ព័ត៌មានអន្ដរជាតិ
ប៉ាឡេស្ទីន ឲ្យ UN ជួយបញ្ឈប់ឧក្រិដ្ឋកម្មសង្គ្រាមរបស់អ៊ីស្រាអែល មកលើតំបន់ហ្គាហ្សា ដោយអាណិតដល់ក្មេងៗដែលមិនដឹងអី
រដ្ឋមន្ត្រីការបរទេសប៉ាឡេស្ទីនលោក Riyad al-Maliki កាលពីថ្ងៃចន្ទ បានជំរុញឲ្យអង្គការសហប្រជាជាតិ (UN) បញ្ឈប់ឧក្រិដ្ឋកម្មសង្គ្រាមរបស់អ៊ីស្រាអែល លើតំបន់ហ្គាហ្សាប្រឆាំងនឹងកុមារប៉ាឡេស្ទីន ។
នៅក្នុងសារមួយទៅកាន់លោកស្រី Virginia Gamba ប្រេសិតពិសេសរបស់ UN សម្រាប់កុមារ និងជម្លោះប្រដាប់អាវុធ លោក Maliki បាននិយាយថា ការវាយប្រហារយ៉ាងខ្លាំងក្លា និងអំពើហិង្សារបស់អ៊ីស្រាអែល ទៅលើតំបន់ហ្គាហ្សា បានបណ្តាលឲ្យកុមាររាប់សិបនាក់បានស្លាប់ ហើយកុមារប៉ាឡេស្ទីន មិនមានកន្លែងសុវត្ថិភាព ដើម្បីស្វែងរកទីជំរកទេ ។
លោក Maliki បាននិយាយថា “យើងអំពាវនាវដល់លោកស្រី Gamba ឲ្យការពារកុមារប៉ាឡេស្ទីន ហើយជំរុញឲ្យអ៊ីស្រាអែល បញ្ឈប់ការវាយប្រហាររបស់ខ្លួន លើកុមារប៉ាឡេស្ទីន” ។
ក្រសួងសុខាភិបាលប៉ាឡេស្ទីន បាននិយាយកាលពីថ្ងៃចន្ទថា ចំនួនអ្នកស្លាប់ដោយសារការវាយប្រហាររបស់អ៊ីស្រាអែល ដែលកំពុងកើតមាននៅលើតំបន់ហ្គាហ្សាស្ទ្រីប បានកើនឡើងដល់ ២១២ នាក់ហើយ ។ តួលេខដ៏គួរគួរឲ្យរន្ធត់នេះ រួមមានកុមារ ៦១ នាក់ ស្ត្រី ៣៥ នាក់ និងមនុស្សចាស់ជរា ១៦ នាក់ ខណៈមនុស្ស ១,៤០០ នាក់បានរងរបួស ក្នុងពេលវាយប្រហារ ។
យោធាអ៊ីស្រាអែលបានធ្វើការវាយប្រហារតាមអាកាស នៅទូទាំងតំបន់ហ្គាហ្សាស្ទ្រីប ចាប់តាំងពីថ្ងៃទី ១០ ខែឧសភា ដោយបណ្ដាលឲ្យមានការបំផ្លិចបំផ្លាញ ទ្រង់ទ្រាយធំនៅទូទាំងដែនដីមាត់សមុទ្រ ។ ក្នុងនោះជនជាតិអ៊ីស្រាអែល ១០ នាក់ ក៏ត្រូវបានសម្លាប់ក្នុងការបាញ់គ្រាប់រ៉ុកកែត របស់ប៉ាឡេស្ទីនពីតំបន់ហ្គាហ្សាស្ទ្រីប ចូលទឹកដីអ៊ីស្រាអែលផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង