ត្រូវឆ្នោត២៦លានដុល្លារ តែភ្លេចចុងសន្លឹកក្នុងហោប៉ៅខោ យកទៅបោកគក់ រហែកខ្ទេច
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ត្រូវឆ្នោត២៦លានដុល្លារ តែភ្លេចចុងសន្លឹកក្នុងហោប៉ៅខោ យកទៅបោកគក់ រហែកខ្ទេច

បានផុស

នៅ

អ្នកឈ្នះរង្វាន់ឆ្នោត California Lottery ដែលមានទឹកប្រាក់២៦លានដុល្លារ បានភ្លេចចុងសន្លឹកនៅក្នុងហោប៉ៅខោ ហើយយកទៅបោកគក់ ទីបំផុតត្រូវរហែកខ្ទេច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្នោត SuperLotto Plus ត្រូវបានលក់ក្នុងហាង Arco AM / PM នៅជាយក្រុង Norwalk នៃរដ្ឋ Los Angeles ។ ថ្ងៃព្រហស្បតិ៍គឺជា ពេលវេលាកំណត់ចុងក្រោយដើម្បីបើករង្វាន់។

ទោះបីជាយ៉ាងណាក៏ដោយ គ្មាននរណាម្នាក់បើករង្វាន់បានទេ។

បុគ្គលិកហាងម្នាក់ឈ្មោះ Earlranza Hernandez បានប្រាប់សារព័ត៌មាន Whittier Daily ថា ស្ត្រីម្នាក់បានមកកាលពីថ្ងៃពុធហើយប្រាប់បុគ្គលិកថា នាងបានដាក់ឆ្នោតនៅក្នុងខោរបស់នាង ហើយបានយកទៅបោកគក់ទាំងភ្លេចថា ឆ្នោតនៅក្នុងនោះ។

អ្នកគ្រប់គ្រងហាងបានប្រាប់ KTLA-TV ថា វីដេអូកាមេរ៉ាសុវត្ថិភាព បានបង្ហាញពីស្ត្រីម្នាក់ មកទិញឆ្នោតហើយនាងអះអាងថា បុគ្គលិកហាងក៏ស្គាល់នាងដែរ។ ច្បាប់ចម្លងនៃឃ្លីបវីដេអូនេះ ត្រូវបានប្រគល់ទៅឲ្យមន្រ្តីឆ្នោត California Lottery។

អ្នកនាំពាក្យក្រុមហ៊ុនឆ្នោតលោកស្រី Cathy Johnston បាននិយាយថា ការអះអាងនេះនឹងត្រូវស៊ើបអង្កេត។

មន្ត្រីឆ្នោតនិយាយថា អ្នកដែលជឿជាក់ថាខ្លួនជាអ្នកឈ្នះ ត្រូវតែបំពេញបែបបទទាមទារ។ ប៉ុន្តែប្រសិនបើនរណាម្នាក់បាត់បង់ចុងសន្លឹក ពួកគេត្រូវតែផ្តល់ភ័ស្តុតាងដែលបង្ហាញថា ពួកគេជាម្ចាស់ឆ្នោត ដូចជារូបថតនៅខាងមុខនិងខាងក្រោយនៃចុងសន្លឹកជាដើម៕

ប្រែសម្រួលដោយ៖ Vann Vann

ប្រភព៖ NBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services