ព័ត៌មានអន្ដរជាតិ

វីដេអូទាហាននាវាឥណ្ឌូណេស៊ីដែលលិចស្លាប់ទាំងអស់ច្រៀងបទ«លាហើយ»

បានផុស

៣ years មុន

នៅ

ថ្ងៃអង្គារ ២៧ មេសា ២០២១

ដោយ

កាលពីល្ងាចមិញនេះមានលេចចេញវីដេអូខ្លីមួយដែលសមាជិកទាហាននាវាជើងទឹកប្រទេសឥណ្ឌូណេស៊ីដែលបានលិចក្នុងសមុទ្របាត់បង់ជីវិតទាំងអស់នោះបាននាំគ្នាច្រៀងយ៉ាងសប្បាយរីករាយនៅលើនាវា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វីដេអូច្រៀងជុំគ្នាយ៉ាងសប្បាយរីករាយនេះត្រូវបានថតមួយសប្តាហ៍ មុនពេលនាវា KRI Nanggala 402 បានលិចទៅក្នុងបាត់សមុទ្រដែលមានសមាជិកមួយចំនួនក្នុងចំណោមសមាជិកនាវាទាំង៥៣នាក់ដែលបានបាត់បង់ជីវិតបាននាំគ្នាច្រៀងបទ«Sampai Jumpa»ជាភាសាឥណ្ឌូណេស៊ី ដែលមានន័យថា «លាហើយ»។

មេបញ្ជាការទាហានជើងទឹកឥណ្ឌូណេស៊ីលោក Heri Oktavian ក៏ស្ថិតក្នុងចំណោមអ្នកច្រៀងទាំងនោះដែរដែលនៅជុំវិញអ្នកលេងហ្គីតាម្នាក់។

ក្រុមនាវឹកបានច្រៀងថា ៖«ទោះបីជាខ្ញុំមិនទាន់ត្រៀមខ្លួនដើម្បីបាត់បង់អ្នក ក៏ខ្ញុំមិនទាន់ត្រៀមខ្លួនដើម្បីរស់នៅដោយគ្មានអ្នកដែរ។ ខ្ញុំសូមជូនពរអ្នកឲ្យទទួលបានអ្វីដែលល្អបំផុត»។

អ្នកនាំពាក្យយោធាឥណ្ឌូណេស៊ី លោក Djawara Whimbo បានប្រាប់ថា វីដេអូនេះត្រូវបានថតនៅពេលមានការជួបជុំលាមេបញ្ជាការចាស់ ហើយមេញ្ជាការនៃកងទ័ពនាវាមុជទឹកដែលបានលិចនោះទើបចូលកាន់តំណែងកាលពីដើមខែមីនា។

សូមបញ្ជាក់ថា នាវាមុជទឹកដែលផលិតនៅប្រទេសអាល្លឺម៉ង់ ជានាវាមួយក្នុងចំណោមនាវាមុជទឹក៥គ្រឿងរបស់ប្រទេសឥណ្ឌូណេស៊ី បានបាត់ខ្លួនកាលពីថ្ងៃព្រហហ្បតិ៍សប្តាហ៍មុន ខណៈនាវានេះគ្រោងនឹងធ្វើសមយុទ្ធមុជទឹកមែនទែននៅថ្ងៃអាទិត្យឯសមុទ្រកោះបាលី។

កាលពីថ្ងៃអាទិត្យ ទី២៥ ខែមេសា ប្រទេសឥណ្ឌូណេស៊ីបានប្រកាសថា ខ្លួនបានរកឃើញបំណែកនាវានោះដែលមានជម្រៅក្រោមទឹកប្រហែលជា៨០០ម៉ែត្ររ៕