ព័ត៌មានអន្ដរជាតិ
មន្ទីរពេទ្យឥណ្ឌាកំពុងជួបស៊ូណាមិ ឯការបូជាសពកូវីដ-១៩រួមគ្នាជាច្រើន
មន្ទីរពេទ្យនៅក្នុងប្រទេសឥណ្ឌាបានកំពុងដង្ហោយហៅរកអ៊ុកស៊ីសែនដើម្បីជួយសសង្គ្រោះអាយុជីវិតអ្នកជំងឺកូវីដ-១៩ដែលបានកំឡុងកើនយ៉ាងកំហុគដូចព្យុះស៊ូណាមិ ខណៈសាកសពជនរងគ្រោះត្រូវបានបូជារួមក្នុងកន្លែងតែមើលទៅគួរឲ្យសង្វេគ។
ករណីឆ្លងកូវីដ-១៩ថ្មីបំបែកកំណត់ត្រាពិភពលោក៤ថ្ងៃជាប់គ្នាហើយនៅប្រទេសឥណ្ឌា ដោយគិតត្រឹមព្រឹកថ្ងៃអាទិត្យ ទី២៥ ខែមេសា មានចំនួន ៣៤៩ ៦៩១ នាក់ក្នុងរយៈពេល២៤ម៉ោងប៉ុណ្ណោះ។ ចំណែកស្លាប់ក្នុងរយៈពេលដូចគ្នានេះមានចំនួន២៧៦៧នាក់។
ក្រុមវេជ្ជបណ្ឌិតនៅទីក្រុងញូវដេលីបាននិយាយថា ការស្លាប់អ្នកជំងឺកូវីដ-១៩បានកំពុងកើនឡើងខ្ពស់ដោយខ្វះអ៊ុកស៊ីសែន។
កូវីដ-១៩វាយប្រហារមន្ទីរពេទ្យដូចព្យុះស៊ូណាមិ
បណ្តាញពេទ្យ Max Healthcare ដែលមិនរកប្រាក់ចំណូលនៅភាគខាងជើងប្រទេសឥណ្ឌាបានឲ្យដឹងថា ត្រឹមតែជាង២ម៉ោងប៉ុណ្ណោះអ៊ុកស៊ីសែនត្រូវបានប្រើអស់ ខណៈបណ្តាញមន្ទីរពេទ្យ Fortis Healthcare ដែលជាបណ្តាញដ៏ធំមួយទៀតថា ខ្លួនអស់អ៊ុកស៊ីសែនដើម្បីផ្គត់ផ្គង់នៅទីក្រុងញូវដេលី។
ឥណ្ឌាកំពុងស្ថិតនៅក្រោមអំណាចនៃការរលកផ្ទុះកូវីដ-១៩លើកទី២ដែលបានសម្លាប់មនុស្សរាល់៤នាទីម្នាក់នៅក្នុងទីក្រុងញូវដេលី។
អ្នកឆ្លងថ្មីនៅក្នុងប្រទេសដែលមានប្រជាជនប្រមាណ១.៣ពាន់លាននាក់គឺត្រឹមតែ២៤ម៉ោងកាលពីថ្ងៃសៅរ៍មានចំនួន៣៤៦៧៨៦នាក់។ ចំណែក ករណីស្លាប់ក្នុងរយៈពេល២៤ម៉ោងចុងក្រោយមានចំនួន២៦២៤នាក់ ដែលជាអត្រាស្លាប់ប្រចាំថ្ងៃខ្ពស់បំផុត។
រហូតដល់ពេលនេះតួលេខអ្នកឆ្លងសរុបនៅប្រទេសមានចំនួនដល់ជាង១៦,៦លាននាក់ ខណៈអ្នកស្លាប់សរុបមានចំនួន១៨៩ ៥៤៤នាក់។
រដ្ឋាភិបាលបានដាក់ពង្រាយយន្តហោះយោធា និងរថភ្លើងដើម្បីទទួលយកអ៊ុកស៊ីសែនចូលទៅទីក្រុងដេលីពីការផ្គត់ផ្គង់មកពីតំបន់ផ្សេងក្នុងប្រទេស ក៏ដូចជាក្រៅប្រទេសក្នុងនោះមានពីប្រទេសសិង្ហបុរីជាដើម។
មន្ទីរពេទ្យនៅក្រុងញូវដេលីបានស្នើទៅតុលាការជាន់ខ្ពស់ក្នុងទីក្រុងនៅសប្តាហ៍នេះឲ្យបញ្ជាដល់រដ្ឋ និងរដ្ឋាភិបាលចាត់វិធានការបន្ទាន់ដើម្បីរៀបចំការផ្គត់ផ្គង់វេជ្ជសាស្ត្រ ជាពិសេសបំផុតគឺអ៊ុកស៊ីសែនដែលត្រូវការចាប់បាច់។
ការបូជាសពកូវីដ-១៩ច្រើនក្នុងកន្លែងតែមួយមិនធ្លាប់មាន
លោក Jitender Singh Shunty អ្នកធ្វើការស្ម័គ្រចិត្តការងារវិជ្ជសាស្ត្រនៅ Shaheed Bhagat Singh Sewa Dal បាននិយាយថា កាលពីរសៀលថ្ងៃព្រហស្បតិ៍កន្លងទៅ សពកូវីដ-១៩ចំនួន៦០ត្រូវបានបូជារួមនៅកន្លែងតែមួយ ខណៈសពជាច្រើនទៀតបានកំពុងដាក់តម្រៀបគ្នាដើម្បីរង់ចាំការបូជាបន្តទៀត។
លោកនិយាយទាំងទឹកភ្នែកថា ៖«គ្មាននរណាម្នាក់នៅដេលីធ្លាប់ជួបទិដ្ឋភាពបែបនេះទេ។ ក្មេងអាយុ៥ឆ្នាំ អាយុ១៥ឆ្នាំ អាយុ២៥ឆ្នាំបានកំពុងបជា។ វេទនាភ្នែកណាស់»។ លោកថា កាលពីថ្ងៃអង្គារ សពចំនួន៧៨នាក់ត្រូវបានបូជាក្នុងពេលជាមួយគ្នាក្នុងកន្លែងតែមួយ។
អានអត្ថបទបន្ថែមពាក់ព័ន្ធកូវីដ-១៩នៅឥណ្ឌា
ឥណ្ឌាឆ្លងកូវីដ-១៩បំបែកកំណត់ត្រាទៀតហើយ ៣ថ្ងៃចុងក្រោយនេះជិត១លាននាក់
ឥណ្ឌាទប់លែងបាន ប្រព័ន្ធដួលរលំ សូម្បីរដ្ឋមន្ត្រីក៏ប្រកាសរកគ្រែតាម Facebook
មេដឹកនាំឥណ្ឌាកំពុងប្រឹងរឿងបោះឆ្នោតកំឡុងកូវីដ-១៩កំពុងធ្វើឲ្យវិនាស
វិនាសកម្មកូវីដនៅឥណ្ឌា៖ មន្ទីរពេទ្យក៏ឆេះ រីឯអ្នកជំងឺត្រូវទុកឲ្យស្លាប់នៅខាងក្រៅ ព្រោះពេទ្យលែងទទួលមើល
ប្រែសម្រួល៖ វីរបុត្រ
ប្រភព៖ AP/science
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២៤ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២២ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ