ព័ត៌មានអន្ដរជាតិ
WHO ថា តួលេខអ្នកស្លាប់ដោយកូវីដនៅទូទាំងពិភពលោក មានច្រើនជាង ២ ទៅ ៣ ដងនៃចំនួនបច្ចុប្បន្ន
អង្គការសុខភាពពិភពលោក (WHO) បាននិយាយកាលពីថ្ងៃសុក្រថា ចំនួនអ្នកស្លាប់ទូទាំងពិភពលោក ពីជំងឺកូវីដ ១៩ អាចមានចំនួនទ្វេដង ឬបីដង នៃតួលេខដែលបានរាយការណ៍បច្ចុប្បន្នថា មានចំនួន ៣.៤ លាននាក់ ហើយខ្ពស់ដល់ ៨ លាននាក់ឯណោះ ។
លោកស្រី Samira Asma អ្នកវិទ្យាសាស្ត្រជាន់ខ្ពស់ផ្នែកទិន្នន័យ នៃអង្គការសុខភាពពិភពលោក បានប្រាប់ក្រុមអ្នកយកព័ត៌មាន នៅក្នុងសន្និសីទកាសែតមួយថា ក្រឡេកមើលនិន្នាការ កាលពីអតីតកាលសម្រាប់ឆ្នាំ ២០២០ ចំនួនអ្នកស្លាប់ពិតប្រាកដ គឺប្រហែលជាខ្ពស់ជាង ២ ទៅ ៣ ដង នៃតួលេខបច្ចុប្បន្ន ។
លោកស្រីបាននិយាយតបទៅ នឹងសំណួររបស់ទីភ្នាក់ងារ Anadolu ថា “យើងដឹងថា មានអ្នកស្លាប់ចំនួន ៣.៤ លាននាក់ ត្រូវបានរាយការណ៍ជាផ្លូវការ រហូតដល់ខែនេះ ។ ប៉ុន្តែបើតាមការគណនា ការស្លាប់នោះគឺលើស ៣ លាននាក់ទៅហើយ គ្រាន់តែគិតត្រឹមឆ្នាំ ២០២០” ។
លោកស្រីបាននិយាយថា ជំងឺរាតត្បាតកូវីដ ១៩ នៅតែរីករាលដាល ហើយ WHO កំពុងឃ្លាំមើលការស្លាប់ នៅអាមេរិកឡាទីន និងអាស៊ី ជាពិសេសប្រទេសឥណ្ឌា និងនេប៉ាល់ ។ ដូច្នេះខ្ញុំគិតថា វាមានការស្លាប់ប្រហែលជា ៦ ទៅ ៨ លាននាក់ ត្រូវបានប៉ាន់ស្មាន ហើយនោះគឺជាការកត់សម្គាល់មួយប៉ុណ្ណោះ ។
ទន្ទឹមនោះ លោកស្រីបានកត់សម្គាល់ថា នៅក្នុងប្រទេសមួយចំនួន ប្រព័ន្ធរាយការណ៍ពីមូលហេតុ នៃការស្លាប់គឺខ្សោយ ។ ដូច្នេះ WHO អំពាវនាវប្រទេសទាំងអស់ ធ្វើឲ្យប្រសើរឡើង និងពង្រឹងនៅក្នុងប្រព័ន្ធទិន្នន័យ និងប្រព័ន្ធព័ត៌មានសុខភាពឲ្យរឹងមាំ” ។
គួរបញ្ជាក់ថា គិតត្រឹមពេលនេះ នៅទូទាំងពិភពលោក មានករណីឆ្លងជំងឺកូវីដ ១៩ សរុប ១៦៦,៤៦៦,៧៦២ ករណី និងមានអ្នកស្លាប់ចំនួន ៣,៤៥៧,៦០១ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore