ព័ត៌មានអន្ដរជាតិ
អាស៊ាន អំពាវនាវឲ្យបង្កើនតួនាទីរបស់ស្ត្រី ស្របពេលមានជំងឺរាតត្បាតកូវីដ ១៩
សមាគមប្រជាជាតិអាស៊ីអាគ្នេយ៍ (អាស៊ាន) កាលពីល្ងាចថ្ងៃព្រហស្បតិ៍បានកោះប្រជុំមេដឹកនាំស្ត្រីអាស៊ានលើកដំបូងដែលមិនធ្លាប់មានតាមរយៈវីដេអូខនហ្វើរេន ដោយពិភាក្សាអំពីតួនាទីរបស់ស្ត្រីក្នុងការអភិវឌ្ឍប្លុកនេះ ចំពេលមានជំងឺកូវីដ ១៩ ។
ព្រឹត្តិការណ៍នេះត្រូវបានធ្វើឡើងនៅក្នុងក្របខ័ណ្ឌនៃកិច្ចប្រជុំកំពូលអាស៊ានលើកទី ៣៧ និងកិច្ចប្រជុំកំពូលពាក់ព័ន្ធនានាដែលបានផ្តល់ឱកាសដល់មេដឹកនាំក្រុមនេះបាននិយាយជាមួយមេដឹកនាំស្ត្រីនៅក្នុងតំបន់ និងនៅអង្គការអន្តរជាតិអំពីវិធីដើម្បីលើកកម្ពស់តួនាទីរបស់ពួកគេបន្ថែមទៀតនៅក្នុងដំណើរការនៃការកសាងសហគមន៍អាស៊ាន បន្ទាប់ពីជំងឺរាតត្បាតកូវីដ ១៩ ។
ថ្លែងនៅក្នុងព្រឹត្តិការណ៍នេះនាយករដ្ឋមន្រ្តីវៀតណាមលោក Nguyen Xuan Phuc បានពិពណ៌នាថា ស្ត្រីជាផ្នែកមួយដែលមិនអាចខ្វះបាននៃដំណើរការកសាងសន្តិភាព និងសន្តិសុខប្រកបដោយចីរភាព ។
មេដឹកនាំវៀតណាមរូបនេះបានជូនពរថា កិច្ចប្រជុំកំពូលនឹងផ្តល់នូវទិសដៅសំខាន់ៗដើម្បីជួយស្ត្រីអាស៊ានចូលរួមចំណែកយ៉ាងទូលំទូលាយ និងមានប្រសិទ្ធភាពដល់ដំណើរការកសាងសហគមន៍អាស៊ានក៏ដូចជាចូលរួមយ៉ាងសកម្មក្នុងការធានាសន្តិភាព សន្តិសុខ និងការអភិវឌ្ឍប្រកបដោយចីរភាព និងរួមនៅក្នុងតំបន់ ។
នៅក្នុងព្រឹត្តិការណ៍ដដែលនេះប្រធានរដ្ឋសភាវៀតណាមលោកស្រី Nguyen Thi Kim Ngan បានអំពាវនាវឲ្យធានានូវផលប្រយោជន៍សេដ្ឋកិច្ច និងសុខភាពស្របច្បាប់សម្រាប់ស្ត្រីតាមរយៈវិធានការប្រកបដោយប្រសិទ្ធភាព និងទាន់ពេលវេលា ។ អាស៊ានត្រូវការដាក់ស្ត្រីឲ្យផ្តោតការយកចិត្តទុកដាក់លើការកសាង និងការស្តារឡើងវិញ បង្កើនភាពជាអ្នកដឹកនាំ និងការបញ្ចេញមតិរបស់ស្ត្រីក្នុងការសម្រេចចិត្ត និងបង្កើនស្ថានភាពសេដ្ឋកិច្ចដើម្បីបង្រួមគម្លាតអភិវឌ្ឍន៍ និងពង្រឹងភាពធន់របស់សហគមន៍អាស៊ានប្រឆាំងនឹងវិបត្ដិខាងក្រៅ ។
លោកស្រីបានអំពាវនាវឲ្យអាស៊ានត្រូវប្រកាន់យកនូវវិធីសាស្រ្តថ្មីៗប្រកបដោយការច្នៃប្រឌិត និងមានប្រសិទ្ធភាពដើម្បីលើកកម្ពស់តួនាទីរបស់ស្ត្រីលើគ្រប់វិស័យជាពិសេសទាក់ទងនឹងអត្ថប្រយោជន៍ពីបច្ចេកវិទ្យាឌីជីថល ។
លោកស្រី Ngan ក៏បានប្រកាសផងដែរថា វៀតណាមនឹងរៀបចំវេទិកាជាន់ខ្ពស់អាស៊ានស្តីពីតួនាទីរបស់ស្ត្រីក្នុងការស្តារឡើងវិញពេញលេញប្រកបដោយចីរភាពនៅឆ្នាំក្រោយ ៕
ប្រែសម្រួលដោយ ៖ ជីវ័ន្ត
ប្រភព ៖ XINHUA
ចុចអាន ៖ ទីបំផុត ចិន អបអរសាទរប្រធានាធិបតីជាប់ឆ្នោតអាមេរិកលោក Joe Biden
ចុចអាន ៖ ចិន គំរាមអាមេរិកបន្ទាប់ពីលោក Pompeo និយាយរឿងមួយពាក់ព័ន្ធ កោះតៃវ៉ាន់
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១២ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ