ព័ត៌មានអន្ដរជាតិ
ជីវិតថ្លៃ! កុមារអាយុត្រឹម៥ខែ ត្រូវបានទាញចេញទាំងរស់ពីគំនរអគារ ក្រោយការវាយប្រហារអាកាសរបស់អ៊ីស្រាអែល
បុរសជនជាតិអ៊ីស្រាអែលម្នាក់ ត្រូវបានសម្លាប់ដោយគ្រាប់រ៉ុកកែតរបស់ក្រុមហាម៉ាសនៅទីក្រុង Tel Aviv ហើយកុមារាអាយុ៥ខែម្នាក់ ត្រូវបានទាញចេញពីគំនរបាក់បែកទាំងនៅរស់ បន្ទាប់ពីមានការវាយប្រហារអាកាសពេលយប់ លើជំរំជនភៀសខ្លួនមួយក្នុងទីក្រុងហ្គាហ្សា។
កាសែត The Times of Israel បានចុះផ្សាយថា មនុស្សជាច្រើននាក់ បានរងរបួសបន្ទាប់ពីរ៉ុកកែត ត្រូវបានបាញ់ចេញពីជ្រោយ ហ្គាហ្សា សំដៅទៅប្រទេសអ៊ីស្រាអែល។
អគារកម្ពស់៣ជាន់នៅក្នុងជំរំជនភៀសខ្លួន Shati បានដួលរលំ បន្ទាប់ពីការវាយប្រហារអាកាស ដែលបានសម្លាប់មនុស្សយ៉ាងតិច១០នាក់ក្នុងគ្រួសារមួយ (ក្មេង៨នាក់ ស្រ្តី២នាក់)។
ការវាយប្រហារអាកាសរបស់អ៊ីស្រាអែលមួយផ្សេងទៀត ក៏បានកម្ទេចអគារ Jala Tower ដែលជាកន្លែងរបស់ទូរទស្សន៍ Al Jazeera និង Associated Press ផងដែរ។
លោក Mohammed Hadidi បានប្រាប់អ្នកសារព័ត៌មានថា ប្រពន្ធនិងកូន៥នាក់របស់គាត់ កំពុងអបអរពិធីបុណ្យ Eid al-Fitr ជាមួយសាច់ញាតិ។ នាងនិងកូនបីនាក់ដែលមានអាយុពី៦ទៅ១៤ឆ្នាំ ត្រូវបានសម្លាប់រីឯកូនអាយុ១១ឆ្នាំម្នាក់កំពុងបាត់ខ្លួន។ មានតែកូនប្រុសអាយុប្រាំខែរបស់គាត់ឈ្មោះ Omar ប៉ុណ្ណោះ ដែលត្រូវបានគេដឹងថា រួចជីវិត។
ប្រជាជនប៉ាឡេស្ទីនចំនួន១១នាក់បានស្លាប់ក្នុងការប៉ះទង្គិច នៅតំបន់ West Bank កាលពីថ្ងៃសុក្រ ហើយមានការភ័យខ្លាចថាអំពើហិង្សានឹងកាន់តែអាក្រក់ទៅ នៅពេលដែលប្រជាជនប៉ាឡេស្ទីនប្រារព្ធទិវា Nakba។
ទិវានេះគឺជាការរំលឹកដល់មនុស្សប្រមាណ៧០០,០០០នាក់ ដែលត្រូវបានបណ្តេញចេញឬភៀសខ្លួនពីផ្ទះរបស់ពួកគេ នៅក្នុងទឹកដីដែលបច្ចុប្បន្នជារបស់អ៊ីស្រាអែលអំឡុងសង្គ្រាមឆ្នាំ១៩៤៨។
អ្នកស្លាប់សរុបនៅហ្គាហ្សាគិតចាប់តាំងពីថ្ងៃចន្ទមកដល់ពេលនេះ គឺមានចំនួន១៤០នាក់ ដោយក្នុងនោះមានកុមារចំនួន៣០នាក់។ មនុស្សប្រហែល ៩៥០នាក់ក៏បានរងរបួសផងដែរ៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ក្រោយការវាយប្រហាររបស់អ៊ីស្រាអែលជិត ៣០ ដងលើតំបន់ហ្គាហ្សា អ្នកស្លាប់មានការកើនឡើងជាបន្តបន្ទាប់
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានជាតិ១៩ ម៉ោង ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»