ព័ត៌មានអន្ដរជាតិ

តើចិននិងកូរ៉េខាងជើង សន្យាជួយគ្នាអ្វីខ្លះក្នុងជំនួបកំពូលមេដឹកនាំទាំង២ នៅទីក្រុងព្យុងយ៉ាង?

បានផុស

២៦ វិនាទី មុន

នៅ

ថ្ងៃអង្គារ ៩ មិថុនា ២០២៦

ដោយ

ខណៈស្ថានភាពពិភពលោកបច្ចុប្បន្នពិបាកស្មាន ថានឹងមានរូបរាងបែបណាក្នុងសណ្តាប់ធ្នាប់ពិភពលោកថ្មី មេដឹកនាំពិភពលោក ចាប់ផ្តើមរឹតបន្តឹងចំណងមិត្តភាពឡើងវិញ។ ជាក់ស្តែងប្រធានាធិបតីចិន លោក ស៊ី ជីនពីង បានផ្តើមធ្វើទស្សនកិច្ចផ្លូវរដ្ឋទៅប្រទេសកូរ៉េខាងជើងកាលពីថ្ងៃចន្ទ ទី៨ ដល់ថ្ងៃទី៩ ខែមិថុនា ឆ្នាំ២០២៦ ដែលលោក លោក ស៊ី មិនបានបំពេញទស្សនកិច្ចអស់រយៈពេល៧ឆ្នាំ។

ក្នុងដំណើរទស្សនកិច្ច២ថ្ងៃ ជំនួបកំពូលនៃមេដឹកនាំប្រទេសមហាអំណាចសព្វាវុធទាំងពីរ ប្រទេសចិនសន្យាថានឹងផ្តល់ការគាំទ្រដ៏រឹងមាំ និងពង្រឹងកិច្ចសហប្រតិបត្តិការជាយុទ្ធសាស្ត្រជាមួយរបបរបស់ លោក គីម ជុងអ៊ុន ចំពេលមានភាពតានតឹងទូទាំងពិភពលោក។

ប្រធានាធិបតីចិន លោក ស៊ី ជីនពីង បានគូសបញ្ជាក់ពីការប្តេជ្ញាចិត្ត អំឡុងកិច្ចប្រជុំកំពូលដ៏កម្រមួយជាមួយ លោក គីម នៅទីក្រុងព្យុងយ៉ាង ដោយសង្កត់ធ្ងន់លើតម្រូវការក្នុងការពង្រឹងសម្ព័ន្ធភាពទ្វេភាគី និងបង្ហាញរណសិរ្សរួបរួមគ្នាប្រឆាំងនឹងសម្ពាធពីខាងក្រៅ។

លោក ស៊ី ជីនពីង និង លោក គីម ជុងអ៊ុន រួមទាំងភរិយា។ រូបភាព៖ Reuters

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភ្នាក់ងារសារព័ត៌មានអន្តរជាតិ មានរ៉យទ័រ និង AFP ជាដើម បានឱ្យដឹងថា ប្រទេសចិនបានសន្យា និងការប្តេជ្ញាចិត្តសំខាន់ៗ ដូចជា៖

១. ការគាំទ្រដ៏រឹងមាំ៖ ចិនបានលាតត្រដាងថា នឹងគាំទ្រកូរ៉េខាងជើង ដោយមិនគិតពីស្ថានភាពនយោបាយអន្តរជាតិប្រែប្រួលយ៉ាងណានោះទេ។

២. ការប្រឆាំងនឹងមនោគមន៍វិជ្ជា៖ ប្រទេសទាំងពីរ បានសន្យានឹងគ្នាថា នឹងធ្វើការរួមគ្នា ដើម្បីប្រឆាំងនឹងមនោមន៍វិជ្ជារបស់បស្ចិមលោកនិងយោធានិយម ធ្វើយ៉ាងណាឱ្យមានសន្តិសុខក្នុងតំបន់។

៣. ការពង្រីកសេដ្ឋកិច្ច៖ ភាគីចិនបានសន្យាថា នឹងធ្វើឱ្យពាណិជ្ជកម្ម ការអភិវឌ្ឍកសិកម្ម និងកិច្ចសហប្រតិបត្តិការបច្ចេកវិទ្យាកាន់តែស៊ីជម្រៅ ដើម្បីជំរុញសេដ្ឋកិច្ចកូរ៉េខាងជើង។

៤. ការទំនាក់ទំនងជាយុទ្ធសាស្ត្រ៖ ទីក្រុងប៉េកាំងបានយល់ព្រមបង្កើនការផ្លាស់ប្តូរក្នុងវិស័យយោធា ការអនុវត្តច្បាប់ និងទំនាក់ទំនងការទូត។

+ ដោយឡែក បរិបទភូមិសាស្ត្រនយោបាយវិញ មេដឹកនាំនៃប្រទេសភូមិផងរបងជាមួយគ្នាទាំងពីរ បានបង្ហាញការសាមគ្គីគ្នា រួមមាន៖

១. ការទប់ទល់សម្ព័ន្ធភាព៖ ទីក្រុងប៉េកាំងមានគោលបំណងទាញទីក្រុងព្យុងយ៉ាងត្រឡប់ទៅក្នុងដែនឥទ្ធិពលរបស់ខ្លួនវិញ ដោយទប់ទល់ការពឹងផ្អែកផ្នែកយោធាថ្មីៗរបស់កូរ៉េខាងជើងលើរុស្ស៊ី។

២. ការទទួលបានរបាំងការពារ៖ ប្រទេសចិនពឹងផ្អែកលើកូរ៉េខាងជើងជារបាំងការពារភូមិសាស្ត្រដ៏សំខាន់ប្រឆាំងនឹងឥទ្ធិពលរបស់សហរដ្ឋអាមេរិក និងសម្ព័ន្ធមិត្តនៅក្នុងតំបន់។

៣. ការទទួលយកឥទ្ធិពលអាវុធនុយក្លេអ៊ែរ៖ នៅក្នុងការផ្លាស់ប្តូរការទូតថ្មីៗនេះ ប្រទេសចិនបានលុបចោលយ៉ាងច្បាស់នូវការទាមទារសម្រាប់ការរំសាយអាវុធនុយក្លេអ៊ែរ ដែលបង្ហាញពីការទទួលយកជាក់ស្តែងរបស់ទីក្រុងប៉េកាំង ចំពោះសមត្ថភាពនុយក្លេអ៊ែររបស់កូរ៉េខាងជើង៕

សម្រួល៖ ណឺ មិនា

Related Topics:កូរ៉េខាងជើង មហាអំណាច ចិន

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា