ព័ត៌មានអន្ដរជាតិ
អ៊ីស្រាអែល បន្តទម្លាក់គ្រាប់បែកកម្ទេចរូងក្រោមដី និងសម្លាប់សមាជិកជាន់ខ្ពស់ក្រុមហាម៉ាសជាង ១០០ នាក់
យោធាអ៊ីស្រាអែល បានបន្តការវាយប្រហារតាមអាកាស ទៅលើគោលដៅរបស់ខ្លួន នៅក្នុងតំបន់ហ្គាហ្សាស្ទ្រីប ខណៈដែលអះអាងថា ក៏បានសម្លាប់សមាជិកជាន់ខ្ពស់ នៃក្រុមសកម្មប្រយុទ្ធហាម៉ាសប៉ាឡេស្ទីនដែលគ្រប់គ្រងហ្គាហ្សា ផងដែរ ។
យោធាអ៊ីស្រាអែលបានអះអាងថា ខ្លួនបានសម្លាប់សមាជិកជាន់ខ្ពស់ របស់ក្រុមហាម៉ាស និងក្រុមសកម្មប្រយុទ្ធដទៃទៀត ជាង ១០០ នាក់ ។
ទន្ទឹមនោះ យោធាកាលពីថ្ងៃពុធ ក៏បានធ្វើការវាយប្រហារតាមអាកាស លើផ្លូវរូងក្រោមដី ដែលគេដឹងថាត្រូវបានសាងសង់ដោយក្រុមហាម៉ាស ក៏ដូចជាទីតាំងផ្សេងទៀតផងដែរ ។
បន្ថែមពីនេះ កងទ័ពអ៊ីស្រាអែលដែលបានដាក់ពង្រាយ នៅជិតព្រំដែនជាមួយតំបន់ហ្គាហ្សាស្ទ្រីប នៅតែបន្តបាញ់កាំភ្លើងធំ ឆ្ពោះទៅតំបន់ព័ទ្ធជុំវិញនោះ មិនស្រាកស្រាន្តឡើយ ខណៈក្រុមហាម៉ាស ក៏បានវាយប្រហារតបតទៅ យោធាអ៊ីស្រាអែលវិញផងដែរ ដោយគ្រាប់រ៉ុក្កែត និងកាំភ្លើងត្បាល់ ។
គួរបញ្ជាក់ថា រហូតមកដល់ពេលនេះ ចំនួនអ្នកស្លាប់ត្រូវបានរាយការណ៍ថា មានដល់ ២៥៦ នាក់នៅតំបន់ហ្គាហ្សា ក្នុងនោះកុមារ ៦៩ នាក់ ស្ត្រី ៣៨ នាក់ និងរបួស ១,៦២០ នាក់ ខណៈនៅខាងអ៊ីស្រាអែល មានអ្នកស្លាប់ ១២ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល