដូចជាប្រេស៊ីលនិងឥណ្ឌា ដែលករណីនៃកូវីដកើនឡើងយ៉ាងឆាប់រហ័ស ដោយសារការផ្ដល់វ៉ាក់សាំងដល់ប្រជាជនរបស់ខ្លួនប្រមាណតែ ១០ភាគរយប៉ុណ្ណោះ ដោយផ្អែកលើការប៉ាន់ស្មានពីទិន្នន័យក្នុងពិភពលោក ។ ខណៈពេលដែលបណ្ដាប្រទេសនៅទ្វីបអាហ្វ្រិកនិងអាមេរិកខាងត្បូងបានចាក់វ៉ាក់សាំងតិចជាងនេះទៅទៀត។
លោក Naor Bar-Zeev បន្ថែមថា ” វាទាក់ទងនឹងការចម្លងវីរុសដែលកំពុងបន្តនិងការកើតមាននៃវ៉ារ្យង់។ ប្រទេសដែលមានអត្រាចាក់វ៉ាក់សាំងខ្ពស់ នឹងឃើញមានការឆ្លងតិចជាងឬតិចជាងមុន” ។ ចំណែកប្រជាជននៅសហរដ្ឋអាមេរិកមិនអាចឬមិនចង់ចាក់វ៉ាក់សាំងកូវីដ អាចពន្យារពេលការរីករាលដាលនៃជំងឺរាតត្បាតកាន់តែលើសមុន ព្រោះមនុស្សដែលមានភាពស៊ាំតិចនឹងផ្ដល់ជាសញ្ញាមួយសម្រាប់ការផ្លាស់ប្ដូរមេរោគថ្មីបន្ថែមទៀត។
លោកបន្ថែមចុងក្រោយថា វ៉ាក់សាំងកូវីដកំពុងផ្ដល់ពន្លឺដល់យើងគ្រប់គ្នានៅចុងបញ្ចប់នៃផ្លូវរូងក្រោមដី ប៉ុន្តែយើងនឹងមិនអាចគេចផុតពីជំងឺរាតត្បាតនេះទេ រហូតដល់ពិភពលោកទាំងមូលត្រូវបានចាក់វ៉ាក់សាំង៕
ប្រែសម្រួល៖ សាង ស្រីល័ក្ខ
ប្រភព៖UPI
ចុចអាន៖អ្នកចាក់វ៉ាក់សាំងគ្រប់ ២ ដូសរួច មកដឹងអត្ថប្រយោជន៍ល្អៗទាំងនេះ
ចុចអាន៖ក្រោយចាក់វ៉ាក់សាំងរួចលេចចេញរោគសញ្ញាបែបនេះ មិនមែនមកពីប្រតិកម្មវ៉ាក់សាំងទេ
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល